21 يونيو 2010

الحملة الخيخية للتبرع بالدم


الحملة الخيخية للتبرع بالدم يوم الجمعة 2 يوليو 2010 امام هيئة المصل واللقاح بالدقى
التجمع من العاشرة صباحا امام الهيئة 
التفاصيل هنا
على هامش الحملة 
المصل واللقاح مكان امن جدا للتبرع 
النظام والنظافة العالية جدا ميزة من اهم مميزاته 
حسن الاستقبال والترحاب بالمتبرعين سمة من سماته 
لكن ما حدث اخيرا مع والدة عاشقة النقاب فى ازمتها الصحية وسؤء التصرف من قبل بنك الدم يجعلنا نفكر فى كيفية وطريقة التبرع مستقبلا فى المصل او اللقاح وذلك بحفظ حقوقنا كمتبرعين وكذلك المرضى من اقاربنا ومعارفنا  واقصد بحقوقنا الحق الانسانى  وحصول المرضى على ما يحتاجونه من دم  بمقابل مادى معقول اضافة الى حقهم فى الحصول على اكياس دم فى المقام الاول طالما متوفر ببنك الدم لديهم .
هناك اقتراح اخر بنقل مكان التبرع الى مكان اخر مستقبلا فى حالة عدم جدوى الحوار مع هيئة المصل واللقاح 
وباقتراح من الاخت كيارا ان بنك الدم التابع لمستشفى  القصر العينى الفرنساوى به من الامكانيات والنظافة والاهتمام ما يوازى هيئة المصل واللقاح  اضافة الى حرية المتبرع فى التبرع لاحد الاشخاص المرضى او لاحدى الهيئات كتبرع لمستشفى ابو الريش للاطفال او مستشفى سرطان الاطفال او اى مكان اخر محتاج .
التبرع بالدم هو عمل خيرى فى المقام الاول والاخير لذا لابد من توجيه العمل الى مستحقيه باسعار معقولة ولا اقول مجانا لكى تتسنى للهيئة الحصول على ايراد للانفاق على العمالة والمستلزمات وما يرتبط باعمال التبرع .
انا ضد  فكرة التبرع بمقابل مادى من جانب اى شخص ولكن متفق جدا مع التبرع من اجل ظروف انسانية ومراعاة البعد الانسانى للمريض المحتاج من جانب القائمين على بنوك الدم .
للتبرع بالدم فوائد كثيرة فى الدنيا والاخرة .فلا تبخلوا بمشاركتكم بالتبرع او بمجرد التشجيع المعنوى.
جزاءكم الله خيرا ..

هناك 24 تعليقًا:

-_- يقول...

الواحد عايز يبعت التبرع في التعليق او في ايميل ..

بعد المسافات دي مشكلة

احنا بنتبرع في نيويورك من غير حملات ولا حاجة .. فقط لاجل الانسانية .. بس الواحد لما بيفكر ان دمه بيروح للي بيحاربوا في العراق بيبقى عايز يولع في نفسه

حاجات جوايا يقول...

ربنا يقدركم دايما يارب على عمل الخير
وكله ان شاء الله مردود لكم
اللى بيروح لله مش بيضيع ابدا

ربنا معاكم

تحياتى وتقديرى

القدر و انا يقول...

خالد
انا فايتة امسى عليك يا بطل الخير
ربنا يبارك لك فى كل خطوة تخطوها ويجعلها فى ميزان حسناتك

مجداوية يقول...

السلام عليكم

ربنا يكلل جهودكم بالنجاح والتوفيق يارب ويجعلها في ميزان حسناتكم

فمن فرج عن اخيه كربة من كرب الدنيا فرج الله كربته يوم القيامة


تقديري واحترامي ودعواتي الخالصة لكم

لــــ زهــــــراء ــــولا يقول...

والله عايزة اتبرع بس للأسف انا مينفعش لاني عندي انيميا وهتعب ان اتبرعت
لولا

جنّي يقول...

السلام عليكم

كيف حالك اخونا خالد لعلك والاسرة بخير ..

ربنا معاكم دايما يوفقكم لعمل الخير دائما ..

للاسف دائما الحكومة تفسد كل شئ جميل ..

محمد فاروق الشاذلى يقول...

للأسف مش هاقدر أتبرع لأنى لسه من خمس أسابيع متبرع بالدم فى القصر العينى لحد من قرايبى وطبعا ماعدتش فترة الشهور الثلاثة التى يجب أن تفصل بين تبرعين.
تحياتى لكم وتمنياتى بالتوفيق

richardCatheart يقول...

ربنا يكرمكم يارب يا خالد

ربنا معاكم ان شاء الله

Kiara يقول...

طبعا التبرع بالدم ليه مميزات كتير غير انه تبرع انساني يعني الجسم بيستفاد من التبرع دا

وبنك الدم هينور طبعا لما هتشرفوه

لكن في تصحيح بسيط بس

****
حرية المتبرع فى التبرع لاحد الاشخاص المرضى او لاحدى الهيئات كتبرع لمستشفى ابو الريش للاطفال او مستشفى سرطان الاطفال او اى مكان اخر محتاج .

*****
هو فعلا ممكن المتبرع يتبرع لمريض وممكن لصالح المستشفى نفسها

والاهم طبعا ودا اللي بهتم بيه هو التبرع لصالح مستشفى الاطفال لانهم مش عندهم مكان مجهز عشان الناس تتبرع للاطفال فيه فالناس بتبرع عندنا لصالهم

بس

العلم نور يقول...

الله يوفقكم لما يحبه ويرضاه .. ويقدركم على فعل الخير.

همس الاحباب يقول...

sharm
ربنا يكلرمك وان شاءالله تشارك معانا لما ترجع بالسلامة
تحياتى

همس الاحباب يقول...

حاجات جوايا
ربنا يكرمك يا ام دودو
جزاكى الله خيرا
تحياتى وتقديرى لحضرتك

همس الاحباب يقول...

القدروانا
ربنا يكرمك يا ست الكل
اللهم اميين
جزاكى الله خيرا
تحياتى وتقديرى

همس الاحباب يقول...

مجداوية
وعليكم السلام ورحمة الله
اللهم اميين
جزاكى الله خيرا على دعواتك الطيبة
تحياتى لحضرتك

همس الاحباب يقول...

لولا وزهراء
لاالف سلامة عليكى يا ست الكل
خلاص نخلى زهراء تتبرع بالنيابة عنك
سلامتك وكفاية مشاركتك المعنوية وتشجيعك
تحياتى

همس الاحباب يقول...

جنى
وعليكم السلام ورحمة الله
الحمد لله بخير
حضرتك عامل ايه
واخبار الاسرة الكريمة
اللهم اميين
مع الاسف لكن لابد من فعل الخير بغض النظر عن العوائق
تحياتى اخى الكريم

همس الاحباب يقول...

قلب مصرى
ولا يهمك ياباشا
كفاية انك تشرفنا وتورنا بوجودك
تحياتى لك وللاسرة الكريمة

همس الاحباب يقول...

مارو هانم
ويكرمك ويجازيكى خيرا على تعبك ومجهودك انتى كمان
تحياتى لحضرتك

همس الاحباب يقول...

كيارا
جزاكى الله خيرا
على مجهودك وتصحيح المعلومة
ربنا يقدرنا واياكم على عمل الخير والدعوة اليه دائما
تحياتى وتقديرى

همس الاحباب يقول...

ام الخلود
جزاكى الله خيرا
ربنا يكرمك
تحياتى

غير معرف يقول...

نههههههههههههههههه
اضرب العربي علي قفاة
http://abozaid46.blogspot.com

مدونه هنا السناهره يقول...

الله ينور رائع ارجو منك زياااااره مدونتا وابداء رايك فيها


http://sanahra.blogspot.com/

!!! عارفة ... مش عارف ليه يقول...

ربنا يوفقك للخير يا خالد

شفـقــة و إحســــان يقول...

فينك يا عم همس حبينا بس نسلم على الناس اللى ما بتسالش