7 يونيو 2011

عودة من جديد ربما تكون مؤقتة



يوميات
1-6
اصبح الشعب المصرى مدمن لعبة الكراسى الموسيقية فالاخوان تحل محل الوطنى والسلفيون اصبحوا الفزاعة الجديدة والاحزاب كومبارس كالعادة والخاسر الشعب المصرى الكادح .
2-6
نحتاج الى ثورات وثورات للقضاء على العقول المتعفنة والضمائر الخربة ونحتاج الى شعب لرحيل شعب من النظام الفاسد
3-6
ما زال اختلاف الراى يفسد القضية برمتها بل يكاد ينسفها نسفا ولا عزاء للديمقراطية المزعومة 
4-6
ليس العيب ان نخطىء ولكن كل العيب التمسك بالخطأ وعدم الاعتذار عنه والاخطا الاكبر عندما يكون العذر اقبح من ذنب 
5-6
5-6-1967 ليست نكسة ولكن هزيمة شعب بسبب غباء قائد وغرور تابع ووكسة امة عربية فضلت مصلحة شخصية على مصلحة عامة
5-6-2011 نكسة على المستوى الشخصى وانفلات اعصاب غير مبرر واهانة وتجريح ادت الى جرح عميق من الصعب علاجه على المدى القصير 
6-6
خالد سعيد هل جانى ام مجنى عليه .. ظالم ام مظلوم حقيقة تاهت وسط الزحام لكن هناك قلب ام ملكوم فقدت ابنها وتطالب بحقه والقصاص من قتلته حتى لو كان ابنها شهيد او رمز لثورة شعب وشرارة الهبت حماس الملايين فتحية وتقدير لشهداء ثورة 25 يناير ووقودها وشرارتها .
 7-6
الى مدونتى
ما احلى الرجوع اليك  كم افتقدتك وافتقدت الالفة والاصدقاء والاحباب بالبعد عنكى ولكن مهما يطول السفر والغياب لابد من لحظة رجوع وكانك اصبحتى عشيقتى ومحبوبتى اشتاق اليكى بالرغم من قربك .

هناك 14 تعليقًا:

فاتيما يقول...

حمدلله ع السلامة يا غالى

:)

فاتيما يقول...

ايه كلمة مؤقتة دى ؟

اوعى تكون ناوى تقفلها
ولاّ تهجرها ...
محبوبتك بتقول
يبقى تغيب ممكن
لكن ترجعلها تانى
...

طيب

ربنا يطمنا عليك
واللى زعلانين منك
بكرة يصفوا
انتا مينفعش تغلط ف حد يا خالد
ولو فلتت اعصابك حتى
انتا ليك كتيييييييييير قوى
هيشفعلك عند اللى بيحبوك

أنا متأكدة من كدا
أى حد يعرفك
لازم تبقى فاهم انه مش هيزعل منك
ولو زعل لأى سبب ..
هيكون قوى ..
وهختفى أثره بعد شوية
لما يفتكرلك الخير ما بينكم ..
وانا متأكدة ان نصيبك منه كبير قوى ..

وعلى رأى الأبنودى
كل الجروح ليها دوا ...
سيبها على ربنا تفرج

حمدلله ع السلامة
:)

أمل حمدي يقول...

أبو همس الأحباب وحشتني والله
يارب تكون بخير وكل اسرتك

بنت الصالحين يقول...

عودا حميداً ويارب متكون شعودة مؤقتة

الوقت دا محتاج ناس محترمة تتكلم بدل مالموضوع بايظ والناس المحترمة سكتت وبئت م الأغلبيةالصامتة للأسف

غير معرف يقول...

حمدالله على السلامه
نورت مدونتك
لو كانت اعصابك فلتت على حد منك اكيد هيسامحك ده لو غلطت فى حقه
انما لو غلطت فى حق حد تانى ماتطمعش انه يسامحك
واكيد زى ماانت مجروح اللى زعلتهم اكيد مجروحين
واللى يعرفك مهما غلطت فيه استحاله ينساك
ربنا يوفق جميع الاطراف ويصلح الاحوال

مجرد حلم صغنتوت يقول...

حمدلله ع السلامة
ان شاء الله تبقى عودة بجد مش مؤقتة

الرعشة اللي حسيتها لما تخيلت احساس ام خالد سعيد وكل الشهداء امبارح في الوقفة الصامتة بجد تحسسني اني مقصرة اوي اوي في كل حاجة

ربنا يصبرهم يااا رب

عاشقه الرومانسيه يقول...

ازيك ياابو همس؟
حمد الله على السلامه
انا لقيتك بتقطمنى قلت اجى اعلق بجد وواضح انك زعلان من تقصيرى معاك
بس انا نادرا لما اعلق عند حد دلوقتى

نورت مدونتك ياغالى
:)

همس الاحباب يقول...

فاتيما
الله يسلمك ياست الكل

همس الاحباب يقول...

فاتيما
ربنا يسهل يا ام يوسف ونفضل وسطكم ان شاء الله
شكرا لكلماتك الطيبة واتمنى انى اكون عند حسن ظنك دائما
لكن المشكلة انى اتعودت انى اترك اثر طيب حتى مع من يختلف معى لكن هذه المرة طلعت اوت منى خالص وتركت اثر سيىء لا يمحوه الا الزمن ههههههههه
ربنا يطمنا عليكى وعلى يوسف
تحياتى

همس الاحباب يقول...

ماما امولة
وانتم كمان والله كل اهل بور سعيد وناسها الطيبين وحشونا
واسف لتقصيرى معكم لكن ظروف خارجة عن ارادتى
شكرا لحضرتك
تحياتى

همس الاحباب يقول...

بنت الصالحين
جزاكى الله خيرا
وربنا يصلح الاحوال ويولوا من يصلح
ويجعل مصر وسائر بلاد المسلمين رخاء ويحميها من الفتن والمكائد
تحياتى

همس الاحباب يقول...

غير معرف
اممممممممم
شكرا لتعليقك
بس الواضح انك عندك خلفية عن الموضوع
على اى حال ربنا المستعان
وشكرا لكلماتك الطيبة
تحياتى

همس الاحباب يقول...

مجرد حلم
استاذتنا
الله يسلمك
ويرحم شهداءنا جميعا ويلهمهم ذويهم الصبر والسلوان ويسكنهم فسيح جنلاتى
تحياتى

همس الاحباب يقول...

عاشقة الرومانسية
الحمد لله ازيك يا دودو
ربنا يكرمك ويسعدك
لا ابدا ما فيش تقطيم ولا حاجة بس الواضح انه حدث سؤء فهم
تحياتى