بناء على دعوة كريمة من الاخ صاحب مدونة طهر فؤادك
بخصوص المشاركة فى حملة اتبرع وانت فى بيتك
ومدونتك هتنقذ طفلك
مشاركة متاخرة نظرا لظروف خارجية
لمزيد من التفاصيل هنا
======================
===================
بدعوة من الاختين الحلوين ريا وسكينة2009 ( عاشقة الرومانسية وحنين القلب سابقا
سيتم عمل لقاء خيرى بالاسكندرية يوم السبت الموافق 10-10- 2009
ودى التفاصيل من عند عاشقة الرومانسية
ان شاء الله التجمع هيكون امام الملجأ من الساعه 10 الى الساعه 10 ونص
والناس الموجوده هتدخل واللى يجى متاخر يتصل بينا نطلع ناخده
وده رقم تليفون التجمع 0193139198
اسم و عنوان الملجأ
دار الحنان طريق مطار النزهه بجوار الامن المركزى
بالنسبه للناس اللى هتيجى من محطه مصر بالقطار ممكن تاكسى او تركب ميكروباص الساعه وتنزل عند الملجأ
واللى هيجوا بالسوبر جيت من الموقف الجديد ممكن تاكسى برضه او يركبوا عوايد سريع وينزلوا فى السكه
هنقعد مع الاطفال فى الدار من الساعه 10 ونص الى الساعه 1
الساعه 1ونص هنتحرك على نادى المهندسين فى سابا باشا على البحر
واللى هيتاخر لاى سبب ممكن يجى لنا على هناك
اما عن طلبات الملجأ فهى كالاتى
اداوات نظافة
*********
*شامبو جونسون \ ديتول \شاور جونسون \صابون جونسون \زيت جونسون
لوشن جونسون \بودرة بيبى جونسون \ليف حمام \ليف عادى \بيرسول \صابون وجه \فنيك \ مناديل
مواد غذائية
*********
*********
* لبن نيدو \بسكويت \لحمه مفرومه \أرز \سمن حلوب \زيت \فراخ \بقسماط \زبادى \فاكهه \سكر \صلصه
أدوية
*****
* سرنجات 3سم \ اوجمنين شراب \ بارامول شراب \ ريكتوبلكسيل شراب \ ريكتو بلكسيل لبوس \ سيتافلون مطهر
\ساين أب \ ميجافين \ كيناكومب مرهم \ شاش \ قطن \ميكوفللين شراب \ سيتال مطهر \ فينادروبس نقط \
درمازين حروق \ أكوافيرا \ رينوستوب \ موتينورم شراب \ موتينورم لبوس
واللى مش عايز يشترى حاجه .. الملجأ بيقبل تبرعات نقديه وبيتم تسليم ايصال للمتبرع بالمبلغ وبالنسبه لاى حد عايز يشاركنا من القاهره ومش هيقدر يجى
فيقدر يسلم المبلغ اللى هيشترك معانا بيه لخالد همس الاحباب وده رقمه
0101345140
وطبعا ما حدش مصدق ان ريا وسكينة ممكن تعمل خير وعلشان كده احنا ممكن نعمل خير ونرميهم البحر وعلشان كده عايزين الكل يشارك فى المهمة النبيلة والجليلة للبشرية جمعاء
ربنا يجعله فى ميزان حسناتكم ..
لمزيد من التفاصيل
.jfif)
.jpg)
هناك 51 تعليقًا:
اول تعليق
هروح اقرى وراجعه
ربنا يجعل اليوم ده فى ميزان حسناتك
ويكرمك يا ابو الجدعنه
بس هتتبرع ولا هتيجى تاخد الحاجه اللى احنا جبناها وتروح ؟؟
منا عارفاك
انا ريا يا حسب الله
اه صح اعمل الخير وارميه البحر
علشان كده يوميها انا هرميك فى البحر وانت طبعا ولا بتعرف تعوم وقزعه يعنى هتغرق هتغرق ونبقى ارتحنا منك للابد
ريا وسكينه؟
طيييييب
هانتفوا عليك ونرموك فى المالح يافالح
خاف على نفسك بقى
وابقى فرجنى طولك فى الميه
كركركركركركركرررررررر
ههههههههههه
مشكرين ياابو همس
اه هى مشكرين
بجد جزيتم خيرا
جواكم كمية حب للخير رهيبة
و بجد اسعدتم قلوب ناس كتير
و كما قال رسولنا الكريم
الخير في امتي الى يوم القيامة
و اعتقد انكم بجد اهل الخير
للاسف مش هقدر اسافر بقه و اكون معاكم لعدم وجود محرم بقه اعمل ايه نصيبي و قدري انمحدش من اخواتي فايقلي
ليا رجاء او طلب او اي حاجة
اتذكر في الطلبات اللى هما محتاجينها بعض المنتجات من قائمة المقاطعة
ذي شامبو جونسون و لبن نيدو واللى بالفعل ليها هنا بدائل
انا فاكرة انك كنت من مشجعي مقاطعة المنتجات اليهودية و الامريكية
اتمني تنوه حتى عن عدم شراءها و شراءالبديل
و يكون بردو من ضمن دعوتكم الدعوة للمقاطعة و التاكيد على عدم التخلي عنها
وخاصة بعد الاحداث القريبة بأقتاحم المسجد الاقصى
و خروج الاسيرات و و صفهم للتعذيب اللى لاقوه
يعني ارجو الاهتمام
و طبعا بجد مش هقدر اتكلم عن حنين القلب و طيبتها و رقتها و يا رب يكملها علي خير و تفرح بالبيبي الصغنن و تسميه حمزة او حور
او اباظة حتة مش فارقة و بردو جزاكي اللهخير يا عاشقة الرومانسية و جعله في ميزانك
تسلموا كلكم
و توشكر يا ابو همس و بجد جوزيت خيرا علي اخلاقك و رجولتك
أ/ خالد
السلام عليكم
جزاك الله وصاحب الحملة
وكل من شارك فيها خير
الجزاء وإن شاء الله إن
ظروفى سمحت سأكون معكم
تقبل مرورى
ازيك يا ابو همس الأحباب
يارب تكون بخير انت وكل الاسرة
جزاكم الله كل الخير
وان شاء الله تعمل الخير وتلاقيه
سلامي لحنين القلب وعاشقة الرومانسية
ودايما يارب يجمعكم الخير وحب الخير
دمت بحفظ الله
السلام عليكم
ربنا يجعله بميزان حسانتك يارب
وجزاكم الله كل الخير
مودتى
السلام عليكم ورحمة الله وبركاتة ,,,
جزاك الله خيرا والمسلمين وربنا يتقبل منك ومنا صالح الاعمال اللهم امين والمسلمين .... وان شاء الله دايما فى فعل الخير وربنا يقدرك ويقدرنا والمسلمين على طاعتة وحسن عبادتة اللهم امين .
جزاكم الله كل خير ، ومسن قال أن الخير بيترمى فى البحر أبدا هو باقى عند الله لا يضيع ابدا .
ربنا يقدرنا و نقدر نعمل أى حاجة معاكم .
وربنا يجازيكم كل خير .
السلام عليكم
جزاكم الله خيراً
وجعله فى ميزان حسناتكم
خالص تقديرى
عاااااااااااااااااا
الوحوش هيعملوها من غيرى
عااااااااااااا
إيه دا ؟!!!
مين دول اللى هنرموهم فى البحر؟!!
حنين و دودو
دنتا اللى هنتلموا عليك و نرموك ف البحر و لا حد حيسمى عليك يا شاب
لأ لأ ...دحنا حريم مع بعضيشنا
و حلويين قوى ..
إيه دا؟؟
..دنا مسافرة معاك
يعنى المفروض الم لسانى لحد ما نوصل هناك و بعدين ابقى اخد صفهم ضدك
..مش هينفع ؟
اصلى هروح معاك برضو
و لازم الم التعابين
يوووووووه
تعبتونى بقى
بص ..محدش هيرمى حد فى البحر
يا إما ارمى انا روحى و اخلص
دايما سباق يا خالد فى الخير
و اختك فاتيما كالعادة بتغلس عليك
و بتقولك تاخدها معاك زى
كل مرة فى اتوبيس واحد و بدل ما كل واحد يسافر لحاله ...
هنبقى زى المرة اللى فاتت مش كدا ؟
السلام عليكم ورحمة الله وبركاته
جزاكم الله خيراً وبالتوفيق أتمنى أكون معكم والله المستعان .
ربنا يكرمك يا ابو همس ويباركلك فى كل احبابك
انا كل ما بدخل مدونتك بفضل افكر فى طاقة الخير اليى ربنا وهبهالك دى وبتمنى انها تزيد وتفضل عندك علطول
انتا اليى زيك بئا قليل
ربنا يجعله فى ميزان حسناتك ويباركلك فى كل احبتك
جزيتي خيرا
حنين القلب
جزاكم الله خيرا وجعله فى ميزان حسناتكم
اهو حسب الظروف
اما نتبرع او ناخدالتبرعات
على اساس انكم هتجيبوا حاجات اصلا
لا الخير باقى عند الله سبحانه وتعالى
بس اللى هيترمى فى البحر حاجة تانية
عاشقة الرومانسية
بصراحة هى الصورة دى فى دماغى عنكم
كل ما اشوفكم بحس انى بكلم ريا وسكينة
اكدب يعنى
هههههههههه
لا شكر على واجب
مش كفاية اخدت البوست من عندك
والمفروض كنتى تيجى تكتبيه ينفسك
عدى الجمايل
مها زين
جزاكى الله خيرا
وكل سنة وانتى طيبة
وان شاء الله هنشوف بدائل اكيد
وده اقل شىء نقدمه للاخوة فى غزة وللاسلام طبعا
تحياتى
اللؤلؤة
جزاك الله خير
وفى انتظار تشريفك باذن الله
تحياتى
ماما امولة
كل سنة وانتى طيبة
وجزاكى الله خيرا على مجهوداتكم انتم كمان فى بور سعيد
اللهم تقبل منا ومنكم صالح الاعمال
عاشقة الاحزان
اللهم اميين
جزاكى الله خيرا
تحياتى وتقديرى لحضرتك
طهر فؤادك
وانت كمان جزاك الله كل خير
واللهم تقبل منا ومنكم
تحياتى
ام بتول
كل سنةوحضرتك طيبة
ودائما سباقة بالخير
جزاكى الله خيرا
وبعدين الخير باقى عند الله سبحانه وتعالى
بس اللى هيترمى فى البحر ريا وسكينة مش الخير متخافيش
ههههه
تحباتى لحضرتك
طهر فؤادك
الشكر لله وحده
اللهم تقبل منا ومنكم
تحياتى
العصفورة
كل سنة وانتى طيبة
وعايزين نشوفك مع بابا لو ظروفكم سمحت ان شاء الله
تحياتى
كيكى عووو
طب ما تيجى وكملى مسلسل ريا وسكينة فى الادغال
هههههههه
ربنا يكرمك ويجازيكى خيرا
تحياتى
فاتيما
كده با ام يوسف
وانا بقول معايا حماية ام يوسف بحالها
كده تبيعنى علنا يا شماتة ابله ظاظا فيه هههههه
اكيد طبعا ده شرف ليه انى اكون فى صحبتك يا ام يوسف
تحياتى
حياتى نغم
ان شاء الله الظروف تسمح وتنورينا بما انك من اهل اسكندرية المارية
يسعدنا تشريفك طبعا
تحياتى
محاسن صابر
ههههههه
مين ده احنا تلامذة فى مدرسة حضرتك يا ست الكل
جزاكى الله خيرا على كلماتك
وده مش غريب على ام بيرو صاحبة القلب الملائكى
يا رب ظروفك تسمح وتشاركينا ان شاء الله
تحياتى
محمد عبدالرحمن شحاته
بارك الله فيك وجزاك خيرا
ازيك يا خالد باشا
هاحاول على قد ماقدر اكون معاكم
واحضر حفلة الرمي الجماعي في البحر دي
علشان معايا حاجة عايز ارميها في بير مسعود
بيتهيالي عرفتها.. صح ؟
أخوك اللي متجوز برضو ياعيني
إحســان الطهقـــان
السلام عليكم ورحمة الله وبركاته
حياكم الله وبياكم اخوانى وأخواتى وجعل الجنة مثواى ومثواكم
اخى الكريم سعدت أوى أوى بالفكرة دى واللى تم تنفيذها بالفعل
أرجوا من حضرتك الدخول لمدونتى ومساعدتى فى عمل الدليل المقترح هناك وبأقصى سرعة
فكرة الدليل انى عاوز أجمع فيه عنواين وأرقام تلفونات كل مستشفيات الأطفال ودور الأيتام فى مصر والعالم الإسلامى كله ولو فى كمان وسائل تبرع وننشر الدليل دا بين الناس كلها
فى إنتظار ردك عندى إن شاء الله
وفقكم الله لما يحب ويرضى
احسان بك
ههههههه
والله ليك وحشة يا باشا
اخبارك ايه
وطبعايشرفناويسعدنا
انك تكون موجود وارمى يا باشا ولا يهمك
هيكون يوم عالمى للرمى
بس يا خوفى يا بدران
ههههههههه
فى انتظارك فى بير مسعود
تحياتى
ربنا يوفقكم للخير
ازى حضرتك يااستاذ خالد ويارب دايما بخير وربنا يقدركم على فعل الخير
تحياتى
:) متوهتش اهو
ربنا يباركلكم جميعا
في ميزان حسناتكم يااارب
ودايما تتجمعوا في الخير يارب ان شاء الله
سلامي لهمس
مبروووووووووووك يا ابو شابى
الف الف مبرووووك
تتربى فى عزك يااااااااااااااارب
وعقبال ما تشوفها هى وهمس احلى عرايس يارب
حنين
مبروك ما جالك ياابو همس
تتربى فى عزك ان شاء الله
ويبارك لك فيها
كله جونسون جونسون
هاتو حاجه مصرى حبتين
ربنا يوفقكم
مليون مبروك
يارب تتربى فى عزك ويحميهم ربنا من كل شر ويعنيك عليهم تقل جيوبك العرسان ورا الباب
ههههههههههههه
ربنا يقوم المدام على الف خير
واحلى بوسه لشابى وهمس
تحياتى
ايناس
ربنا يقدركم على فعل الخير
وان شاء الله تفرحوا وتنبسطوا باللقاء
ياريتني اقدر اكون معاكم :(
بالتوفيق ان شاء الله
هكذا علمنى سبدنا محمد صلى الله عليه وسلم
جزاك الله خيرا
وشكرا على تواصلك
تحياتى
رئيسة حزب الاحلام
حمدلله على السلامة ونورتى المدونة
الحمد لله بخير ربنا يطمنا على حضرتك
اليس فى بلاد العجائب
المكان ما يتوهش
وعلى فكرة انا اعرف مدونتك من زمان قوى بس كانت مفاجاة انك تطلعى انتى بصراحة
جزاكى الله خيرا
وجعله فى ميزان حسناتك
عاشقة الفردوس
بارك الله فى حضرتك
وجزاكى خيرا
الله يسلم حضرتك
تحياتى
حنين
الله يبارك فيكى وعقبالك يا ست البنات
والف شكر على البوست
حنين القلب
ربنا يبارك فيكى
وعقبالك يا جميل
ربنا يقومك بالسلامة يا ام بقلظ
بندقة
ان شاء الله فيه بدائل
جزاكى الله خيرا
عاشقة الاحزان
ربنا يبارك فى حضرتك
وعقبالك يا ست الكل
ربنا يسعدك ويوفقك دائما
تحياتى
نوارة
جزاكى الله خيرا
وان شاء الله الظروف تسمح وتكونى موجودة فى لقاءات قادمة
تحياتى
إرسال تعليق