9 أكتوبر 2009

شابى بين مؤيد ومعارض

بسم الله الرحمن الرحيم


لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاءُ يَهَبُ لِمَنْ يَشَاءُ إِنَاثًا وَيَهَبُ لِمَنْ يَشَاءُ الذُّكُورَ * أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَنْ يَشَاءُ عَقِيمًا إِنَّهُ عَلِيمٌ قَدِيرٌ} الشورى : 49 -50



اولا: بشكر كل المدونين والمدونات على تهنئتهم الرقيقة بمناسبة المولودة الجديدة وشكرخاص للعزيزة الغالية حنين القلب وشكر خاص ايضا للرائعة دائما حنين شقــ * آخر حاجة * ــــاوة
طبعا هناك اختلاف على اختيار اسم المولودة والاسماء المرشحة كانت شابى - شاهستا - شهد انا بصراحة كنت معجب باسم شاهستا ولكن شابى اسم جديد وعلشان كده تم اختيار شابى ومحدش يسأل معناه ايه هو عجبنى وخلاص وبعدين الاسماء لا تعرف يا جدعان وخليكم حلوين  وقولوا ان الاسم جميل وخلاص
لانه عجب ناس كتير وناس اعترضت على الاسم كتير واعتقد ان اهلى فى الصعيد أهدروا دمى بعد هذه التسمية لانهم طلعوا جدعان ساعة همس واعترضوا اعتراض لطيف اما المرة دى ربنا يستر


طبعا الست شابى شرفت فجر الاربعاء 7-10 -2009 ومن غرائب الموقف انها ولدت يوم الاربعاء زى همس والاغرب من كده فى تاريخ الميلاد همس ميلادها 10-7 وشابى 7-10 سبحان الله
طبعا بعد قدوم شابى الكل اعتقد ان وجودى فى  لقاء اسكندرية تلغى وانى مش هروح وطبعا انا رايح اسكندرية وهحضر اللقاء ان شاء الله وطبعا يا فرحة ما تمت يا ست حنين انتى ودودو كان نفسكم  ترتاحوا منى بس اعمل ايه حظكم كده انى جااااااااااى
وعلشان كده عايز كل مدونى اسكندرية والقاهرة والمدن المجاورة يشهدوا اعظم حدث فى العصر الحديث كيفية التخلص من ريا وسكينة2009
فى انتظاركم غدا فى مدينة الاسكندرية ان شاء الله

هناك 37 تعليقًا:

حنين القلب يقول...

اوووووووووووووووووووول تعليق

بلا منافس

اروح اقرى وارجع

حنين القلب يقول...

انا عن نفسى عاجبنى شابى

تعيش وتتربى فى عزك يا ابو شابى

------ يقول...

الف مبروك ياخالد

ربنا يجعلها ذرية صالحة ان شاء الله

أميرة يقول...

بسم الله ما شاء الله لا قوة الا بالله
بارك الله فيما رزق
ربنا يجعلهن خير إماء لله و يجعلهن سبب في دخولكم الجنة ان شاء الله




------
بما ان حضرتك بتجيب اسماء جديدة ..

مزنوقين في اسم بحرف ال س - الله يسترك لو عندك زيادة :)

------

اما بخصوص انك كنت عارف السكة قبل كده .. خفنا عليك من الصدمة بس وحفظا لماء الوجه بردة .. خليها في سرك باه

موناليزا يقول...

الف مبروووووووووك
حمدالله على سلامة زوجتك

بورك لك فى الموهوب وشكرت الوهاب وبلغ اشده ورزقت بره

بنت قلبى يقول...

الف مبروك يا استاذ خالد
ويارب كده تتربى فى عزك
ويخليها ليك يارب هيا وهمس

♥نبع الغرام♥♪≈ يقول...

بسم الله ماشاء الله
ربنا يبارك يارب
ان فى ذلك لحكم

بجد دى نعمة من عند الله سبحانه وتعالى
ربنا يبارك فيهم يارب ويرزقك برزقهم
ويخلى ليك المدام ولا تتحرم منها يارب
وتفضلو فى هنا وسعاده

مودتى

Remas يقول...

الف الف الف مبروك يا بو همس وشابي

ربنا يبارك لك فيهم يارب وفي مامتهم

وربنا يخليك ليهم ويتربو في عزك يارب

وانا زعلانة كدا مش اعرف غير دلوقتى
طيب حد يقولى علشان ابارك بسرعة

اسم شابي عسول اوى على فكره

ربنا يخليهالك ويجعلها هى وهمش واخواتهم ان شاء الله ذرية صالحة وسند لك يارب

أمل حمدي يقول...
أزال المؤلف هذا التعليق.
أمل حمدي يقول...

ألف ألف مبروك يا ابو همس وشابي الأحباب

ربنا يبارك فيهم يارب ويجعلهم قرة عين لك اللهم امين

ابقى سلملي على شط الاسكندرية كان نفسي ابقى معاكم

بس عندي دراسة تتعوض ان شاء الله

تقديري

عاشقه الرومانسيه يقول...

ربنا يبارك لك فيهم
شابى شاااابى
بس تكون طويله مش زى ابوها
P:

عاشقه الرومانسيه يقول...

وعلشان كده عايز كل مدونى اسكندرية والقاهرة والمدن المجاورة يشهدوا اعظم حدث فى العصر الحديث كيفية التخلص من ريا وسكينة2009
***************************
ياخوفى ليحضروا حادث تانى خالص

هو رمى خالد فى البحر والتخلص منه نهائيا بربط حجر كبير برقبته

ياابنى ارحم نفسك مننا
انا ساكته لك علشان فاتيما اتشفعت لك عندنا

خليكى شاهده ياام يوسف بقى
هو اللى بيجر شكلنا اهو

فاتيما يقول...

شاهدة يا دودو شاهدة
و لا تزعلى يا حبيبتى
بكرة الفجرية ف المحطة ارميهولك قصاد اول اتوبيس سوبرجيت طالع
و اقف اعيط و براءة الاطفال فى عينيا
و لا يكون عندك فكرة
بس المشكلة إن الرادل بقى عنده شابى خلاص و حرام فى ايام مفترجة زى دى نعملوها فيه ...
نتسنى لما البت تربعن طيب
اقولك .. لما نيجوا عندكم نبقى نتفاهموا
على فكرة شابى اسم لطافته تكمن فى غرابته على الودان
بس متهيألى اخواننا فى تونس ممكن يبقى عندهم معنى ليه لأن ابو القاسم الشابى الشاعر الكبير من نواحيهم
عالله تطلع شتيمة فى الآخر و نفرح فيك
بس برضو بنحبها شابى و لا مش شابى
مفارقة لطيفة يوم ميلادها و ميلاد هموسة
سيبك إنت ربنا بيحبك يا خالد و يجعل شابى فاتحة خير و رزق عليك و على مامتها يا رب
اشوفك بكرة إن شاء الله
بس ابعد عن مرمى الأتوبيس عشان دماغى متزقزقش
و نعملوها

غير معرف يقول...

مبروووووك يا ابو همس على شابى

والموضوع مش محتاج شكر علشان منقلبش على الوش التانى

دى بنت اخويا ولا عندك اعتراض

هههههههههههههههههه

بحسب عندك مانع ولا حاجه

تتربى فى عزك يارب والاسم جامد اخر حاجه

هو بس علشان جديد لسه لما يتداول بينهم هيحسوا انه عادى

ربنا يخليهالك هى وهمس يارب وتفرح بيهم يارب

حنين

مجداوية يقول...

السلام عليكم

ألف مبروك على المولودة الجديدة جعلها الله قرة عين لك ولوالدتها والتي لها حق عليك هو حسن إختيار اسمها ولا أعرف ما سر إصرار البعض على تسمية أولادهم بأسماء غريبة ومش متداولة,, شاهستا !!! وخير الأسماء من كان له معنى في لغتنا العربية ورمز أو تشبه بأحد الصالحين أو الصالحات أو أسماء أمهات المؤمنين صفية , عائشة , زينب , خديجة , حفصة , أو فاطمة , أسماء , هند
أو أى اسم حديث له معنى
عندي زميلة في العمل كانت تريد أن تسمي ابنتها اسم على وزن تراميسين أظن جرامسين فظننت أنها تتكلم عن دواء للفطريات !!!

على العموم أبو قاسم الشابي الشاعر التونسي لو عايش كان بقى مبسوط منك جدا

أخي خالد أنت طبعا حر في تسمية ابنتك الغالية ولكن نصيحة من أخت لك تقبلها أم لا كما تريد ,, أعد النظر فاذا كنا نحن المسلمون لا نسمي بناتنا وأولادنا بأسماء الصالحين والصالحات تيمنا بهم فمن الذي يسمي

والأسكندرية حتنور بكم غدا وربنا يجعلكم دائما من المساعين في الخيرات

Mina يقول...

الف الف الف مبروك استاذ خالد
تتربي في عزك يارب وتفرح بيها دايما هي وهمس
وشابي علي فكرة اسم جميل قوي
ولو اني زيك بالظبط مش عارف معناه انما عادي يعني زي ماقلت الاسماء لا تعرف
ربنا يخليهوملك يارب وتفرح بولاد ولاد ولاد ولادهم وتشوفهم احسن بنوتات في الدنيا كلها

nigro يقول...

يا نهار خبر أبيض
ده الواحد طلع عايم في ميه البطيخ بقى و لا هو داريان بأيتها حاجة
لامؤاخذة يا أبو همس العتب ع النظر يا كبير و انت عارف بقى أنا نظري ضعيف
ألف مليون مبروك يا خالد
ربنا يباركلكم فيها يا رب و يجعلها هي و همس قرة عين ليك و لمامتها
تتربى في عزك يا ابن عمي

ألا هي شابي إزاي يعني ولا مؤاخذة ؟


يلا سلام

Unknown يقول...

ازغرط
الف الف الف مبروك
لالا الف مليار مبروك وعقبال ما تشوفهم وهم عرايس
الف مبروك يابو همس
ربنا يبارك لك فيهم يارب والف حمد لله على سلامة ام همس

صبرني يارب يقول...

مبروك مبروك مبروك

ايه ده والنبى صعيدى وتسمي شابي

يلا على الله يجطعوك فى البلد


والله البت حنين دي هاتتقطع ازاي ما تقوليش عشان اباركلك

الف مبروك يا استاذنا وربنا يكرمك يارب فيهم ويخليهم لك ويخليك ليهم

ومستنيه اسمع الفعاليات بقى بكره

رحلتنا في الحياة يقول...

"بارك الله لك في الموهوب لك، وشكرت الواهب، وبلغ أشدهُ، ورزقت برهُ

عاشقة القمر يقول...

هو انا بقول انت زعلان مني ليه
والله والله والله مش كنت عارفه مش بدخل مدونة فوجئت بخبر الان
والله فرختها اوي
الفالف الف الف الف الف ميروك الاسم
جميل الان اهعملك تهئة في مدونتي
اسقع علي تاخير
بس انا بيقت مكسل من مدونه مش عارفه ليه

قوس قزح يقول...

الف مبروك يا خالد
و عقبال ما نبارك لك فى فرحها ان شاء الله
ربنا يخليهمولك و الله البنات حبايب ابوهم
و بكرة تتدلع يا سيدى منهم اخر دلع
ربنا يحفظهم و يكونوا لك سبب دخولك الجنة

للاسف كان نفسى اجى معاكم مشوار اسكندرية ده
بس مفيش نصيب

الفراغ يقول...

هههههههههههههههههههه
انا شايفه العنوان بقالى كام يوم
وكل ماشوفه ااول هو خالد اكيد كاتب الكلمه غلط اسيبه شويه على ماياخد باله ويصلحها
وبعد لقيت مافيش فايده

جيت اشوف الموضوع يمكن افهم
لقيت دا اسم مولوده جديده سعيده باذن الله
اعتقد شابى
يعنى الذى يشب على الشيء لياخذه
وان شاء الله ربنا ينولها كل امانيها
والف مبروك
وتتربى فى عزك هيا واختها

عمرو يقول...

ألف مبروك يا أستاذ خالد يتربوا فى عزك و ربنا يجعلهم من المؤمنات الصالحات اٍن شاء الله ..
اٍسمح لى أضيف بعد اٍذنك أن اٍسم شابى هو اٍسم شائع فى شمال اٍفريقيا يعنى مش غريب ..
هو بس بيطلق على الذكور و ليس على الاٍناث ..
ألف مبروك ..

أم بتول يقول...

ألف مبروك خالد وربنا يبارك لك فيهم و يجعلهم ذرية صالحة إن شاء الله ، بس لى همسة ممكن أقولها بينى و بينك ، النبى صلى الله علية وسلم أوصى بأختيار أفضل الأسماء لأولادنا ، أى أن يكون للأسم معنى جميل ، ياريت لو تقدر تعرف معنى الأسم الأول و بعدين تكتبه و تسجله فى الشهادة ، وربنا يبارك لك فيها و أرجوا ألا تغضب منى .

Empress appy يقول...

الف مبروك يا خالد حلو الاسم اوي

حاجات جوايا يقول...

ألف مبروووووووووووووووووك
ايه المفاجآت الجامدة دى
ربنا يباركلك فيها يارب هى وهمس ويرزقك برهم ويعينك على تربيتهم انت ومامتهم
حمدا لله على سلامة ام همس
بورك لكم فى الموهوب وشكرتم الوهاب
واسم شابى جميل وجديد
ربنا يخليهوملك ويباركلك فيهم يارب

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
حياك الله وبياك اخى الكريم
ربنا يباركلك فيها ويجعلها من إمائه الصالحات

أم أحمد المصرية يقول...

الفف مدا لله علي سلامة شابي و مامتها ربنا يارك لك في ناتك و يدخلوك الجنة ان شاء الله
اما الاسم فمش حقدر اتكلم فبنتي اسمها شادن و عندما انجبتها اخدت كفايتي من التعليقات عشان كده مقدرة حالك :)))))
عقال باقي الدستة بالعند في تنظيم الاسرة :))))))

yoyo يقول...

صباحك سكر يا ابو شابى

الف مليون مبروك
ربنا يبارك لك فيها يارب
ويبارك لك فى همس يارب
وان شاء الله يكون لك الذرية الصالحة يارب
ويجعلهم سبب فى دخولك الجنة اللهم آآمين
ربنا يبارك لك فى زوجتك و يبارك لكم و يرزقكم الرزق الحلال يارب

دمت اخى انت واسرتك بالف خير وسعادة
تحياتى
يويو

عمرو جويلى يقول...

السلام عليكم
مليون مبرووك على المولودة
الجديدة
شابى
بارك الله فيما رزق
جعلها الله لك ذرية صالحة
وسبحان الخلاق العظيم
وبارك الله لك فيهما
ومبارك عليك هذا الإسم الجديد
دام قلمك أخى
وسلمت يداك
ودمت بكل الخير

البروفيسير يقول...

السلام عليكم
مبروك المولود الجديد
وعلى فكره حلو اسم شابى
انا اسمى احمد اتمنى يستمر التواصل بيننا
وان تزورنى على المدونه

غير معرف يقول...

الف الف مبرووووووك

تتربى بعززززك يارب

ربنا يحفظها ويحميها

بس مكدبش عليك اسم شابي مش قادرة اهضمه

مش مهم يعجبنا ولا لأ المهم البت لما تكبر متقلش ايه الاسم الغريب دا :]

عالعموم الطفل بيتولد واسمه معه يعني خلاص ^ـ^

دمت بالف خير

زهرة الجنة يقول...

الف مليون مبروووك يا ابوهمس وشابي
ربنا يبارك فيهم يارب
وعقبال مايكونوا في الجامعه باذن الله

الطائر الحزين يقول...

وحشتنى يا عم

بورك الموهوب وشكرت الواهب و رزقت برها وبلغت اشدها

واذا الشعب يوما اراد الحياة فلابد أن يسعد ابى القاسم الشابى

ربنا يبارك فيك

غير معرف يقول...

ربنا يكرمهم يارب

غير معرف يقول...

الف مبروك