6 سبتمبر 2009

الحمد لله



الحمد لله الذى بنعمته تتم الصالحات
تم بحمد لله عمل يوم افطار الصائم بمستشفى ابو الريش وتم الافطار الجماعى الانتحارى  للمدونين 
شكرا جزيل لكل من شارك فى نجاح اليوم سواء عن طريق التشجيع والمؤازرة او التبرع والحضور والمشاركة 
جزاكم الله خيرا  وجعله فى ميزان حسناتكم جميعا 
شكر خاص لكل من ساهم فى اليوم من خارج مصر وداخلها 
ولم يحالفه الحظ فى الحضور 
شكر خاص لكل ايجابى شارك فى عمل الخير ورسم بسمة 
على شفاه طفل محتاج 
الحمد لله  حجم التبرعات فاق كل تصور والمساهمة كانت كريمة من الجميع 
والتشجيع المعنوى ازال كل عناء وتعب 
اسف جدا على اى سلبية حدثت فى اليوم وان كانت خارجة عن ارداتنا جميعا 


الحمد لله ان اليوم عجب البعض منكم
واستاذنكم فى سرد الاحداث والتفاصيل لاحقا 
لانى ما زلت خارج نطاق الخدمة 
ولكن وجب علينا توجيه الشكر للجميع
وان كان هناك توفيق فمن الله عز وجل 
وان كان تقصير فمنا ومن الشيطان 
جزاكم الله كل خير 
وجعله فى ميزان حسناتكم 
تفاصيل اليوم عند ام المدونين وقلبهم النابض بالحب 

هناك 40 تعليقًا:

Maryama Qandil يقول...

ابسط كلمة تتقال على اليوم ده
الحمد لله
وبجد الشكر ليكوا على تنسيق الزيارة والجهود الي بذلتوها في يومها,,,
كان يوم جميل وللاسف لم تتاح الي الفرصة بالافطار مع باقي المدونين ,,, لكن كله خير

رمضاان كريم

عاشقه الرومانسيه يقول...

الحمد لله ان اليوم مر بسلام ياخالد
والحمد لله اكتر على فرحة قلوبكم الجميله دى اللى حسناها واحنا بعيد وكاننا معاكم
انت فعلا اخ شهم وانسان جدع
انت اسكندرانى اصلا ياخالد؟؟؟؟؟؟؟؟؟!!!!!!!!!
(:
عارفه انك صعيدى
والصعايده جدعان بس مش بالشكل ده
انت اخدت جدعنه الاسكندرانيه والصعايده وكل المصريين
وده بشهاده الكل
ربنا يجعله فى ميزان حسناتك
بجد انا فخوره ان ليا اخ زيك

حنين القلب يقول...

ربنا يتقبل منكم ويجعل اليوم ده فى ميزان حسناتكم

كان نفسى اكون معاكم

يا بختكم
عااااااااااااااااااااااا
انا بحسدكم
يلا ربنا يوفقكم

حنين القلب يقول...

بس مين اللى الناس بتتكلم عنه الكلام ده كله
خالد مين؟؟
انا مش مصدقه ان ده خالد
ايه يا عم لما الجدعنه دى كلها موجوده اومال بتروح فين لما تيجى اسكندريه

ماااااااااااااشى
انا عايزة الوجبه بتاعتى
2كيلو كباب وكفته
وديك رومى
والارز والمكرونه مش مشكله انا هتصرف فيهم

طول عمرك جدع يا معلم
تسسسسسسسسسسسسسسلم وربنا يجازيك خير

Asmaa mahaba يقول...

كتر الف خيركم يا خالد جزاكم الله كل خير
مكانشى فيه سلبيات خالص متقولش كدا العيب الوحيد كان فى المطعم الخدمه قليله لكن الاكل كان رائع
عادى لازم يحصل اى حاجه وكيس انها جت على كدا

صبرني يارب يقول...

كل سنه وانت طيب يا ابو همس

ويعلم ربنا انا كان قلبي معاكم وكان نفسي اجي اد ايه واشارك فعلا بكل حاجه اقدر عليها

بس قدر الله وما شاء فعل انا ماليش نصيب


ايه ده ؟؟؟

وانتم كمان مالكوش نصيب انى اشرفكم وانوركم واجي

ههههههههههههههه

كل سنه وانت طيب وجزيت خيرا عن كل حاجه ان شاء الله

أميرة يقول...

ربنا يتقبل ويسعدكم جميعا

عمرو جويلى يقول...

السلام عليكم
تقبل الله منا ومنكم
وجمعكم الله دائماً فى خير
دمت بكل الخير

خواطر شابة يقول...

تقبل الله منكم وجعله عملا خالصا لوجه الله
مع تحياتي

عمرو يقول...

بارك الله فيكم يا أستاذ خالد و جعله فى ميزان حسناتكم ..
تقبل تحياتى و تقديرى ..

Diyaa' يقول...

الحمد لله الذي بنعمته تتم الصالحات وبإذن الله نقدر نعمل أجمل وأكتر من كده

وبصراحة أنا حسيت إني مليش أي لزوم جنب النشاط والحيوية بتاعتك إمبارح :) حسيت إني جد والله :)

ربنا يجازيك كل خير يا أستاذ خالد ولي الشرف إني أعرف حضرتك من زمان ومتجمعين في الخير دايماً
وكل سنة وإنت دايماً أطيب ولطاعة ربنا أقرب

♥نبع الغرام♥♪≈ يقول...

جزاكم الله كل الخير

ربنا يجعل كل ما قدمتوا بميزان حسانتكم

مود تى
ايناس

simply me يقول...

جزاكم الله كل خير لرسم بسمه على وجه الاطفال

غير معرف يقول...

ربنا يكرمك يا خالد يارب ويرزقك بعمل الخير دايما

ويجعله فى ميزان حسناتك يارب يا كريم

حنين

mimi يقول...

ربنا يتقبل منكم ويكون في ميزان حسناتكم

أمين

Pink Dreams يقول...

ربنا يتقبل منكم يا استاذ خالد

وجزاكم الله كل خير

وربنا يعينكوا على فعل الخير دائما

تحياتى

حاجات جوايا يقول...

الحمد لله والشكر لله
الحقيقة انا حاسة من قبل رمضان ما ييجى انه هيكون السنة دى مختلف .. وفعلا ده حصل .. وربنا بيقدرنا على عمل حاجات ممكن تيجى بالصدفة فجأة بس يكون ثوابها عظيم

ربنا يتقبل منكم ومنا ويجعل صالح اعمالكم فى ميزان حسناتكم

كل رمضان وانتوا طيبين

فاتيما يقول...

مش بقولك إنتا ميت راجل فى بعض
و السلبيات اللى حصلت دى شىء طبيعى و متوقع و كويس إنها حصلت عشان نتلافها المرات الجاية إن شاء الله و غحنا كنا هنعرف منين غير بالتجربة
انا اسفة عشان مقومتش اساعد معاكم امبارح بس البرد كان عامل عمايله معاى خصوصا آخر ساعة قبل الفطار ...بس اليوم كان حلو قوى
ملحقناش بس نقعد مع بعض كفاية
إنتا ملحقتش تقعد أشاساً إنت و داليا
ربنا يكرمكما و يضاعفلك الثواب عن كل حد فينا و كل مريض ادخلت البهجة على قلبه ... خالص ودى يا اخى الغالى

رحــــيـل يقول...

ربنا يبارك فيكم ويجعلوا فى ميزان حسناتكم

كنت اتمنى اكون معاكم بس السفر وكده بقى
ان شاء الله لما اتجوز هبقى مقيمة حداكم فى القاهره ومش هفوت لقااااااء بعد كده

كل سنه وانت طيب ياخالد

Unknown يقول...

جزاكم الله خيراً
وجعله فى ميزان
حسناتكم .ومرة
تانية الف شكر
استاذ خالد وربنا
يفرحك بهمس وأخواتها.

(احمد سكر ) يقول...

كل سنه وانت طيب يا خالد

ودايما فى طريق الخير

قوس قزح يقول...

جزاك الله خير يا خالد
انت تعبت المرة دى بس ان شاء الله تعبك ده بفايدة فى الجنة ان شاء الله

كده انت تقدر تعمل اليوم لوحدك
همتك يا بطل بقى :)

دكـــــتور جدا يقول...

الف مبروك
ورمضان كريم

الطائر الحزين يقول...

جزاكم الله خيرا
تقبل الله منكم صالح العمل

بقول لك لو تعرف الدواء ده pulmicort
انا سألت عليه بيقولوا أنه بخاخة صح كدة ولا ده نوع تانى؟؟؟

... amr يقول...

ان شاء الله مجمعيننا في الخير دايما :)

الحمد للة اليوم كان كويس و ان كان فية بعض ال( تهيييس ) من ادارة المطعم
انما اجمالا .. منقدرش نقول غير كتر ألف خيركو على التجمعات دي

كل سنة و انت طيب

غير معرف يقول...

كان لابد ان اعبر لك عن شكرى وامتنانى الشديد على ماقمت به من مجهود عظيم لينجح يزم صعب كهذا

فقد رأيت فيك المثل الجميل خادم القوم سيدهم .. وهكذا حصدت كل شكرنا وعرفانا على هذا اليوم الرائع

ماتأثرت به هو انك لم تأكل مثلنا .. لا أنت ولا داليا .. خلاك الله مصدر خير وسعادة لنا جميعا

خالص تحياتى لك

Mina يقول...

كتر خيرك يااستاذ خالد
بجد اليوم كان اكتر من رائع بفضل مجهودك انت وداليا وخيخة وكل الناس اللي كانوا قائمين علي اليوم وكل الناس اللي شاركوا في تنظيمه او ساهموا بالحضور او المساهمات المادية
ربنا يباركلكم يارب
وماكانش فيه اي سلبيات في اليوم
وحتي لو كان فيه فده مايأثرش علي روعة اليوم ده
كل سنة وانتم كلكم طيبين
ودايما متجمعين في الخير

حروف يقول...

جزاك الله كل خير
يارب اشوفكم قريب
بالله عليك تعالوا اسكندرية بقا
اية رئيكم في رابع يوم العيد
عشان ناس جاية من السفر
دمت بالف خير

!!! عارفة ... مش عارف ليه يقول...

خالد باشا

والله نجم

ربنا يبارك لك والله على المجهود اللي انت بذلته في اليوم ده وإن شاء الله في ميزان حسناتك وبشكر المهندس اللي مهد لمقابلتنا

وحقيقي كنت سعيد بالتعرف عليك

وشكراً جزيلاً على اتصالك بيا علشان تطمن إني وصلت المنصورة ، وده مش غريب أبدا من حد زي خالد همس الأحباب

شكراً جزيلاً على اليوم الجميل ده :)

وليد

المهندس يقول...

جزاكم الله جميعا كل خير .. واسعدكم .. وجعل الخير دائما طريقكم ودربكم

سامحكما الله .. انت والاخ وليد .. جعلتما عيناي تدمعان بحديثكما .. عن يوم الافطار .. فعلا قد تمر علي الانسان سنون وسنون .. ولا تساوي شيئا .. وقد تمر عليه سويعات قليلة .. تعني اشياءا كبري .. وحسنات عظمي .. نحسبكم علي خير .. ونتمني ان يوفقنا الله ان نكون معكم العام القادم .

اسعدني جدا .. ان اكون سببا في تعارف شخصيتان جميلتان ولهما مكانة كبيرة في قلبي .. وهما حضرتك .. وصديقي العزيز " وليد " وكم اتمني ان التقي بكما وجها لوجة .. لاتشرف بمعرفتكما علي ارض الواقع .. بعد ان سعدت بالتعرف عليكما .. عبر مدونتيكما .. المتميزتين .

اطلت في تعليقي الاول .. ولكن هي دفقة مشاعر .. انتابتني .. فحاولت ان اعبر ان خالص غبطتي .. واسفي لعدم وجودي معكم .. وادعو الله ان يطيل في عمري حتي اشارككم في العام القادم

شكرا والسلام عليكم

الربان يقول...

اخي خالد

الحمد لله الذي وفقككم وهداكم الي هذا...
و الف شكر لك و لكل من شارك او نوي الاشترك...

بارك الله فيكم جميعا و جعل ما قدمتم في ميزان حسناتكم جميعا.

تحياتي و تقديري

بنت الصالحين يقول...

ماشاء الله

ربي يتقبل منكم

في ميزانكم جميعا

mahasen saber يقول...

كان نفسى اكون معاكوا بس اكيد تتعوض

بس يومى كان حلو برضه بحس براحهجميله وانا عند والدى
الحمدلله

ربنا يجعل كل جهدك فى ميزان حسناتك ويباركلك فى همس يا ابو همس

ابو على يقول...

استاذ خالد
متشكر ليك بجد انك كنت صدر رحب لينا
انا كنت شايفك مهتم بكل فرد كان موجود حتى انت فطرت متأخر

صحيح ماتبقو تخلو الفطار المره الى جايه ف حته كويسه تعرف تاكل فيها
انا اللى كلته حسسنى انى كنت ف عشاء عمل
فيها لو نلغوص كده ف الاكل وناكل بمزاج

لوووووووبيااااااا

هههههههه
سلام

Hannoda يقول...

صديقي خالد
يااارب يتقبل عملكم الكبير ده و يمحي عنه اي شائبة

كان نفسي جدددا لو كنت معاكم بس نصيب

باذن الله اكون موجودة في اللقاءات الجاية واسعد برؤيتكم جميعا

يهمني رايك في الموضوع ده
http://hannoda.blogspot.com/2009/09/blog-post_13.html

الـسـيـدة نـون يقول...

خالد

انا كاتبة بوست بعنوان صندوق الزمالة
عايزاك تقراه كويس وتقرا التعليقات اللى عليه كويس وتقول رايك فى الكلام

رايك يهمنى جدا

سلام
اختك خيخة

شمس النهار يقول...

كل سنه وانت طيب وبصحه وسعاده

انت اصلا انسان تستاهل كل خير
صحيح احنا اتقابلنا مره وحده وماكانش في فرصه نتكلم مع بعض كتير
بس الحقيقه لمست فيك انسان خدوم محب للخير

لك كل الاحترام

وعيد سعيد ان شاء الله

Unknown يقول...

السلام عليكم ورحمة
الله تعالى وبركاته
وكل عام وأنتم بخير
عيد سعيد وعمر مديد
فى طاعة الله والعمل الصالح
كل سنة وانت طيب يااستاذ
خالد يا أبو همــــــــــــس

غير معرف يقول...

اول مرور عندك وباذن الله ليس الاخير
والحمد لله انه يكون المرور
بمناسبة التهنئة بالعيد
فكل عام وانت بخير وعيد مبارك
وفى انتظاركم فى اسكندرية
تحياتى

م/ الحسيني لزومي يقول...

تقبل الله منا ومنكم
كع عام انتم بخير