12 أكتوبر 2009

اسكندرية دائما

دائما تهفو القلوب الى بحر اسكندرية وجوها الخلاب

كما تعودنا دائما من اهل اسكندرية على الكرم وحسن الضياقة 
كان اللقاء الخيرى بالاسكندرية يتسم بالروعة فى التسابق على فعل الخيروانجاح اليوم وجعله يوم خيرى وترفيهى اكثر من رائع
اليوم بدا معنا من السادسة صباحا عندما تحرك بنا السوبر جيت من عبدالمنعم رياض متجها الى عروس البحر الابيض وبصحبتى احن ام واطيبهم على الاطلاق فى عالم التدوين المتالقة دائما فى المشاركات الخيرية فاتيما روح قلب ماما ام يوسف 
واللى بذلت مجهود خرافى فى رسم البسمة على شفاه الاطفال باعمالها الفنية وهداياها الجميلة واللى بيتضح من خلال الصور التالية
  
 
شرح مبدئى لما تقوم به من اعمال فنية 
 
مشاركة من الاطفال فى عمل لوحة نجوم الليل 

 

الاطفال اثناء لزق النجوم 

 

لوحة نجوم الليل واهم معالم اسكندرية والقلعة كمااااان
 
 

لحظة المشاركة فى عمل طراطير من الورق الملون 

 

كتابة الاسماء على الوردة ووضعها فى فازة 


الفازة وبها الاسماء        


الاطفال ولحظة من المرح والتمتع بالالعاب 
 
لحظة من الحيرة والتفكير فى اختيار اللعبة

طبعا دار الايتام  كان مكان جميل جدا ونظيف والعدد صغير جدا والمساحة كبيرة بصراحة وكان فى اهتمام من جانب الادارة فى استلام التبرعات العينية والنقدية واحترام فى التعامل 
طبعا عدد المدونين فى الدار كان معقول جدا وده جعلنا نقضى فترة كبيرة وسط الاطفال واللعب معهم والاستمتاع بشقاوتهم وعدوانيتهم احيانا وحسينا اننا رجعنا اطفال وبدانا نطير بالونات وناكل مصاصة ونجرى معاهم 
بعدها طبعا اليوم كان ترفيهى جدا روحنا نادى المهندسين وقعدنا على البحر وروحنا بحرى واكلنا على البحر وقضينا وقت جميل والحمد لله 
قابلت ناس بحبها وكان نفسى اشوفها من زمااااااان زى 
اسير الجراح وده تانى لقاء بينا 
مواطن مصرى نايم  ده اول مرة اشوفه مع انى اعرفه من زمان وطلع حدوتة مصرية جميلة 
بدراوى  شخصية محترمة وطيبة جدا وتسعد بمعرفته
احمد سعيد وعنبر العقلاء الحمد لله بلدنا لسه فيها ناس عاقلة 

هنودة  تحس انها اختك او قريبتك من زمن
مدام داليا سعدت بمعرفة حضرتك
حنان الشافعى  مجهود جبار فى استقبال المدونين والتصريح لهم بالدخول 
هبة نهر الحب  خفة الدم والشقاوة الاسكندرانية 
نبض اسكندرية هدوء والتزام
سالى حروف وصاحبتها حضور متاخر لكن ليه طعم اخر

القدر وانا فرصة سعيدة رغم الوقت القصير اللى نورتينا فيه
انجى المهم هات من الاخر وفعلا جابت من الاخر
لماضة واللى جت تسلم واللى مبسوط انها حضرت لو دقايق معدودة

حبايب قلبى طبعا واللى ما فيش وصف  يليق بيهم 
سووووو الخواجة اللى لم علينا الناس فى بحرى  واللى وجوده بيسعدنى  جدا لانه خطيب همس سابقا وشابى حاليا
عادل وخفة دم وارتياح نفسى بمجرد انك تشوفه
ضياء حالة من الادب والاخلاق تكاد ان تكون انقرضت من زمن
مسك الختام
عاشقة الرومانسية  وحنين القلب مجهود خرافى وجهد مميزلتنظيم اللقاء وشراء الهدايا ولعب الاطفال وجدعنة وشهامة وكرم ضيافة 
ربنا يجازيهم خيرا ويجعله فى ميزان حسناتهم 

اللى عايز  تفاصيل التفاصيل يروح هنا

هناك 52 تعليقًا:

حنين القلب يقول...

اول تعليق

ان شاء الله دايمااااااااااااااا

حنين القلب يقول...

اول تعليق

ان شاء الله دايمااااااااااااااا

حنين القلب يقول...

ربنا يتقبل منك يا خالود ويجعل اليوم ده فى ميزان حسناتك بس بجد كنت عامل لليوم حس

ربنا يخليك لينا
ولا يحرمك منلا ولا من رخامتى ابداااااااااا

mimi يقول...

حمد الله علي السلامة

ربنا يبارك فيكم كلكم يارب ..

والمرة اللي جاية أكيد اكيد معاكم

ان شاء الله

عاشقه الرومانسيه يقول...

اليوم كان جميل وناجح بوجودك
وتشجيعك لينا انا وحنين
ياابو همس ياغالى
وبالصحبه الحلوه دى كلها
ربنا يجعله فى ميزان حسناتنا يارب

عاشقه الرومانسيه يقول...

نسيت اقولك ان الصور جميييييييله وواضحه ما شاء الله
تسلم ايدك ياخالوووود

غير معرف يقول...

السلام عليكم
الف مبروك استاذ خالد للمولود الجديد
تكبر ان شاء الله وتكون في نفس اخلاقك
بعتذر لك عن عدم حضور اللقاء
ترتيبات سفري شغلتني جدا
اراك علي خير ان شاء الله




تامر وهبه

فاتيما يقول...

الله
الصور طالع فيها نجوم الليل
احلى من شكلها الحقيقى ...
يعنى حتى موبايلك فيه الخير يا اخى
مبلاش الكلام الحلو اللى ان مش قده دا يا خالد هوه انا اعرف اروح و لا أجى من غيركم ؟
ربنا يباركلنا فيك
و فى تشجيعك و دعمك لكل لقاء يا أبو شابى
مشكرين ع الصور قوى

البروفيسير يقول...

ربنا يبارك فيكم كلكم
كان نفسى اكون معاكم فى اليوم ده
معلش خيرها فى غيرها
المهم ربنا يجعل اليوم ده فى ميزان حسناتك

عاشقة القمر يقول...

ربنا يجعلها في ميزان حسناتكم
يجعل المحبة بينكم

♥نبع الغرام♥♪≈ يقول...

ربنا يبارك فيكم يارب
ودايما متجمعين فى الخير

تحياتى

mohamed ghalia يقول...

دائما ماتبهرنى بشخصيتك الرائعة ياخالد
أدام الله تواصلك على فعل الخير
دمت فى سعادة

صيدلانيه طالعه نازله يقول...

اولا مبروك على المولوده الجديده ربنا يفرحك بيها دايما هيا و اختها
كان نفسى ابقى معاكم قوى و كنت فاكره انى اكلمكم بس حصل شويه حاجات افقدتنى الذاكره
بس الحمد لله انكم اتبسطوا و كلتوا رز باللبن عند الشيخ وفيق و انا من هذا المزنق باعلن حقدى الصريح عليكم
لان انا نفسى فييييييييه قوى

غير معرف يقول...

السلام عليكم
صور رائعة
وتقبل الله
خالص تقديرى

الربان يقول...

تحياتي اخي العزيز خالد..

اولا : الف مبروك الجميلة " شابي"...جعلها الله و أختها همس قرة اعين لك و لامهما...و بارك الله لهما و عليهما...و جعلهما من الذرية الصالحة
البارة. وحمدا لله علي سلامة السيدة و الدتهما...


ثانيا: اغبطكم يا أخي خالد و المجموعة
الجميلة التي تلتقي علي حب الله..,و فعل الخيرات... جعل الله كل ما تقومون به في ميزان حسناتكم.

و حين اسمع واري مثل هذه الاعمال الخيرية
و التسابق لفعل الخيرات...اشعر بأننا
مازلنا بخير...و حب الخير و عمل الخير مازال بداخل الكثيرين منا....
و الله اني استبشر خيرا...حين اري القدوة الحسنة منكم...و جعلنا الله من اهل الافعال و ليس الاقوال....

تحياتي القلبية لك شخصيا...و لكل من ساهم في هذه الزيارة لدار الايتام...
من الاخوة و الاخوات الفاضلات...
وادعو الله للجميع ان يرفع منزلتهم بكل خطوة درجة...و ان يكتبكم عنده من المقبولين....


تحياتي و تقديري

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
حياك الله وبياك اخى الكريم
ربنا يححعله فى ميزان حسناتكم
طب مش تدينى بأه عنوان المكان بالظبط ولو فى تلفونات عشان دى تكون نواة للدليل اللى بعمله ولا إنت مشفتش أخر موضوع عندى ؟!
فى إنتظار المعلومات منك إن شاء الله تعالى
ومش تنسى تبعتلى السبوع بتاعى
دمت فى امان الله

yoyo يقول...

صباحك سكر ياابو همس و شابى

حمد لله على سلامتكم جميعا
ويارب دايما متجمعين فى الخير يارب
ويارب يكون ليا نصيب و احضر لقاء معاكم يارب

ربنا يبارك فيكم و يجعله فى ميزان حسانتكم يارب
تحياتى
يويو

Pink Dreams يقول...

حمدلله على السلامه

ربنا يقدركوا على فعل الخير يا رب

ودايما متجمعين فى الخير

تحياتى لحضرتك

همس يقول...

يا بختك

ربنا يقدركم على فعل الخير ديما

واشوفك على خير يا ابو هموووووووووسه
سلامات

أمل حمدي يقول...

ربنا يتقبل منكم اللهم امين

ودايما متجمعين في الخير يارب

ازي شابي سلملي عليها وعلى همس حبيبتي

mahasen saber يقول...

بسم الله ما شاء الله ربنا يبارك ليك يا ابو همس انا لسه عارفه من مدونة المحبه ان ربنا رزقك بمولوده جميله

ربنا يباركلك فيهم ويجعلهم قرة عين ليك ولمامتهم
ويكتبهم من الذره الصالحه ان شاء الله تعالى

أم أحمد المصرية يقول...

و انا بقول اسكندرية كانت منورة ليه اتاري منورة بكم وبأفعالكم الجميلة
دايما علي خير يا رب

Hanan Elshafey يقول...

علي فكره دورت علي اسم شابي
اول نتيجه قابلتها ابو القاسم الشابي الشاعر التونسي
اللي قال اذا الشعب يوما اراد الحياه فلابد ان يستجيب القدر

وجار البحث

شفـقــة و إحســــان يقول...

يعني قعدت تقوللي هاعلمك إزاي تتخلص من زوجتك في اللقاءات التدوينية
ما شفتش منك علام ولا حاجة
وآدي النتيجة في الآخر
ولا لقاء تدويني واحد عارف أحضره
روح ياشيخ .. وتعالى بسرعة

هاسامحك المرادي علشان خاطر الأمورة شابي بس
ألف مبروك .. تتربى في عزك
وتسقيها من جودك وكرمك

أخوك
إحســان الإسكندراني

Noha يقول...

حقيقى مدونتك جميله جدا و هذه اول مره أزورها و ان شاء الله لن تكون الاخيره

البروفيسير يقول...

السلم عليكم ايه الاخبار

همس الاحباب يقول...

حنين القلب
جزاكى الله خيرا وجعله فى ميزان حسناتك ان شاء الله

همس الاحباب يقول...

ميمى
الله يسلمك
ان شاء الله يسعدنا حضورك ومشاركتك دائما
تحياتى

همس الاحباب يقول...

عاشقة الرومانسية
جزاكى الله خيرا
كان ناجح بفضل الله
وبمجهودكم انتى وحنين ومشاركة اهل الخير
ربنا يجعله فى ميزان حسناتكم جميعا

همس الاحباب يقول...

عاشقة الرومانسية
الحمد لله طلعت واضحة مع انى كنت بصور من غير تركيز
بس الحمد لله

همس الاحباب يقول...

غير معرف
ربنا يبارك فى حضرتك
ويوفقك وتروح وترجع بالف سلامة وفى انتظار مشاركتك لاحقا باذن الله
تحياتى

همس الاحباب يقول...

فاتيما
ربنا يكرمك ويجعله فى ميزان حسناتك ويبارك لكى فى يوسف طبعا مجهود وعمل تشكرى عليه ودهمش غريب على ام يوسف ولا قلبها المحب للخير دائما
تحياتى

همس الاحباب يقول...

البروفيسور
وبارك الله فيك
وان شاء الله تشارك معنا دائما
وشكرا على تواصلك وكلماتك الطيبة
تحياتى

همس الاحباب يقول...

عاشقة القمر
اللهم امين
ويجازيكى خيرا

همس الاحباب يقول...

عاشقة الاحزان
وجزاكى خيرا على المتابعة والاتصال
ربنا يكرمك باذنه

همس الاحباب يقول...

محمد غالية
بارك الله فيك اخى الكريم
وجزاك عنا خيرا كثيرا
تحياتى

همس الاحباب يقول...

صيدلانيه طالعة نازلة
ربنا يبارك فى حضرتك يا دكتورة
وعقبال ما تفرحى باولادك
ربنا ييسر الامور
وتشاركى معانا دائما
تحياتى وتقديرى

همس الاحباب يقول...

العصفورة
وعليكم السلام ورحمة الله
الله امين
اللهم تقبل منا ومنكم صالح الاعمال
تحياتى

همس الاحباب يقول...

الربان
استاذنا العزيز حمدلله على السلامة
وربنا يبارك فى حضرتك
وشكرا على كلماتك وتشجعيك
اللهم تقبل منا ومنكم صالح الاعمال
واعاننا على حب الخير
تحياتى وتقديرى

همس الاحباب يقول...

هكذا علمنى سيدنا محمد صلى الله عليه وسلم
ربنا يبارك فى حضرتك ويجازيك خيرا
واسم المكان وعنوانه
دار الحنان طريق مطار النزهه بجوار الامن المركزى - الاسكندرية
جزاك الله خيرا
والسبوع من عيونى مع انها كانت عقيقة
تحياتى

همس الاحباب يقول...

هكذا علمنى سيدنا محمد صلى الله عليه وسلم
ربنا يبارك فى حضرتك ويجازيك خيرا
واسم المكان وعنوانه
دار الحنان طريق مطار النزهه بجوار الامن المركزى - الاسكندرية
جزاك الله خيرا
والسبوع من عيونى مع انها كانت عقيقة
تحياتى

همس الاحباب يقول...

يويو
الله يسلم حضرتك
وجزاكى الله خيرا
وان شاء الله ربنا يوفقك وتشاركى معانا دائما
تحياتى لحضرتك

همس الاحباب يقول...

بينك دريمز
جزاكى الله خيرا
وتقبل الله منا ومنكم صالح الاعمال

همس الاحباب يقول...

همس
من اوله كده نق
ههههههه
ويجازيكى خيرا ان شاء الله نشوفك دائما على خير

همس الاحباب يقول...

ماما امولة
اللهم امين
اللهم تقبل منا ومنكم صالح الاعمال
الله يسلم حضرتك
وسلامى لعبدالرحمن والعسولة امانى
تحياتى لحضرتك

همس الاحباب يقول...

محاسن صابر
ربنا يبارك فى حضرتك
وتشوفى بيرو احسن واحد فى الكون
وتفرحى بيه ويجعله قرة عين لكى دائما
جزاكى الله خيرا
تحياتى لحضرتك

همس الاحباب يقول...

ام احمد المصرية
ربنا يكرمك ويبارك فى حضرتك
منورة باهلها وناسها الطيبين
وان شاء الله تشاركينا المرات القادمة
تحياتى لحضرتك

همس الاحباب يقول...

حنان الشافعى
ههههههههه
الاسم شاغلك قوى كده
عامة انا من اشد المعجبين بابو القاسم الشابى على فكرة
تحياتى

همس الاحباب يقول...

شفقة واحسان
ربنا يعزك ويكرمك
وبعدين انا قواتلك تعالى ونخلص على كله
وانت اللى رجعت فى كلامك
ههههههه
ربنا يوفقك ويسعدك دائما

همس الاحباب يقول...

نهى حسين
شكرا لحضرتك ولكلماتك الطيبة
وده شرف لى انك تكونى من زوار مدونتى المتواضعة
تحياتى ومزيد من التواصل باذن الله

همس الاحباب يقول...

البروفيسور
وعليكم السلام
الحمد لله
اخبار حضرتك ايه

البروفيسير يقول...

انا تمام
تحياتى