15 ديسمبر 2008

بوش والجزمة


انا سعيد قوى قوى وده لسببين
اولهم طبعا ضرب منتظر الزيدى مراسل قناة البغدادية الرئيس الامريكى جورج بوش بالجزمة فى مؤتمر صحفى بالعراق
ودى كانت نهاية سعيدة لعام 2008بالنسبة للعرب ونهاية تعيسة جدا للرئيس بوش
رئيس اكبر دولة فى العالم بينضرب بالجزمة وفين فى العراق اكبر دولة ذاقت الظلم والتمزق على يد بوش 
النهاية طبيعية جدا جدا لحاكم ظالم ومغرور 
بجد كان نفسى ينضرب بالقفا كمااان 
علشان اغنيله صعبان عليا قفاك
هو فعلا تظاهر بالبرود واللا مبالاة امام الكاميرات وده طبعه لانه بااااااااارد وساقع كماااااان
بس رد الفعل العربى والعالمى كان مختلف تماما والكل كان شمتان فى الجزمة ابن الجزمة
ومن غرائب الموقف ان الصحفى خلع  الحذاء كاملا ليضرب به بوش والراجل مشى حافى وده حال الصحفيين بعد كده فى اى مؤتمر صحفى
حذاء منتظر الزيدى اصبح اشهر حذاء فى التاريخ  ده بقى اشهر من قبقاب شجرة الدر وكمااااان اشهر من حذاء الطنبورى
وخفى حنين 
سؤال محيرنى قوى يا ترى مصير الجزمة هيكون ايه ؟؟؟!!!!!!؟ 
هل يتم التحفظ عليها كمستند فى القضية؟؟؟ 
ولا سوف تباع فى مزاد علنى ؟؟؟ 
ولا منتظر هيفضل حافى  من غيرها ؟؟؟
بس بصراحة تسلم ايديك يا منتظر
وده رابط لمشاهدة الفيديو حصريا  
 
ثانى حاجة فرحتنى هى عودة فرنسا هانم للتدوين سريعا واشكر الاخ منتظر لانه هو السبب الرئيسى فى رجوعها حتى شوفوا كده  

هناك 59 تعليقًا:

فرنسا هانم يقول...

وانا برضه سعيده جدا جدا
انى اكون اول تعليق عند ابنى العزيز خالد
همس الاحباب
واشكرك على اميلك جدا
واشكر جدا جدا الجزمه التى نالت من الجزمه
تحياتى لك يا خالد
ودمت لى قالبا ناصع البياض محمل بكل ماهو جميل
وارجوك اقرص لى البنت حنين اخر من ودنها وعلمها ازاى تبعت اميلات
وبلغها انى بحبها قووووى

همس الاحباب يقول...

فرنسا هانم
كده الفرحة تتضاعفت كثيرا
انا مش سعيد بس
انا طاير من الفرحة كماااان
ومبسوط جدا برجوعك وسعيد بتعليق حضرتك
والحمد لله انك بخير ورجعتى لينا بالسلامة
البت حنين قرصت ودن بس
انتى تؤمرى يا ست الكل مش قرصت ودن بس
لو عايزة اكسر دماغها انا فى الخدمة
ياااااااااه ده يوم المنى عندى هههههههه
وخلى الرايق يدلع فيها بقى
وجالك اللى مش هيرحمك يا حنين هههه
دمتى بكل ود فرنسا هانم
وربنا يخليكى لينا وما يحرمناش منك ابدا
تحياتى

فرنسا هانم يقول...

على رايك يا خالد
بعد كده ولا صحفى هيدخل اى مؤتكر بالسلاح النووى الجديد ( الجزمه ) اعظم سلاح هز مملكه بوش

موناليزا يقول...

دى نفس تساؤلاتى ياترى ايه مصير الحذاء؟؟

همس الاحباب يقول...

ههههههههه
هههههه
بصراحة يا خالتو
انا صعبان عليه الجزمة
لسه منتظر مشتريها قبل المؤتمر
وبصراحة خسار فى ابن الجزمة
هو اخره جزمة قديمة
ممكن تسلفيه حذاء الطنبورى
يلا يستاهل اكتر من كده
يا ما نفسى اضربه بالقفا

همس الاحباب يقول...

موناليزا
ههههههه
انه حذاء بالظبط
بوش ولا الحذاء
عامة الاتنين نهايتم واحدة
صفيحة زبالة فى اقرب مقلب زبالة عمومى

سبهللة يقول...

كلنا سعداء جدا بالموقف دة اللى إتأخر كتيير قوى
ولو انى حزينة لاننا مش قادرين على اكتر من كدة
فين عزتنا؟؟

عبده الرايق يقول...

متشكر جدا على تليفونك يا خالد بخصوص عوده الحيزبونه فرنسا الى التدوين
ده نمبر وان
اما نمبر تو
يعنى نمره 4 يا خالد انت مش عارف تتكلم عنجليزى
نمبر تو يعنى رقم 4
عموما
نمبر تو انا انا بشكر الجاموسه
او البقره
نو
نو
نو
حاول تركز معايا وتفهمنى وبراحه عليا
انا بجد بشكر البقره او الجاموسه اللى صنع من جلدها احلى جزمه فى التاريخ
وبشكر المصنع اللى صنع احلى جزمه فى التاريخ
وبشكر التاجر اللى باع احلى جزمه فى التاريخ
وبشكر الصحفى العراقى الرجل الشهم
الرجل القوى
مفخر الامه العربيه اللى جاب مناخير بوش فى الطين
ويين هنادى يا خاااااااااال ؟؟؟؟؟
وين بوش يا خاااااااااااال ؟؟؟؟؟
بوش راح الوبا
بس عايزين نعرف بقى الجزمه دى مقاس كام ؟؟؟
وهل تناسب كل الحكام الديكتاتوريين مثل بوش وخلافه ؟؟؟

عبده الرايق يقول...

افرح يا بوش لك نصيب تنول الجزمه
افرح يااااااااااااابوووووووش

همس الاحباب يقول...

سبهللة
كلنا فرحانين
ومعاكى حق طبعا

همس الاحباب يقول...

عبده الرايق
هههههههه
الحبايب كلهم متجمعين عندنا النهاردة
تصدق كده انا بدات احب بوش
واموووت فى الجزمة اللى انضرب بيها
علشان رجعتكوا تانى بالسلامة
اعتقدنها مقاسها 42
اوعى تكون ناوى تبيع القيراطيين وتشتريها يا عواد
اصل انا عارفك وعارف عمايلك
وبعدين فرنسا منورة اول تعليق
وسمعت انه فيه ناس كانت بتعيط لغيابها
هههههههههه

همس الاحباب يقول...

عبده الرايق
هههههه
يستاهلها بصراحة
انا ناوى الم الجزم القديمة كلها من قدام الجوامع ما تفهمنيش غلط يا رايق
المها علشان اضرب بيها كل حاكم ظالم ومستبد

حنين القلب يقول...

والله يا خالد
حاسه ان ده رد شرف لكل العرب
حاسه انه رد لكرامتنا اللى اتبهدلت وانداس عليها بالجزمه من امريكا ومن رئيسها
واهه جه اليوم اللى ينضرب فيه بالجزمه

حنين القلب يقول...

سمعنى سلام ذئاب الجبل
ولابد من يوم معلوم تترد فيه المظالم ابيض على كل مظلوم واسود على كل ظالم

حسبيا الله ونعم الوكيل فيه
ويا رب زى ما جه اليوم اللى ينضرب فيه بالجزمه اشوف اليوم اللى يتعدم فيه زى ما عملها مع صدام

حنين القلب يقول...

والله انا شايفه ان الجزمه لازم ولابد تتحط فى متحف ويتكتب عليها اللى نزلت ترن على قفا بووووووووووش


تسلم ايدك يا خالود
الا بالمناسبه لو انت مكان الصحفى ده كنت هتضربه بيها ولا كنت هتخاف على الجزمه الوحيده اللى حلتك لتروح منك نيهههههههههههههههااااااااااااا

ضحكات شريرة متقطعه

حنين القلب يقول...

خالد
والنبى بطل تضحك علينا
منتا طول عمرك بتلم الجزم القديمه علشان تبيعها وتشترى قباقيب جديده
اصلك مش ليك فى الجزم اوى انا عارفه

معلش يا سيدى انا هلمهم ليك وابعتهم فوراااااااااا

حنين القلب يقول...

تسكر دماغ مييييييين يا واد انت
ده انت تتقطع
حد يجيب ليه المطوة
هااااااااااااا
عايزها زواقه ولا عياقه ولا تحتار فيها الاطباه

ايووووووووووه يا جدعان على غدر الانساااااااااااان
فرنسا روقه
اللى خايف على الواد ده يشيله من ادامى

همس الاحباب يقول...

حنين القلب
بسم الله ما شاء الله
جبتى الكلام الكبير ده منين يا بنت
ده انتى خريجة نحو الامية

همس الاحباب يقول...

حنين القلب
سمعنى ايه
ذئاب الجبل
انتى اخرك تسمعى كوز المحبة اتخرم
السح دح امبو
اما ذئاب الجبل مش ليكى يا شاطرة

همس الاحباب يقول...

حنين القلب
والنبى انتى بلاش تشوفى حاجة اصلا
خليكى كده زى ما انتى
بدل ما الجزمة تيجى من العراق للاسكندرية
ولا انتى اخرك قبقاب من قبقاب شجرة الدر
هههههههه
لا طبعا كنت هخاف على الجزمة بتاعتى
كنت هضربه بجزمة قديمة
هههههههه

ضحكة من غير نفس

همس الاحباب يقول...

حنين القلب
هههههههههه
ههههههه
حلوة تسكر دى
ومطواة ههههههه
يا بنتى اخرك قصافة او مبرد ضوافر
ايووووووووه يا جدعان على اسكندرية وشقاوتها
وبلاش تتهور يا اخ علشان ما تتعورش
شيلوا الميتيين اللى تحت

جنّي يقول...

السلام عليكم

سكت الكلام دن دن دن والجزمة اتكلمت ..

العراقيين النهاردة اتظاهروا ورافعين الجزمة لكل مجرم حرب وعميل ..

سلام

maha zein يقول...

ويل يا ويل ويل يا ويل
ويا رتي المسؤلين الجزم تفتكر رد فعلهم هيكون ايه
في الوطن العربي كله
هل هيشجبوا ويضحكوا في عبهم
ولا هيعملوا ايه
الا يا جدع اللى هيموت من الفرحة وهيهص هو خاتمي وهجو تشافيز
هيهيصوا

كلبوزة لكن سمباتيك يقول...

فعل بحذائه ما عجزت ألسنة الحكام عن فعله ،فكان حذاؤه أشرف منها

mohamed ghalia يقول...

والله الصحفى ده راجل
ربنا يحفظه

Mony يقول...

ههههههههه

حلوة مصير الجزمة ايه؟؟

اما يعرفوا مصير صاحبها الاول طيب
ربنا يستر عليه


الف الف الف مبروك لرجوع فرنسا




اتاري الجزمة عملت عمايل ما عملها العالم ذاته

رندا يقول...

عارف مصير الجزمة اية عرض واحد عربى ملايين علشان يشتريها ههههههههه
اغلى جزمة فى التاريخ
كنتش جت فوق دماغة هههههههه

بس جت فى العلم ودة كفايا
علم امريكا اتهان يارجاله
والى يكسف ان بتاع العراق المدهول بيحوش آل ارحمنا يارب

وبيسالوا بوش تحب تقعد فى الرياسة قد اية قالهم ياما 42 او 44 ههههههه

كل الود يابو همس

بنت مصريه يقول...

كلنا سعداء يا خالد بالموضوع ده بس على قد ما انا سعيده على قد منا خايفه جدا على منتظر ربنا يستر
اتمنى تنورنى

رندا يقول...

انا عرفت لية مش جت فى وشة ههههه

الجزمة كان ناقصها رباط هههههه

صبرني يارب يقول...

فرنسا ما تقدرش تسيبنا يا خالد هانعمل مظاهره ونروح نجيبها من بلدهم وندبسها فى البلوج هنا

والجزمه هايعملولها مقام هناك الشيعه ويطوفوا حواليه

انا عن نفسي نفسي ا خد فرده واعملها برواز فى الصالون

Empress appy يقول...

هيتحفظوا ايه دى هيولعوا فيها يا خالد علشان ميفتكرهاش

kh يقول...

السلام عليكم ورحمه الله وبركاته

تحياتى للبطل اللى نال من الجزمه

بجد ولد ما جابتهوش ولاده

وسلااااااااااااااام

هى فوضى يقول...

والله يا خالد
منتظر دا رجل بجد ربنا يكرمه اثلج صدورناربنا يحفظة من ايدى الخونة

غير معرف يقول...

هو جزمة ابن جزمة
وفعلا يستاهل الضرب الجزمة
دا اقل واجب
بس انا قلبى بيتقطع على الراجل
ربنا يحمية
عارف فى منافقين كتير بيشتموا فى منتظر


سلم لى على همس يا ابو همس

ميرا ( وومن ) يقول...

والله يا ابو همس اسئلتك منطقية جدا

بس انا سمعت والعهده علي الراوي ان في ناس طالبين يشتورها

واحتمال الحكومة تعمل عليها مذاد سري زي بتاع ام نبيل

وياخبر انهاردة بفلوس بقي تبقي مرطط مش لاقي اللي يشيلك

سلام بقي

حاجات جوايا يقول...

بجد فرحة قوية ونصره على رأى أم كلثوم

كل مؤتمر وهو مضروب بالشوز
هههههههههه

مدينـة من النسـاء يقول...

ولا منتظر هيفضل حافى من غيرها ؟؟؟

**

تفتكر هاسيبوه يعيش علشان يدور على الجزمه او حتى يجيب غيرها
؟
صعب اوي
دا هايعرفوه قيمة الجزمه كويس علشان يحرم يقلعها تاني

ربنا يرحمه من ايديهم

ahmed_k يقول...

أنا سمعت أن الجزمه دي في ناس عايزه تشتريها بملايين هههههههه

الربان يقول...

تحياتي

و الله يا أخي الموضوع بقدر ما نال اعجاب الكثيرين ... بقدر ما هو محتاج
الي تحليل متأن و دراسة موضوعية للدوافع وراءه...

هل افتقاد الصحفيين العرب لحرية التعبير
من خلال الصحف التي يعملون بها و وجود رئيس للتحرير يتحكم فيما ينشر و ما لا ينشر...اقول هل ممكن هذا يكون دافع
للصحفي العراقي ان يعبر عن رأيه بهذه الطريقة...

لقد كان الحذاء و سيلة قديمة و معروفة
لدينا كعرب و شرقيين للتعبير عن السخط
و و سيلة للانتقام.... و حادث الحذاء
في استاد القاهرة الدولي معروف...

أخشي ما أخشاه ان يتحول الحذاء الي رمز
للتعامل بيننا بعد هذا الموقف من الصحفي العراقي و ان يحذو حذوه من يلقي بحذاء علي كل من يخالفه الرأي.

تحياتي و تقديري

شفـقــة و إحســــان يقول...

حلوة اوى حكاية التحفظ على الجزمة وانها هتتاخد مستند فى القضية
البوست بجد حلو
واحنا بنضم صوتنا لصوتك يا ترى مصير الجزمة ايه؟؟

Abo 7anf يقول...

السلام عليكم
ازيك يااستاذ خالد
معلش بقى على غيابى الفتره الفاتت
وكويس انى رجعت لقيتك فرحان كدا
الجزمه طلعت ليها فوايد كتير

حزينه يقول...

حسبى الله ونعم الوكيل فيهم
يستاهل
بس السؤال اللى يحير بجد ما مصير منذر..؟؟


حزينه

همس الاحباب يقول...

جنى
استاذنا العزيز نورتنا
وربنا على الظالم والمفترى
ومالوش غير ضرب الجزمة
يستاهل اكتر من كده

همس الاحباب يقول...

مها زين
ههههههههه
هههههه
ويل يا ويل
سيبك من الحكام العرب
رد فعلهم زى قلته
ولكل ظالم نهاية

همس الاحباب يقول...

كلبوزة لكن سمباتيك
منورة المدونة
وشرفت بزيارة حضرتك
فعلا الحذاء فعل ما عجزت كل الالسنة عن فعله

همس الاحباب يقول...

محمد غالية
اكيد طبعا
فعل ما عجز عنه حكامنا العرب

همس الاحباب يقول...

مونى
ههههه
ماشى يا ستى هى فعلا عملت عمايل كتير بصراحة
الله يسلمك
وشكرا على الزيارة

همس الاحباب يقول...

رندا
هههههههه
ولسه ما احنا كعرب بنحب التفاهات
ملاببن ايه طب ما يتبرع بيها للمشردين والارامل من شعب العراق وفلسطين
اه طبعا القيمة فى الاهانة لامريكا ورئيسها
تحياتى وتقديرى

همس الاحباب يقول...

بنت مصرية
اكيد كلنا سعداء
وربنا معاه
وحاضر يا ستى انا مقصر معاكى فعلا ومع الجميع بصراحة

همس الاحباب يقول...

رندا
هههههههه
سهلة نجيب 2 رباط استبن علشان تربط فى وشه
تحياتى

زُمُرده يقول...

ههههههههه يا سياسي يا وطني انت

مش هقولك مصير الجزمه ايه
لان الجزمتين الاصليه وبوش
مصيرهم واحد زي مصير اي جزمه

بس ياريت نقدر نعمل حاجه اكبر

مش تقليل من قعله
هو شجاع بس نفسي الشجاعه دي تملا قلوب ناس اكتر
ويعملوا شيء مخطط ومحكم اكتر

هو عبر عن فعل نفسنا نعمله ونعمل اكتر منه بكتيييييييييييييير

-----------
مش عارفه اغلس عليك المره دي
ههههههههههههه

شفـقــة و إحســــان يقول...

فينك يا عم خالد؟؟
اخبارك ايه؟؟

همس الاحباب يقول...

صبرنى يارب
اكيد طبعا فرنسا متقدرش تغيب عننا ولا نغيب عنها
هههههههه
ههههههه
برواز مرة واحدة
هاتى الفردة وانا هبعتلك البرواز
======
ابى هانم
ربنا يولع فيهم بجاز وسخ
=======
kh
ربنا يكرمه
ويوفقنا لما يحبه ويرضاه
تحياتى
=====
هى فوضى
ربنا معاه
وشكرا يا ستى وسلامك وصل
وسلميلى على اهل بور سعيد
تحياتى
==========
وومن
عروستنا الجديدة
على رايك كله بكرة يظهر ويبان
=====
حاجات جوايا
ام دودو
منورة ياست الكل
وان شاء الله بالقبقاب المرة الجااااااية
========
مدينة من النساء
كل شىء جايز
بس ربنا يحفظه وينصره باذنه
تحياتى
==========
احمد k
ناس فاضية
طب الاطفال والمشردين اولى بالملايين من الجزمة

همس الاحباب يقول...

الربان
استاذى العزيز
متفق مع حضرتك طبعا
ودائما حضرتك صحاب رؤى وبصيرة نتعلم منها
تحياتى

همس الاحباب يقول...

شفقة هانم واحسان بيه
هههههههه
كل شىء جايز
وشكرا للانضمام
تحياتى

همس الاحباب يقول...

ابو حنف
منورنى دايما
وحمدلله على سلامتك
ولا يهمك يا باشا

همس الاحباب يقول...

حزينه
نعم
حسبى الله ونعم الوكيل
ربنا يتغمده برحمته
تحياتى

همس الاحباب يقول...

زمردة
ههههههه
ماشى يا ستى
منورانى دايما
وبراحتك
وعندك حق فى كلامك
هههههه
خيرها فى غيرها

همس الاحباب يقول...

شفقة هانم واحسان بك
شكرا جزيلا على السؤال
بس غصب عنى مزنوق شوية فى الشغل
واحوال الجو مش مظبوطة
المهم انكم تكونوا بخير
تحياتى