24 ديسمبر 2009

72 ساعة فى سوهاج

رحلة قصيرة استمرت 72 ساعة باحدى قرى محافظة سوهاج  مسقط رأسى وبما ان حب الوطن من الايمان فعشقى لقريتى بالرغم من بعدى عنها جارف والشوق لها باق ما دامت الروح تسرى فى الجسد 
ما زالت القرية المصرية بالرغم من تطورها وادخال وسائل التكنولوجيا الحديثة تمتاز بالهدوء والنقاء وخالية من التلوث احيانا 
سافرت لحضور بعض المناسبات السريعة وزيارة الاسرة والاقارب وبالرغم من قصر المدة التى مكثتها هناك الا اننى وفقت بحول الله وقوته من انجاز اشياء كثيرة وزيارة اقارب واصدقاء وعيادة بعض المرضى بالرغم من سفرى خصيصا لحضور حفل زفاف وتجهيز لحفل زفاف اخى الاصغر فى شهر فبراير 2010 
وبما ان الجو جذاب ومنظر الزرع يجذبك بجماله فرحلة قصيرة وسط الحقول تعنى لك الكثير وتنسيك هموم الحياة ، كذلك بعدك عن التكنولوجيا ووسائلها شىء جميل جدا يجعلك تعيش طبيعتك الاولى وتتفكر فى خلق السموات والارض وتشهد بعظمة مبدع الكون 
بالرغم من طول المسافة بين القاهرة وسوهاج الا ان الرحلة كانت رائعة ومنظر الصحراء الجرداء من حولك يجعلك تتسائل لماذا نترك  تلك الصحراء جرداء بالرغم من توفر الوسائل لجعلها خضراء فصحراء المنيا شاسعة وكذلك بنى سويف ومثلها اسيوط فالطريق الصحراوى يمر بين هضاب وارض مستوية قابلة للزراعة وانشاء مشاريع استثمارية وهذا يحتاج الى بوست منفصل 
امتع ما فى تلك الرحلة صلة الرحم وزيارة الاهل والاقارب وذهابى الى مدينة سوهاج العاصمة ومقابلة اصدقاء الدراسة التى مر على انتهائها اكثر من اثنى عشر عاما ورغم ذلك عندما مرت السيارة على المدينة الجامعية تذكرت ايام المخيمات ولجان الامتحان وخروجنا من اللجنة بعد فرحة عارمة تارة واحباط وخوف تارة اخرى وبعدها مررت على مبنى الجامعة ومبنى كلية التجارة بسوهاج مدرج أ وخروج الطلبة من المحاضرة توقفت قليلا وكاننى كنت بالامس القريب بداخل المبنى العريق واسترجعت بعض من ذكريات الدراسة وعشقى لشوارع سوهاج وابنيتها 
بالرغم من التطور والمبانى الرائعة الحديثة والفنادق التى شيدت على ضفاف النيل ما زال عبق الماضى وجمال النهر الخالد وروعة الغروب على ضفافه كما هى .
اكثر ما لفت نظرى هو النظافة والنظام فى شوارع سوهاج وان هناك تطور ملحوظ فى المحافظة ومع ذلك استغربت تلك النظافة التى افتقدناها فى الجيزة والقاهرة وربما جال بخاطرى ان المحافظة ازدانت لقدومى ولكن صديقى اخبرنى بان مفتى الجمهورية كان فى زيارة للمحافظة امس فبادرته اذا كان هو حضر بالامس فانا حضرت اليوم .
جلسنا سويا على احدى المقاهى نتحدث عن ذكريات الايام الخوالى وما حدث خلال تلك السنوات التى افترقنا فيها وبالرغم من مرور تلك السنوات الاثنى عشر فما زال اناس كثيرون يعرفوننى وينادونى باسمى وابادلهم السلام وابتسامة رغم ان الذاكرة لا تسعفنى فى تذكر اسماءهم ولكن الحمد لله ما زالت الصورة عنى طيبة .

مرت السويعات سريعا وكان لابد من الفراق لانى مرتبط بميعاد سفر بعد ساعة على امل بلقاء قريب 
فى بوست لاحق سوف اتحدث عن مزايا وعيوب طرق الصعيد والزراعات ودور الدولة فى القضاء على محاصيل استراتيجية مثل القطن والقمح ان شاء الله

وساترككم مع بعض الصور من قريتى الصغيرة صورتها من شرفة المنزل



 
اسف جدا لانشغالى وعدم متابعتكم خلال الفترة الماضية 
وكل عام وانتم بخير

هناك 102 من التعليقات:

موناليزا يقول...

عمار يا مصر:)
بجد الصور رائعة

ستيتة يقول...

الصور لوحدها تهدي الأعصاب :)

ربنا يكرمك ومبروك لأخوك مقدما

أما عن تعمير صحاري الصعيد او سينا او اي مكان فيكي يا بلد مبقاش عندي أمل الا ان يغير الله ما بنا من البلاء

تحياتي

أ / أحمد عبد المنعم يقول...

بسم الله الرحمن الرحيم

حمدا لله على سلامتك

ورحلة موفقة بإذن الله

دعوة

لقراءة مقال كتبته على مدونة
أحب أسرتى

http://noghos.blogspot.com/

Mano يقول...

ازيك يأستاذنا
وحمدالله علي السلامة
72 ساعة ولا تلحق تعمل حاجة دا يادوب تروح وتيجي ههههه
انا اخري في الصعيد كان اسيوط وبصراحة اول مرة روحتها مكنتش مصدق ان الجمال دا كله في الصعيد
اما عن الصور فلا تعليق
تحياتي ليك يأستاذي
وحمدالله علي السلامة مرة تانيه

♥نبع الغرام♥♪≈ يقول...

السلام عليكم

كل سنة وحضرتك بألف خير نورت مدونتك من تانى
وسعيده اووى برجوعك
وبجد كلامك عنها خلانى حبيتها اوووى
والصور تجنن

سلامى للبنوتين ربنا يحفظه

ويخليهم ويخليك لهم

تحياتى
انوسة

♥نبع الغرام♥♪≈ يقول...

ونسيت أبارك لأخوك اهو

ربنا يتمم على ألف خير يارب

أمل حمدي يقول...

حمد الله على السلامة يا ابو همس

وان شاءالله كل الاهل والاحباب بخير

وألف مبروك مقدما لأخيك ربنا يتمم فرحتكم بيه ان شاء الله

صور جميلة لارض مصر الحلوة

ماشاء الله

تقديري لك وسلامك وصل

حنين الذكريات يقول...

مبرك لأخوك وعقبال اولادك
احسن حاجه فى المناسبات انها بتجمع الاهل وتلاهى الحياه بتخالى صلة الرحم بينا مجرد تليفونات
ونشكرك على الصور اللى بتعرفنا جمال بلدنا

شفـقــة و إحســــان يقول...

ايه يا عم خالد الصور الحلوة دى بجد فى مدينة فى بلدنا جميلة كده
شوقتنى نروح سوهاج عموما المفروض تعزمنا واحنا هنقبل العزومة
ههههههههههههه
فرحنا جدا لاخوك مبروك الف الف مبروك
وعقبال بناتك
شفقة واحسان

عمرو جويلى يقول...

السلام عليكم
زيارة موفقة بإذن الله
وحمدلله على سلامتك
وكلامك ده فكرنى بأيام
الجامعة حيث أننى كنت أسكن
مع مجموعة من الصعايدة
وكانوا يأتون يخيرات الصعيد
معهم من عيش شمسى إلى جبن فلاحى
بخيره ياه على الأيام الحلوة دى
خالص تقديرى

همس الارواح !! يقول...

حلوه اوى الصور على فكره
انا من عشاق الصعيد اساسا وبحب منظر الخضره جدا

ربنا يكرمك يارب
ويفرحك دايما
تحياتى

حنين القلب يقول...

الف مبروك لاخوك يا ابو همس
وعقبال ما تفرح ببناتك

وحمد الله على السلامه

العلم نور يقول...

صور رائعة فعلا ومناظر طبيعية تدل على الصفاء والنقاء .. تقبل مروري

Baskouta يقول...

الصور جميلة وتحسها قريبة من القلب
تحياتي على الوصف الجميل

عاشقه الرومانسيه يقول...

حمد الله على السلامه ياابو همس

Unknown يقول...

بلدنا مليانة
من الجمال آلوان

Unknown يقول...

بس محتاجة
نظرة تنفيذية
مخلصة جداً جداً:(

Tamer Nabil Moussa يقول...

ازيك ياخالد اخبارك اية


حمد الله على السلامة

صور جميلة

والف مبرروك لااخوك


مع خالص تحياتى

همس الاحباب يقول...

موناليزا
فعلا عمار يا مصر
ربنا يكرمك ويبارك فى حضرتك
تحياتى

همس الاحباب يقول...

داستيته
منظر الخضرة رائع حقا
ربنا يبارك فى حضرتك
اللهم امين
تحياتى

همس الاحباب يقول...

ا/ احمد عبدالمنعم
الله يسلم حضرتك
وشكرا جزيلا على سؤالك واتصالك
تمت الزيارة استاذى العزيز
بارك الله فيك
تحياتى

همس الاحباب يقول...

مانو
منور ياهندسة
حقاالمسافة البعيدة ولكن اتعودنا على تلك المسافة
هناك نهضة فى الصعيد واماكن خلابة
دمت بكل ود

همس الاحباب يقول...

ابتسامة ملاك
الله يسلمك وربنا يكرمك
والف مبروك على الاسم الجديد
ربنا يسعدك ويوفقك يا رب
شدى حيلك واحنا نعزمك انتى والعريس فى رحلة لهناك

همس الاحباب يقول...

ابتسامة ملاك
الله يبارك فيكى وعقبالك يا ست الكل

همس الاحباب يقول...

ماما امولة
الله يسلم حضرتك
وحمدلله على سلامة حضرتك والف لا باس عليكى
الله يبارك فيكى وعقبال اولادك
نورتى المدونة بوجودك ماما امولة
وسعيد للاطمئنان على حضرتك
تحياتى

همس الاحباب يقول...

حنين الذكريات
الله يبارك فى حضرتك
وسعيد جدا يزيارتك
تحياتى وتقديرى

همس الاحباب يقول...

شفقة واحسان
يا سلام انتم تنوروا سوهاج والصعيد كله
والله بلدنا فيها مناطق جميلة جدا
بس العيب فينا كاشخاص بنضيع الجمال
الله يبارك فيكم
جزاكم الله خيرا

همس الاحباب يقول...

اللؤلؤة
الله يسلم حضرتك
الحمد لله انك افتكرت ايام جميلة
تحياتى ومودتى

همس الاحباب يقول...

همس الارواح
كلنا من عشاق الصعيد وجمال الطبيعة
جزاكى الله خيرا
وسعيد جدا بزيارتك
تحياتى

همس الاحباب يقول...

حنين القلب
الله يسلمك ويكرمك يا رب
وعقبال تشريف سى عمر
الله يبارك فيكى

همس الاحباب يقول...

الشجرة الام
شكرا لزيارتك وكلماتك الرقيقة
وسعيد جدا بمرور حضرتك
تحياتى

همس الاحباب يقول...

بسكوته
رينا يكرمك
والحمدلله ان صور عجبتك

همس الاحباب يقول...

عاشقة الرومانسية
الله يسلمك ويبارك فيكى

همس الاحباب يقول...

نورهاتى
متفق معك جدا
جزاكى الله خيرا
وسعيد بزيارة حضرتك

همس الاحباب يقول...

تامر نبيل
الله يسلمك يا باشا
الله يبارك فيك
وعقبالك يا باشا
تحياتى وتقديرى

المجاهد الصغير يقول...

السلام عليكم

صور جميله

وفقكم الله

Lyssandra يقول...

جميل أوي ان يكون لك بيت وسط الطبيعه الساحرة دي :)
الصور ما شاء الله جميلة
باتمني لو عندي فرصه أصور كل حاجه شوفتها :) طماعه أنا

كل سنة وحضرتك بخير

Lyssa

MǿиY El-Shreef يقول...

حدانا من الصعيد يعني يا ابو همس

بجد فكرتني بكراوين قنا نفسي ابقى اروح مره

مبروك لاخو حضرتك عقبال الكل ان شاء الله

وبالنسبه لصحرا مصر مش هقول غير موت ياحمار :)

mimi يقول...

خالد حمد الله علي السلامة
المناظر جميلة جدا ، وألف مبروك لأخوك

كل سنة وأنت طيب

دمت بكل خير

تحياتي

Hanan Elshafey يقول...

الصور روعه
جميل قوي الزرع في حضن الصحرا

حمدلله عالسلامه

شمس النهار يقول...

حمد الله علي السلامه

ماشاء الله الصور جميله
عارف انا من اصل صعيدي من المنيا وعمري مارحت المنيا والا اي بلد فب الصعيد

ان شاء الله في رحله كده قريب هنزور فيها اكتر من بلد في الصعيد ربنا يكرم ونقدر نقوم بيها

وماتنساش موضوع الحمله

سلام

akeedba7ebha يقول...

دايما يا خالد مبسوط باذن الله وبين اهلك

وحمد الله على السلامه

وكل سنه وانت طيب

صفــــاء يقول...

فكرتنى ببلد ابويا يا خالد
وغيط سيدى وطيور ستى

noon kiko يقول...

ياعم طيب كنت تقول كنت عملت معاك واجب والله
اولا
هى الصور دى ف اخميم؟
اصلها شبهها
اصلها تحت الجبل
تبقا قريه من قرى اخميم مثلا
على فكره هى فعلا سوهاج هاديه ولذيذه وشوارعها اثناء الزيارات للناس الكبار بتبقا انضف بكتير
وكان فى زياره للمفتى ف قصر الثقافه هنا ف سوهاج السبت اللى فات
والبلد كانت بتتكنس كل خمس دقايق سبحان الله
انا والله تعبت من عيوب البلد دى اللى حكامها ضيعوا حقها
يالا عموما حمد الله ع السلامه
والمره الجايه ادينا خبر واحنا نفرشلك الارض ورد

همس الاحباب يقول...

المجاهد الصغير
اهلا وسهلا بحضرتك
نورتنا اخى العزيز
وما توفيقى الا بالله
تحياتى

همس الاحباب يقول...

ليساندرا
الحمد لله فعلا موقع المنزل وسط الزراعات رائع جدا
والمناظر تشدك للتصوير جدا
وانتى طيبى وبصحة وسعادة
دمتى بخير

همس الاحباب يقول...

مونى الشريف
حمد لله على السلامة يا مونى
لا انتى اللى حدانا من الصعيد
هههههههه
ربنا يكرمك ويوفقك
وعقبالك انتى كمان
تحياتى

همس الاحباب يقول...

ميمى
الاه يسلم حضرتك
وربنا يبارك فيكى وعقبالك يا قمر
تحياتى

همس الاحباب يقول...

حنان الشافعى
الله يسلمك
وحمدلله على سلامتك انتى كمان
المنظر على الطبيعة خطير
تحياتى

همس الاحباب يقول...

شمس النهار
الله يسلم حضرتك يا ست الكل
ده شرف لينا انك من الصعيد
ربنا يوفقك وتكون رحلة رائعة باذن الله
ان شاء الله مع حضرتك
وبالتوفيق فى حملتك النبيلة والهادفة
تحياتى

همس الاحباب يقول...

اكيد بحبها
الله يسلمك يا حماده
ومبروك المدونة الجديدة
نورتنى يا باشا

همس الاحباب يقول...

صفاء
هههههههه
نعم وفين حمار جحا وجاموسة الجيران
وغيط البرسيم
وفين الفجل والجرجير
هههههه
نورتينا يا صفاء
تحياتى

همس الاحباب يقول...

واحدة من الناس
اهلا ببنت بلدى
والله الواحد بدا يحس بعزوة فى عالم التدوين
كانك عملتى الواجب واكتر
لا الصوردى فى قرية الحاجر احدى قرى مركز ساقلته جنب اخميم
سوهاج رائعة جدا انا عشت فيها 7 سنوات 3 ثانوى عام واربعة فى كلية تجارة سوهاج
وحافظ سوهاج شبر شبر
بس فعلا سوهاج فيها تطور واهبنمام خلال السنوات الاخيرة
فعلا المفتى كان يوم السبت وانا جيت يوم الاحد لمقابلة بعض الاصدقاء ورجعت البلد اخر النهار
ورد مرة واحدة
خلاص انا ان شاء الله جاااااى فرح اخويا فى شهر 2 الجاااااى
شدى حيلك وجهز الورد
ههههههههه
الف شكر لحضرتك
بس ما قولتليش انت منين من سوهاج
تحياتى

mohamed ghalia يقول...

حمدا لله على السلامة ياخالد باشا
واحشنى كتير والله
ربنا يسعدك دايما

الطائر الحزين يقول...

لون الخضرة فى الصعيد مختلف عن أى مكان

مش تقول أنا كنت فى اسيوط كنت حودت عليك؟

بارك الله فيكم

غير معرف يقول...

ازيك استاذى العزيز
واحشنى جدا وكان نفسى ابقى موجود يوم الؤجه لكن للاسف كنت فى الشغل انت عارف
بالنسبه للزياره بجد نفسى اروح بلدنا انا كمان
اما بالنسبه للصعيد فنفسى ازور اى محافظه منه لانى زرت كل محافظات مصر الا الصعيد كاملا
بالنسبه للرقم بقى هوا مبعتش لك رقمى ولا ايه؟
معلش الزهايمر ابقى قولى لانى مش عارف كلامك جد ولا بتتريق عليا

rovy يقول...

السلام عليكم
صور رائعه كم نفتقد مثل هذه المناظر الطبيعيه الجميله ..
حمدا لله على سلامتك من تلك الرحله الجميله لبلدك الحبيبه ..

كل سنه و انت طيب اخى الفاضل

تحياتى لك

rovy يقول...

السلام عليكم
صور رائعه كم نفتقد مثل هذه المناظر الطبيعيه الجميله ..
حمدا لله على سلامتك من تلك الرحله الجميله لبلدك الحبيبه ..

كل سنه و انت طيب اخى الفاضل

تحياتى لك

!!! عارفة ... مش عارف ليه يقول...

موضوعك يا خالد ده معرفش ليه فكرني بالقول المأثوور

مصر هتفضل غاليا عليا

بس يا ترى احنا كمان غالين عليها ؟

دوما الحنين إلى الوطن

إحساس جاااارف يا يضاهيه أي احساس اخر

تلمست مشاعرك لصدقها خالد


كل سنة وانت طيب :)

وفي انتظار جديدك

Unknown يقول...

السلام عليكم ورحمه الله وبركاته
والله كمان و زمان...
بقي لنا عزوه في عالم بلوجر.
أولاد سوهاج أهلاً ...
و100مليون مرحباً.
تدفع لي كام و اعرفك علي مدونين من ساقلته .
وعلي فكره انا زرت الحاجر وكان لي الشرف في شرب الشاي هناك .
و لا شيش العواميه عليها رحمه الله .

P A S H A يقول...

كل سنة وأنت طيب.

Unknown يقول...

سنة جديدة سعيدة
عليك يااستاذ خالد
وعلى همس وشابى ومصر كلها

noon kiko يقول...

احنا ساكنين على طريق اخميم سوهاج
بس اهلى من اخميم
واختى متجوزه ف ساقلته
ورجلى طبعا واخده على قصر الثقافه التعبان بتاعنا
هههههههههههه
بس ايه رايك ف سوهاج حاليا
طبعا مختلفه
بس ناقصها كتير
وتيجى بالسلامه المره الجايه
وربنا يقدرنى واعمل الواجب
:)

نور الدين (محمد الجيزاوى) يقول...

كل سنة وانت طيب ياخلود
ويارب عام سعيد عليك وعلى اسرتك الكريمة

صفــــاء يقول...

اسكت يا خالد دةانا مرضتش اسيح
بس والله ستى ام بويا كان عندها جاموسه وبقرتين غير الجديان
وجدى طبعااا كان عندة حمارة
فسحتى المفضله كان انى اروح اكل خضار طازة بطينه من عندة الله يرحمه
بجد صورك زى ما تكون بالظبط من عندة

أ / أحمد عبد المنعم يقول...

بسم الله الرحمن الرحيم

كل عام وأنتم بخير

عام جديد نسأل الله أن يكون سعيدا علينا وعليكم وعلى سائر أهل الأرض

ولكن
يبقى سؤال

أى فكر يحكم العالم يجعله سعيدا ؟
وأية قوة تهيمن على العالم تنشله من الظلم وتجعله سعيدا ؟
وأي بشر يقودون العالم إلى هذه السعادة؟

فلنفكر سويا

لنعتنق هذا الفكر
ونكون هذه القوة
ونحمل صفات هؤلاء البشر

ولد تحت الصفر يقول...

الصور دي رائعة تسلم قريتك

شيرين يقول...

الصور فعلا جميله جدا وانا هموت واشوف الصعيد على الطبيعة حاسه انه ملئ بالمناظر الطبيعيه الخلابه

حروف يقول...

حمدلله ع السلامة وكل سنة وحضرتك طيب
انا عارفه انها متاخرةةةةةةةةةةة
انا مبقتش عارفة اعمل اية من كتر الاعتذارات اللي بعتذرها لناس

همس الاحباب يقول...

محمد غالية
الله يسلمك
وانت كمان والله ليك وحشة كبيرة
بس غصب عنى مفصر مع حضرتك
تحياتى

همس الاحباب يقول...

الطائر الحزين
انت تنور يا باشا
الخضرة فى الصعيد مختلفة علشان مياه المجارى لسه ما وصلتش هناك
ربنا يكرمك ويسعدك اخى الكريم

همس الاحباب يقول...

رحلة البحث
ربنا يوفقك ان شاء الله ويكون فى العون
وان شاء الله نلتقى دائما على خير
لا يا باشا سلامتك من الزهايمر لسه مش وصل
احتمال يكون تاه فى الطريق
هههههههههه

همس الاحباب يقول...

روفى
كل سنة وحضرتك طيبة
ربنا يجا زيكى خيرا ويسلم حضرتك من كل سؤء
تحياتى

همس الاحباب يقول...

عارفة مش عارقة ايه
استاذ وليد
كل سنة وحضرتك بخير
اكيد ده احساسنا كلنا واحنا فى الغربة
هى غالية علينا حتى لو احنا مش غاليين
تحياتى

همس الاحباب يقول...

فركشاوى ناوى
اهلا بحضرتك
وشرفت جدا بزيارتك ومعرفة مدونى سوهاج
ماشى يا عمنا هى وصلت للعوامية كمان وشاى فى الحاجر قول يا باشا وايه كمان
فى انتظارالمزيد
تحياتى لحضرتك

همس الاحباب يقول...

باشا
كل سنة وانت طيب يا شريف باشااخبار حضرتك ايه

همس الاحباب يقول...

نورهاتى
كل سنة وانتى طيبة وبصحة وسعادة
وسنة سعيدة على الجميع ان شاء الله

همس الاحباب يقول...

واحدة من الناس
اهلا وسهلا باهل اخميم
يعنى طلعنا جيران كمان ونسايب
على فكرة انا سافرت سوهاج ورجعت تانى 24 ساعة فى حالة وفاة
بعنى شكلى كده رجلى هتاخد على سوهاج كتير
لا اكيد سوهاج اتغيرت كتير
هو لسه فيه قصر ثقافة فى سوهاج اللى فى ميدان الاوبرا اللى جنب نقابة الزراعيين
ان شاء الله فى المرات القادمة الظروف تسمح ونشوف كل مدونى سوهاج
والف شكر على اهتمام حضرتك

همس الاحباب يقول...

نور الدين
وانت طيب وبصحة وسعادة

همس الاحباب يقول...

صفاء
ههههههههه
كل ده ومش سيحت
عامة تعيش وتفتكر يا باشا
شكرا لتواصلك

همس الاحباب يقول...

أ/ احمد عبدالمنعم
كل سنة وحضرتك والاسرة الكريمة بخير
تحياتى

همس الاحباب يقول...

رجل تحت الصفر
جزاك الله خيرا
وشكرا لتواصلك

همس الاحباب يقول...

الشموع السوداء
انتى تنورى الصعيد
ربنا يوفقك ويسعدك ان شاء الله
سعدت بزيارتك وتواصلك
تحياتى

همس الاحباب يقول...

حروف
وانتى طيبة يا ستى
الله يسلمك
لا عادى ولا يهمك
انا اللى مقصر معاكى
كل سنة وانتى طيبة

noon kiko يقول...

ياسيدى انت بتيجى وتروح كده ف الخباثه
مش كنت تقول
انت مش قلت جاى تانى على فرح اخوك ف فبراير
ذنبى انا ايه بقا ان كنت جيت ف الاستخبس كده ومقلتلناش
:)
طيب تعالى المره الجايه
وياريت بجد تيجى تحضرلنا ورشة عمل اللى ف قصر الثقافه
القصر اتغير تماما وبقا فى تطور
تيجى بالسلامه
:)

غير معرف يقول...

البلد جميلة ما شاء الله
ليه العاصمة مش في الصعيد ؟
مش زمان كان الحال كده؟؟

عمرو جويلى يقول...

صديقى العزيز
السلام عليكم
لا أسف بين الإخوة وأتمنى أن
تكون بخير ، أصلح الله لك حالك
ويسر لك أمرك
خالص تقديرى

hend mossallam يقول...

ازيك يا خالد باشا :]

بجد نورت اللقاء :] انا مبسوطه اوي اني اتعرفة علي حضرتك امبارح

تحياتي : هند

سواحة يقول...

همس الاحباب
ممكن سؤال
الصور الحلوة دى من ايه بلد او قرية فى سوهاج؟؟؟
اصل مفروض ان اصلى منها برضه بس عمرى ما روحتها و تقريبا ملناش حج هناك خلاص يفتكر حتى جدنا و جدتنا
بس والدى ديما يردد علينا فخر انه من سوهاج

ممكن لو مفيهاش غلاسة برضه شوية صور ثانية و وقف للافراح و الناس و نمط الحياة

نفسى تجيلى جراءة اعمل زى ما الخواجات ما بيعملوا اروح بلدنا هناك و اخبط علىالناس و اسألهم حد يفتكر جدى :-)) يعرفوا حد من قرايبى :-)) بس بصراحة اخاف انه يطلع لنا ثأر و ياخذوا فيها اخويا او ابويا

بس عموما كلمنا
و انا حتابع مواضيع سوهاج عندك

MaNoOoSh يقول...

استاذ خالد
سعدت جدا بالتعرف عليك والكلام معاك فى لقاء نادي الزراعيين

منوووش

Remas يقول...
أزال المؤلف هذا التعليق.
Remas يقول...

ازيك يا استاذ خالد

انا بجد سعيدة جدا لتعرفي ولقائي بك يوم الجمعة

وحقيقى زى ما كنت متخيلاك واكتر

ربنا يكرمك ويوفقك ويخليى لك بنوتاتك الحلوين همس وشابي ومامتهم يارب

Mano يقول...

ازيك يأستاذنا
انا قولت اجي اسلم علي حضرتك
وليك سلام مخصوص عندي في اخر بوست
سلامي وتحياتي

ghada mOhsen يقول...

هلا استاذ خالد ...

اول شى مبروووك مقدما لاخوك ...

وبجد رحله كتير الرحله اللى بعتبر نفسى روحتها بمجرد ماقريت كلماتك وشوفت الصور الرائعه دى ...

بجد اتشرفت بمعرفتك كتير فى اللقاء وانت بجد شخصيه عفويه كتير ماشاء الله عليك ...

تسلم كتير
... ;) ,,, ;) ...

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
بسم الله ما شاء الله بلدكم حلوة أوى
وحمد لله على سلامتك اختى الكريمة

غير معرف يقول...

السلام عليكم
انت فيت يا باشا؟
مختفى ليه ياريت تطمنى عليك

فاتيما يقول...

خااااااالد

انا جاية اقولك كل سنة و انت
و المدام و البنات بخير

و كمان اقولك انك وحشتنى جدا
يا اغلى الاخوات
و افتقدك يوم المعرض و نفسى نتلم قريب فى أى حتة
و تكون اول واحد تيجى


ف الرجالة طبعا
عشان اول نون النسوة
دا مركزى الذى لن اتزحزح عنه بوتيتاً

الملخص انى افتقدك جدااااا
الفترة اللى فاتت
اصل اخويتك و جدعنتك دى
مش حاجة سهلة

بس خلاص كفاية كدا رغى

سلاااااااام
بوسلى ببش و هموسة و تحياتى لمامتهم
هابى فالنتين عليكو
ان شاء الله العمر كله حب
و سعادة يا رب

z!zOoOo يقول...

السلام عليكم

ازيك يا خالد يارب تكون بخير

ديه اول زياره ليا

طيب والله كويس إنك زورت الصعيد

والصور جميله وصورت زيها قبل كده

انا يمكن مانزلتش سوهاج غير مره

لكن بسمع إنها بدإت تتحسن

الف مبروك لفرح اخوك

ويارب يجعل ايامكم كلها افراح

اتمني تنورني

ديه اول زياره ليا وإن شاء الله مش هتكون الاخيره

:)

تحياتي

شفـقــة و إحســــان يقول...

انت فين يا عم همس اول مرة تغيب علينا كده
لعل المانع خير

جنّي يقول...

السلام عليكم

جئت لالقي السلام والتحية .. واعود بحمد الله لعالم التدوين الجميل بأهله ومدونيه وخاصة الذين نحبهم في الله دون ان نراهم ونلتقيهم ولكن كما يقولون القلوب تتلاقي .. ولكني فوجئت بانقطاعك ايضا فلعل المانع خير ان شاء الله ..

الصعيد في حاجة ملحة للتطوير ولكن المركزية التي يغرقون فيها ستغرقنا كلنا ..

عد بسرعة يا ابو همس حتى لا تحدث لي انتكاسة بعد عودتي لعدم وجود من نأنس بوجودهم ..

تحيتي وسلامي لهمس الجميلة ..

طهر فؤادك يقول...

السلام عليكم ورحمة الله وبركاتة

ربنا يكرمك يارب والمسلمين ويتممل لاخوك على خيربأذن الله وترجع بسلامة الله

Remas يقول...

كل سنة وحضرتك طيب يا استاذ خالد

وهمس وشابي ومامتهم طيبين

مقدرة اكيد انشغالك بس حبيت اجى واسلم