6 ديسمبر 2008

عندك خروف زيادة


كل سنة وانتم طيبين
كل سنة وانتم بالعيد فرحانين 
ولخروف العيد مشتاقين
ونظرا لان العيد فرحة وكلنا بيحب الفرحة علشان كده بهذه المناسبة هاجاوب على تاج العيد بناء على رغبة اختى فى الله سالى صاحبة مدونة  حاجات جوايا
       
 1-ماذا يمثل لك العيد ؟ وما أكثر شئ يبهجك في مظاهر العيد ؟
 
العيد مناسبة سعيدة ومكافاة من رب العزة لعباده بعد عبادة محببة للنفس سواء كانت صوم او مناسك حج فالعيد فرحة
اكثر شىء يبهجنى فى مظاهر العيد الفرحة فى عيون الناس ومصافحة الاخرين وتهنئتهم بالعيد  والاطفال وفرحتها بلبس العيد       
  
2-اوصف لنا طقوسك في العيد .. من ليلة العيد لآخر يوم ؟
 
مفيش حاجة معينة بصراحة غير صلاة العيد وبعد كده بنقضيها نوم اما واحنا اطفال كنا بنخرج ونتفسح مع اصحابنا
   
 احكي لنا أطرف موقف حصلك في العيد ؟3- 
كنت لسه فى ابتدائى وفى الصعيد وكان عندنا خروف كل ما يشوفنى يجرى ورايا وينطحنى جه العيد وكنا هندبحه وطبعا انا فرحان جدا انه هيندبح ووقفت اتفرج عليه وطبعا لابس جلابية العيد  ولقيت عمى جايبه وجاااااى للجزار يدبحه انطلق مين ايده وجه جرى عليا نطحنى انا وواقف لقيت نفسى واقع فى بركة الدم وطبعا الكل بيضحك على منظرى وكان اخر عهدى بيه الله يرحمه 
 

-بتحرص على تهنئة الأهل والأقارب والأصدقاء بالعيد .. ولا مش بتهتم ؟؟ 

ده شىء اكيد طبعا هو مظاهر العيد بتقتصر على كده معايا تهنئة وزيارات للاقارب

مين أول حد تزوره أو تكلمه في التليفون /الموبايل عشان تهنيه بالعيد ؟

 
غالبا بيت عمى لانهم جنبى على طول وبتصل بالاهل والاصدقاء فى البلد
 
 -إيه الفرق بين العيد الحالي .. وعيد (أيام الطفولة )؟ -
 
فرق السماء والارض طبعا زمان كان ليه طعم مختلف تماما كنا بنجيب لبس العيد وبنخرج نلعب وبناخد عيديات دلوقتى بنجيب لبس بس مش لينا طبعا وبندفع عيديات ونشترى لحمة  يلا الله يرحم ايام زمااااان
       
كلمنا عن ذكرياتك في العيد

ذكرياتى بتنحصر بين اغنية يا ليلة العيد لام كلثوم بحب الاغنية دى قوى لانها هى اللى بتحسسنى انه بكرة عيد 
وبعدين صلاة العيد وزيارة الاهل والاقارب وبعدها خلود الى النوم او مشاهدة التليفزيون وكل عيد وانتم معيدين 

 -تفتكر الحياة من غير عيد .. هتفرق كتير ؟؟؟

اكيد طبعا كفاية انه اسمه عيد وانه منحة من ربنا سبحانه وتعالى للترفية وزيارة الاقارب وصلة الرحم وتهنئة الاصدقاء ومظاهر الود والالفة اللى بقت عملة نادرة حاليا
 
إيه أجمل رسالة تهنئة بالعيد وصلتك .. قلنا طبعااا بتقول إيه ؟؟ ومن مين ؟؟ 
.
اول رسالة كانت من فودا فون وبتقول :هدية العيد للك انت بس كلم  5555  مجانا خلال 5 ايام واختار كول تون ببلاش 
وطبعا انا مش من هواة الكول تون علشان كده هدية مش مقبولة شايفين الحظ 
ورسالة تانية بتقول بمناسبة عيد الاضحى المبارك حبيت اكون اول واحد يقولك : عندك خروف زيادة ؟؟
طبعا من واحد رخم اكيد واحب اقوله تعالى وانت تشوف ...

احم احم .. لسه بتاخد عيدية ؟؟ من مين ؟؟ وبتديها لمين ؟

هههههه كان زماااااااان دلوقتى انا بدفع عيديات ليه وللزمن اصل بسم الله ما شاء الله العيلة متشعبة وما بيعرفوش تنظيم الاسرة .

إيه رأيك في التاج ؟

  
تسلم ايديكى يا ست سالى وكل سنة وانتى طيبة ومن ربنا قريبة 

 تحب تمرره لمين من المدونين ؟ اذكر على الأقل 10

ما بلاش
عامة احب اهديه لبابا وماما وتيتا وخالتو وعمو وكل جيرانى واصدقائى واحب اسمع اغنية يا ليلة العيد
بصراحة بقى احب ادبس كل من:


حنين القلب 
عبده الرايق
قوس قزح  
فرنسا هانم
روح قلب ماما 
احمد سكر 
عاشقة القمر 
محمد غالية 
همس
زمردة 
احمد سوووو
بت خيخة واى كلام
قلب مصرى  
رندا
صبرنى يا رب  
نهر الحب 
هى فوضى 
اهوده عيبه
زهرة الجنة  
وطبعا كل زوار مدونتى وجيرانى المدونين 
اشربوا بالهنا والشفا
كل سنة وانتم طيبين 
وعيد سعيد عليكم وعلى الامة الاسلامية جميعا
ومبروك عليكم خروف العيد

هناك 40 تعليقًا:

رحــــيـل يقول...

كل سنه وانت طيب ياخالد

انا متفقه تماما ان فرق السما والارض بين العيد الوقتى وزمان
اللى محيرنى هو احنا بس عشان كبرنا حاسين بالفرق يعنى الاطفال لسه بيحشوه عيد زينا زمان؟
ولا ايه اتغير ياترى

ما علينا
المهم يكون عيد سعيد عليك

انا حره يقول...

كل سنه وانت طيب ياخاااااااااالد

ومتكترش فاللحمه بقى

Empress appy يقول...

كل سنه وانت وهمس ووالدتها بخير وايامك كلها خير وسعاده

رئـــــيسـة حزب الأحلام يقول...

كل سنة وحضرتك طيب
ويارب دايما فى احسن حال
تحياتى

فاتيما يقول...

أنا عاوزة أفلفص من التاج دا بأى شكل و متزعليش يا سالى
هه
نيجى لسيادتك بقى
كل سنة و إنت بألف خر أنت و المدوام و هموسة و العيد الجاى يكون همس جالها اخ و لا اخت و لا الأتنينسو و يبقوا تؤام و يخلصونا ...
بالنوسبة لعنوان البوست بقى
نعممممممممم
مين دا اللى عنده خروف زيادة ؟؟!!
خلى طلباتك واقعية طيب عشان نعرف ننفذها
عموماً لو حد طلع من قرايب حاتم الطائى و جابلك خروف زيادة
إبقى إفتكر اخت فاتيما بقى بحتة مفتخرة كدا
اومال اخوية اونطة ؟!!
عيد سعيد عليك يا اخى الغالى

غير معرف يقول...

كل سنه و انت طيب

مسعدة يقول...

كل سنه وانت طيب

حاجات جوايا يقول...

ههههههههههه
إجاباتك حلوة يا ابو همس
والعيد بتاعكوا شبه العيد بتاعنا
ربنا يجعل كل أيامكوا اعياد
كل سنة وانت طيب وبألف خير انت واسرتك الكبيرة والصغيرة والجيران والاصحاب والمسلمين أجمعين يارب العالمين

لو عايز تسمع يا ليلة العيد تعالى اسمعها عندى
ولو عايز الكود تنزلها عندك ابعتهولك

عيد سعيد .. أو حسن .. أو سيد .. أو محمود .. بس بلاش مبارك الله يخليك ههههههههه

سالى

صوت من مصر يقول...

تاج جميل
كل سنهوانتى طيبه
فين الخروف

mohamed ghalia يقول...

كل سنة وانت طيب اخى العزيز الغالى
كل سنة وانت الى الله أقرب
كل سنة وكل الى بتحبهم فى سعادة
متقلقش سالى بعتتلى التاج ده أنا كمان
دمت فى حفظ الله

فشكووول يقول...

ازيك يا همس الاحباب .. ما بعتش العيديه ليه ..انا اخر عيديه خدتها من والدى كانت شلن .. انا مش حاتنازل عن ربع جنيه .. هه .. كل سنه وانت طيب واعاد الله عليك العيد بالخير واليمن والبركات

م/ الحسيني لزومي يقول...

تقبل الله منا ومنكم
وكل عام وانتم بخير

ahmed_k يقول...

رفع الحجيج أكفهم
يرجون رحمة ربهم
ورفعت كفي أدعوه
يجعل ثوابك مثلهم
وكل عام وأنتم بخير

maha zein يقول...

كل سنة وانت طيب
عموما هي دي الدنيا
نسيت موها زين تهديلها التاج
يلا معلش
هسامحك المرادي اكيد تفكيرك في العديات شغل تفكيرك
كل سنة وانت طيب يا منطوح

KHALED يقول...

كل عام و انت و العائلة الكريمة بألف خير

تحياتى

مجداوية يقول...

السلام عليكم

كل عام وأنت وأسرتك الكريمة بألف خير وعيد سعيد ان شاء الله

kochia يقول...

كل سنة وانت طيب
وان شاء الله تسعد بالعيد زي ما كنت بتسعد بيه دائما

تحياتي

أمل حمدي يقول...

كل عام وانت بكل الخير يارب انت واهل بيتك واحبابك

*^*AL.7aAzZeEnN*^* يقول...

السلام عليكم

كل سنه و انت طيب

و يارب تكون ايام سعيده ان شاء الله

و اتمني لك المزيد من التقدم و السعاده

و اتمني زيارتك الي مدونتي المتواضعه

هى فوضى يقول...

ماااااااااااااء مااااااااااااااء
مااااااااااااء مااااااااااااااااااااااء ماااااااااااااااااااااااااء


عيد سعيد
وكل عيد اضحى وانت بخير
وان شاء الله العام القادم على عرفات متجمعين

عاشقة القمر يقول...

كل عام انت بخير شكرا علي هدية تاج العيد

عاشقة القمر يقول...

ليه بس التدبيس ده
انا مش صدقت خلصت من التاج قديم
تجاي انت تقول التاج العيد هههههههههههههههه

جنّي يقول...

السلام عليكم

والله شربته قبل منك بس جاوبت في التعليقات عندها ..

اجابات رائعة ..

عيد عليكم سعيد وعلى امتنا نصر وتمكين ..

تحيتي

شفـقــة و إحســــان يقول...

كل سنة وانت منطوح
هههههههههههههههههههههههههه
اقصد وانت طيب بس تعرف يا خالد اظاهر ان كان فيك بينك وبين الخروف ده تار
او كان بينكم خناقة على خروفة
ههههههههه
كل سنة وانت والاسرة الكريمة بخير وياريت سلامى يوصل للمدام ها المدام
ومتشكرين انك نسيتنا فى التاج
احنا مش ناقصين تدبيس ولا تسريب للمعلومات
شفقة

nigro يقول...

خالد باشا
أبو همس الغالي
كل سنة و انت طيب يا ريس
و الأسرة الكريمة بخير و هنا
كل لحمة على أد ما تقدر يا خالود
الأيام دي مابتتعوضش يا ريس



يلا سلام

Unknown يقول...

عيد سعيد
وكل عيد اضحى وانت بخير
وان شاء الله العام القادم على عرفات متجمعين

قوس قزح يقول...

كل سنة وانت طيب يا ابو همس
و شكرا على التدبيس

اما عن الخروف الى كان عايز يضحى بك بدل منه .. فاعتقد انه هيستناك فوق و يكون هو سبب نطحك للدخول باب الجنة ان شاء الله
تعيش و تاخد غيرها ههههههه

و بلاش تاكل لحمة كتير و كفاية انك بتاكل اكل همس و مامتها :)



عيد سعيد عليكم يا رب

Unknown يقول...

عيد سعيد
وكل عيد اضحى وانت بخير
وان شاء الله العام القادم على عرفات متجمعين
كدة يابو همس تدبسنى

حنين القلب يقول...

يا ربنا
دنا جايه متاخرة اوى
منه لله بتاع النت

كل سنه وانت طيب يا خالد
ويا رب دايما بخير
وعيد سعيد عليك دايما

حنين القلب يقول...

خاااااااااااااااالد
عايزة منابى فى اللحمه
وعايزة 12 ك فشه
و6 ممنبار
و15 كرشه
و2 راس جاموسه
وبلاش لحمه ضانى مش بحبها

اقولك هات جاموسه وانا افرقها براحتى

حنين القلب يقول...

ايه التاج التدبيسه ده

طيب انا مش هاجوبه بالعند فيك

وفرحان اوى وهدبس حنين القلب

ماااااااااااشى
ربنا يسامحك

حنين القلب يقول...

تصدق الخروف ده بيفهم وربنا
ليه حق ينطحك
منتا تستاهل
روح ربنا يوعدك 100 خروف يجروا وراك ويفضلوا ينطحوا فيك

هههههههههههههههههههههه

son's egypt يقول...

السلام عليكم
كل سنه وانت طيب
وتقبل الله منا ومنك

كيكى عوووووو يقول...

(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)
عوووووووووووووووووووو

tarek alghnam يقول...

وامرت بذبحك يا ولدى فانظر فى الامر وعقباه ؟؟؟

ويجيب العبد بلا فزع افعل ما تؤمر ابتاه من يعصى لله امرا من يعصى يوما مولاه

واستن الوالد سكين واستسلم ابنا لقضاه

وتهز الكون ضراعات ودعاء يقبله الله تتوسل للملأ الاعلى ارض وسماء ومياه

ويقول الحق ورحمته سبقت فى خير عطاياه صدقت الرؤيا لاتحزن يا ابراهيم يا ابرهيم فديناه .....كل ثانيه كل دقيقه كل ساعه كل يوم كل اسبوع كل شهر كل سنه وانتم طيبين وعيد سعيد
كل سنه وانت رائع استاذ خالد

دعاء مواجهات يقول...

كل عام اونت بخير وصحة وسلام

وبوسة كبيييرة

لهمووسة ف العييد

اقصوصه يقول...

عيدكم مبارك

وكل عام وانتم بخير:)

زهرة الجنة يقول...

كل سنة وانت طيب يا خالد
ربنا يعدها عليك بالخيرأنت وهمس ووالدة همس
عيدكم سعيد دايما


استودعك الله
واتمني لكم كل الخير

صبرني يارب يقول...

كل سنه وانت طيب يا ابو همس

كنت جايه اهديلك التاج على فكره

لقيتك هاديهوله تاج مقبوووول يا استاذنا والف شكر لك

موناليزا يقول...

كل عام والامة الاسلامية جميعا بخير