الفيديو من عند شمس النهار حوار مع احد المصابين
نداء الى كل مدونى مصر الشرفاء مطلوب على و جه السرعة الوقوف يد واحدة مع مصابى ثورة 25 يناير
المصابون بالقصر العينى القديم يعانون مشاكل ومصاعب عدة بدءا من سوء المعاملة والاهمال الى الطرد والتشريد فى منتصف الليل من قبل العاملين بالمستشفى ناهيك عن سؤء الخدمة والمعاملة غير الادمية لهم كمرضىالمصابون فى اشد الحاجة الى المساعدة معنويا بتضامنا معهم والدفاع عن حقوقهم وده ابسط شىء ممكن ان نقدمه لاشخاص كادوا ان يفقدوا حياتهم واصيبوا باصابات وعاهات مستديمة افقدتهم نور ابصارهم من اجل ان ينيروا لنا الطريق ويمنحونا الحرية
واجب علينا ان نساعدهم ماديا ومعنويا ومشاركتهم المعاناة فى تلك الظروف القاسية
هؤلاء الاشخاص لا يريدون شو اعلامى ولا مناصب ولا يطلبون جاه او مال لكن يطالبون بحقهم فى العلاج ومعاملتهم كبنى ادمين
فلنبدا جميعا من الان فى زيارتهم والوقوف بجانبهم لتحقيق مطالبهم فى العلاج والمعاملة الادمية .
شكرا برنسيسة شمس النهار على مجهود حضرتك ودعوتك الكريمة لى لمشاركتكم فى ذلك العمل الانسانى
وشكرا على مجهودك فى عمل تلك الحوارات مع المصابين واقاربهم
شكرا لكل الصحبة الرائعة التى استجابت لدعوة حضرتك
لمزيد من التفاصيل تابع مدونة شمس النهار هنا
لمعرفة تفاصيل الحوارات المؤلمة والاصابات الخطيرة التى سجلتها معهم شمس النهار هنا رجاء اخير منا جميعا سرعة الاستجابة والنشر والتفاعل الايجابى مع الموضوع
المساعدة المعنوية مطلوبة جدا اكثر من المادية فى الوقت الراهن 
.jfif)
.jpg)
هناك 8 تعليقات:
جزاك الله خير يأستاذ خالد
ويجعله في ميزان حسناتك
طيب بعد اذن حضرتك انا ممكن اعرف ممكن اساعد ازاي
محتاجة خيارات ..الفكرة انا مؤيداها وهوصلها باذن الله بقدر الامكان
بس عاوزة حاجة تاني اقدر انا شخصيا اعملها
الناس هناك فعلا محتاجين للدعم المعنوى بالدرجة الأولى
عايزين يحسوا إن فى حد بيسمع صوتهم وفرحان باللى هم عملوه
هناك واحد فقد عينيه الاتنين وبيفرح جدا لما بتقول له يا بطل
وان ده كان فى سبيل شيئ نبيل
ربنا يجزيك خير على التنويه
السلام عليكم
عند حضرتك حق الناس دى فعلا أهدرت حقوقها حتى على مستوى ذكر أفضالهم فقد نسيناهم تماما
ربنا يقدم الخير يارب
وجميل منك ما قدمت لهم حتى ولو ببوست عشان الكل يعرف
جزاك الله كل الخير
شكرا علي استجابت حضرتك السريعه بس ماحددتوش الموعد
ياريت يااستاذ خالد نسرع بالموضوع
وان شاء الله لما تحددوا الموعد تبلغني ولك كل الشكر
وربنا يكرمك
والله هؤلاء الناس لهم حق على كل شعب مصر
ولابد من رعايتهم من كل النواحي فقد قدموا لمصر الكثير
ولكن ياريت لو في إقتراح معين نتكاتف عليه ونتوحد لتقديم كل ما نستطيع لهم ردا لبعض جميلهم علينا
السلام عليكم
كيف حالك استاذ خالد ..
دايما للخير سابق ربنا يتقبل منك ..
كمان اهالي الشهداء بلاش ننساهم ..
إرسال تعليق