29 نوفمبر 2008

بؤجة الخير ..كلاكيت تانى مرة


ما نقص مال عبد من صدقة
امبارح كان ميعادنا مع  اليوم الثانى لبؤجة الخير وكان بجمعية صحبة خير بمسجد زهراء مصر القديمة اليوم كان جميل ورائع والاقبال مشرف بجد انا مش اتكلم عن تفاصيل اليوم لانكم ممكن تلاقوها فى مدونات اخرى باسلوب وطريقة فى الصياغة والسرد  افضل منى بكثير.
انا كتبت عن الموضوع ده لعدة اسباب 
اولا: علشان اشكر كل من ساهم او حضر اللقاء واللى شرفت بمقابلتهم جميعا وخصوصا اصحاب المشاركة الاولى معنا  وخاصة من تكبدوا عناء السفر وحضروا من محافظات اخرى مثل بور سعيد والسويس وكفر الشيخ والغردق والقليوبية  للمشاركة فى اللقاء 
وليس بغريب علينا شهامة الانسان المصرى واحساسه العالى عندما يحس بنبل الهدف ونقاء السريرة فتحية حب وتقدير لكل من تكبد عناء السفر لكى يساهم ويخفف عن اسرة فقيرة او طفل يتيم  وجزاءه عند خالقه هو اكرم واعلى شانا 
ثانيا : المساهمة فى بؤجة الخير او اى لقاء للخير لا يقتصر على اشخاص بعينهم او يرتبط بميعاد او زمان او مكان ما  اى انسان  يمتلك القدرة على التبرع يتبرع فى اى مكان وفى اى زمان المحتاجين متواجدين فى كل مكان  وزمان من حولنا
ثالثا : اللقاءات التى تمت لها جوانب متعددة منها الخيرى وده اساس اللقاء ولهاجوانب اجتماعية وترفيهية للمدونين
رابعا : اختلاف الاهداف والمبادىء شىء وارد وطبيعى ولكن تقريب الوجهات شىء مستحب
خامسا : عالم التدوين صورة مصغرة من الحياة العامة للبشر لاننا اناس طبيعيين بيننا من يحمل الخيروالعكس وطبيعى جدا ان يحدث سوء فهم فيما بيننا فنحن بشر لا ملائكة
سادسا: اللقاء كان مناسب جميلة جدا للتعرف على شخصيات جديدة جديرة بكل احترام وشخصيات قديمة تثبت انها جديرة بكل تقدير وانها تسعى لهدف واحد هو الخير والتقارب الانسانى بدون مصلحة فقط
سابعا : الهدف الاساسى من البوست هو التواصل مع  اعمال الخير بغض النظر عن اللقاءات المحددة بمكان وزمان   
رقم الحساب البنكى للجمعية
129/1/66371
بنك مصر
فرع المنيل
 مقر الجمعية  :  جمعية صحبة خير - مسجد زهراء مصر القديمة 
وده رقمالاستاذة صبرية جمعية صحبة خير 0124433543


وياريت كل اللى يقدريساهم باى شىء يساهم وخصوصا لحوم الاضاحى نظرالقرب عيد الاضحى المبارك
شكر خاص لاصحاب الدعوة ولكل من ساهم بكلمة فى نشر الفكرة
وجزاءكم الله خيرا
  
كل عام وانتم جميعا بخيروسعادة  
  

هناك 56 تعليقًا:

حنين القلب يقول...

اول تعليق طبعا
عندك مانع يا خالود
اروح اقرى وارجع تانى

حنين القلب يقول...

اللهم تقبل منكم وجعل اليوم ده فى ميزان حسناتكم كلكم
بجد كان نفسى اوى اكون معاكم
بس انت مش شايف ان البوست ده مختلف شويه عن بوستات التجمع
يعنى ولا قولت مين راح ولا رحتوا فين
المهم
ان ربنا قدركم على فعل خير ويتقبله منكم
ويا رب المرة الجايه اكون معاكم

قوس قزح يقول...

جزاك الله خير يا خالد
و الله انا مش عارفة اقولك ايه
بس الكل عارف ازاى انت مش بتتاخر على اى خدمة تتطلب منك ولا بتتاخر عن اى مشاركة من اى نوع

اعمل حسابك ان شاء الله ان فى يوم من ايام الخير انك هتكون انت المسئول عنها تماما
خالى دايرة الخير توسع و يكون كل واحد فينا قادر يعمل يوم جميل زى ده فى مكان يكون شايفه محتاج مساعدة

شكرا لك

عاشقة القمر يقول...

بجد انا مبوسطه منكم جدااااااااااااااااااااااااااااااااا
كنت اتمني انو اكون معاكم
والله يوم امس يجد قالت ياريت لوكنت في مصر
ربنا يجعل في ميزان حسناتكم

Empress appy يقول...

سباق بالخير يا ابو همس بجد ربنا يجزيك خي رعنه ويجعله فى ميزان حسناتك يا رب وتفرح ببنوتك دايما

زهرة الجنة يقول...

ازيك ابو همس
الحمدلله اليوم امبارح مر بخير
ودايما يارب سباق في الخير
ودايما متجمعين علي عمل الخير
كل سنة وانت طيب

شفـقــة و إحســــان يقول...

ايه يا عم الكلام الجامد ده....اليوم كان جميل بوجودكم يا خالد
بس ياريت المرة اللى جاية تجيب المدام معاك وانا بقول اهو
المدام مش كل مرة لوحدك
ولا انت مابتصدق تخرج من البيت
شكلك كده هتعلم الرجالة الزوغان
وكيفية التخلص من زوجاتهم فى اللقاءات التدوينية
شفقة

Ahmed Kamal يقول...

جزاك الله خيرا يا خالد ، و نفع بك دائما ، حقيقي نورت البؤجة كعادتك دائما :)

أمل حمدي يقول...

ابني الغالي خالد

ربنا يبارك فيك وفي كل من شارك في هذا اليوم الجميل

انا سعيدة اني عرفت ناس بجد ناس من دهب

ربنا يبارك فيكم اللهم امين

صبرني يارب يقول...

ما شاء الله ربنا يكرمكم ودايما بالخير سبقاين وغيرانه منكم اوي

mohamed ghalia يقول...

ربنا يجعله فى ميزان حسناتكم حبيب قلبى
ديما وصفك بيحسس الواحد بالتقصير
تحياتى
دمت فى سعادة

همس يقول...

انا جيت اكمل فرسه هنا

هههههههههههههههه

والله ان يوم لذيذ اوى فعلا


نشوف على خير ديما

ويارب ما اكون تقلت ههههههه


سلام

فاتيما يقول...

ربنا ما يحرمنا منك أبداً يا خالود
و ملحقتش أشكرك لأنك شلت حاجات كدا
و نسيت خالص أقولك ألف شكر
لأ منسيتش
أنا إتلهيت
عارف العيل الصغير اللى فرحان قوى يوم عيد و مش لاحق يرتب أفكاره ؟!!
انا دايما وسطكم بحس بكدا
تحياتى يا أخى الغالى

رندا يقول...

جزاك الله خيراً ياخالد والكل بجد جميل اوى انا لما بقرء عندكم بحس انى كنت معاكم بقلبى يارتنى كنت اقدر بجد اجى بس معلش الظروف
وبتكسف منى اوى :(
كفايا الناس الجمال الى بتعمل كل الخير وقلبهم مليان بالخير

بجد حاجة تفرح القلب والله

دمت بالخير والقلب الجميل

حاجات جوايا يقول...

ما شاء الله
ربنا يجمعكم دايما فى الخير

كل سنة وانت طيب يا ابو همس

همس الاحباب يقول...

حنين القلب
منورة يا ستى اول تعليق دايما
لا ما عنديش مانع طبعا
بس ما تاخديش على كده
ههههههههه

همس الاحباب يقول...

حنين القلب
اللهم امين
ربنا يتقبل منا ومنكم اجمعين
لا مش مختلف ولا حاجة بس انا كتبت تنويه عن اليوم
اما التفاصيل اتلاقيهاعند المدونين اللى هيتكلموا عن اليوم
تحياتى وتقديرى

همس الاحباب يقول...

قوس قزح
ربنا يكرمك
ويجعله فى ميزان حسناتك
ويجازيكى خيرا على مجهودك
وربنا يقدرنا دايما على فعل الخير والسعى اليه
اااااااه ربنا يسهل وانتى رحتى فين
انسى يا عمرو
ههههه
تحياتى وتقديرى

همس الاحباب يقول...

عاشقة القمر
ربنا يكرمك
وان شاء الله المرات الجاية تنورينا
وكفاية انك كنتى معانا بروحك
وبتشجعيك وبكلماتك الطيبة
جزاءكى الله خيرا
تحياتى

همس الاحباب يقول...

ابى هانم
ويجزيكى خير اختى العزيزة
ويبارك فى حضرتك
وكفاية المجهود المبذول منك ومن بطوط بصراحة
تحياتى

همس الاحباب يقول...

زهرة الجنة
اهلاوسهلا
منورة يا زهرة
وربنا يبارك فى حضرتك
ويجعل اليوم فى ميزان حسناتك
ويقدرك على فعل الخير
بس بلاش تجيبى همس معاكى
ههههههه
تحياتى وتقديرى

حنين القلب يقول...

اولا انا اخد على كده براحتى خالص

ثانيا انا ايه اللى يخلينى ادور فى المدونات انت غاوى وجع قلب ما كنت حكيت وخلاص
ايه الرخامه دى

ربنا يصبرنى عليك
لحسن العيد قرب
وانا بفكر اضحى بيك
ههههههههههههههههههههههههههههه

همس الاحباب يقول...

شفقة هانم واحسان بك
ههههه
ههههههه
ما تخافيش يا ستى احسان بك عاقل وهيسمع الكلام والمرة الجااااااية ايجى لوحده
احنا لازمن نرفع شعار المساواة فى الزوغان
قريبا
ربنا يكرمكم ويجعل اليوم فى ميزان حسناتكم وبجد شرفت بكم جدا
ودايما مشرفينا فى اعمال الخير
تحياتى وتقديرى

همس الاحباب يقول...

احمد كمال
بارك الله فيك اخى العزيز
وشاكرين لحضرتك مجهودك الجبار
ودايما منورنا يا باشا

همس الاحباب يقول...

ماما امولة
بجد والله انا سعيد جدا بمقابلة حضرتك
وسعدت جدا جدا بوجودك وسطنا
بصراحة انتى وبابا ابو خالد بحس بوجودكم بمشاعر حلوة بجد
وبحس اننا اولادكم وبتدفعونا للامام وبكل ثقة
بارك الله فيكم جميعا
وجمعنا على خير دائما
تحياتى وتقديرى

Gannah يقول...

أبو همس
جزاك الله خيرا
وعجبتنى القواعد اللى كتبتها اللى هتخلى الأمور واضحة امام الجميع
عقبال كل مرة
وربنا يجعله فى ميزان حسناتكم
ربنا يتقبل و يقدركم دايما وأنا موافقة على كلام داليا
انت طبعا تقدر تنظم يوم ومتأكده انه هيكون يوم خير جدااااا
تحياتى لك ولكل من شارك

همس الاحباب يقول...

صبرنى يا رب
وانا كمان غيران منهم
ربنا يبارك فى حضرتك
وتكونى معانا فى المرات القادمة باذن الله
تحياتى

همس الاحباب يقول...

اخى العزيز محمد غاليه
جزاك الله خيرا
وربنا يكرمك فى دراساتك
والجايات كتير يا باشا
ورينا يكرمك وتشارك دايما فى الخير
دمت بكل خير وسعادة

همس الاحباب يقول...

همس
هههههههه
ههههههه
لسه فيه فرسة تانى
يا بنتى انتى تفرسى بلد
ههههههه
بس بصراحة اليوم كان جميل جدا
ونورتينا يا ستى
وسعداء جدا بوجودك
ودايما منورانا كده
بس من غير فرسة
تحياتى وتقديرى اختى العزيزة

همس الاحباب يقول...

فاتيما
ام يوسف الغالية
ما فيش شكر بين الاخوات يا ستى
وربنا يقدرك دايما على فعل الخير
بجد وجودك بينا بيسعدنا جدا
ربنا يكرمك ويسعدك دنيا واخرة
ويجعل مشاركتك فى ميزان حسناتك
تحياتى

همس الاحباب يقول...

رندا
ربنا يكرمك
ويجازيكى خيرا على نيتك ودعائك بظهر الغيب
ربنا يسعدك ويفرحك باولادك
تحياتى

همس الاحباب يقول...

حاجات جوايا
ربنا يكرمك اختى العزيزة
ويبارك فى حضرتك
وكل سنة وانتى بصحة وسعادة

KHALED يقول...

الأخ الكريم خالد

سعدت بلقائك يوم بؤجة الخير والتعرف عليك

خالص مودتى

ahmed_k يقول...

خالد بيه
حقيقي لا أستطيع وصف مدى سعادتي
وفرحتي بلقياكم والتعرف إليك
عن قرب,
جزاك الله خير على كل جهودك وتعبك في
يوم البؤجه ,
وأدعو الله أن يجمعنا دوما على خير

وتقبل يا صديقي أسمى تحياتي

فشكووول يقول...

السلام عليكم همس .. كل عام وانت بخير .. عيد الاضحى المبارك اعاده الله عليكم باليمن والبركات .. ربنا يديم الخير ويكتر من امثالك .. انا برضه مشترك فى حاجه زى دى عندنا وبنلم لحمه وجلود الاضاحى فى العيد ان شاء الله عشان نعمل بيهم الخير .. مره ثانيه كل عام وانتم بخير

Gannah يقول...

ابو همس
كل عام وانت بخير
عيد سعيد لك ولكل احبابك
تحياتى

رحــــيـل يقول...

جميل جدا بجد كل اللى بيحصل

كنت اتنمى اكون موجوده فعلا المره الجايه ان شاء الله
ثانيا انا متفقه معاك ان عامل المدونات مهو الا انعكاس للواقع بكل الخير والشر اللى فيه وطبيعى ان اى اختلاف وارد جدا المهم نتقبل ده ونعرف ازاى نختلف من غير منخسر بعض

ربنا يكرمكوا ويجزيكو حير

تحياتى وتقديرى

جنّي يقول...

السلام عليكم ورحمة الله وبركاته

اولا جزاكم الله خيرا على الجهد الذي تبذلونه في عمل الخير ..

ثانيا النبرة الهادئة والموضوعية في كتابة البوست فقد سمعت وقرأت عن هذا اليوم بطرق مختلفة .. افضلها ما كتبته انت مع احترامنا لآراء الآخرين ..
تقبل الله منكم ووفقكم ..

وكل عام وانتم بخير بحلول عيد الأضحى المبارك

كل عام وانتم على صعيد عرفات
كل عام وانتم من الحجيج
كل عام وانتم من الملبين
كل عام وانتم من المكبرين
كل عام وانتم من المهللين
كل عام وانتم مغفور لكم
كل عام وأنتي حرة يا أمتي

أخوكم سعيد

فشكووول يقول...

بجد يا همس .. هى المغاره دى فين .. تعرف انا سألت عليها قالوا الواد وابوه هما اللى قاعدين عندها وما بيدخلوش غير اللى هما عايزينه حتى لو يعرف كلمة السر .. شوف صرتين من الدنانير من بتوع بس خلاص وسمكه واحده ويتبقى لى صره واحده كفايه لو دخلتنى المغاره .. مش تعرفنى طريقها .. تدخلنى المغاره تاخد صرتين مش صره.. تحياتى وكل عام وانت بخير

رندا يقول...

أسعد الله أوقاتكـ اينما كنتــ
إنه العيد الذي يملأ الأيام والليالي بأقدس اللحظات
والقلوبـ بالبركة والصفاء والإيمان
الله يديم الاعياد، والافراح
وكل عام وانتم بخير

عيد سعيد عليكـ وعلى اسرتك الكريمة

دمتى بود

ميرا ( وومن ) يقول...

خالد

كل سنه وانت طيب وان شاء الله السنه الجاية علي عرفات

اليوم كان شكلة حلو وربنا مقسمش اني اجي بس الحمد لله انه كان علي اكمل وجه


شكل فاتني حاجات كتير
عااااااااااااااا

همس الاحباب يقول...

حنين القلب
هههه
طب ما تلفى فى المونات وانتى شغلتك
ايه مش كعب داير برده
والعيد قرب
كل سنة وانتى طيبة
كل سنة وانتى خروف العيد

همس الاحباب يقول...

جنة
ربنا يكرمك اختى العزيزة
وما يحرمناش من كلماتك الطيبة وتشجيعك الدائم لنا
وربنا يقدرنا جميعا على عمل الخير
المشكلة مش انى اقدر ولاما اقدرش
المهم اننا نكون فريق واحد بنخاف على بعض ويبقى هدفنا واحد فعل الخير فقط
ومش مهم مين بينظم اليوم لاننا كلنا واحد
تحياتى

همس الاحباب يقول...

البحث عن شىء جنونى
اهلا وسهلا بحضرتك
وشكرا على الزيارة

همس الاحباب يقول...

خالد
اخى العزيز
انا من شرفت بلقائك
وكم انا محرج من حضرتك لانى لم اقم معك بالواجب وكم كنت اتمنى ان تكمل اليو م معنا
جزيت خيرا وبارك الله للك وجعل تعبك وسفرك
فى ميزان حسناتك والى لقاء قريب باذن الله

همس الاحباب يقول...

احمد k
اخى العزيز بارك الله فيك
وجزاك خير الجزاء
وجعل اليوم فى ميزان حسناتك
وانا اللى سعيد بمقابلة حضرتك
وكان لى الشرف بصحبتك
تحياتى وتقديرى

همس الاحباب يقول...

فشكول
كل سنة وحضرتك بخير
وربنا يبارك فى حضرتك
وربنا يجعله عيد سعيد عليك
ويقدرك على فعل الخير

همس الاحباب يقول...

د/ جنة
كل سنة وحضرتك طيبة
وعيد سعيد عليكى وعلى اسرتك
وعلى المسلمين جميعا
تحياتى

همس الاحباب يقول...

رحيل
اهلا وسهلا باهل المنصورة
منورة يا ستى
وربنا يكرمك ويجزيكى خيرا
وربنا يجمعنا دائما على خير
تحياتى

همس الاحباب يقول...

جنى
اهلا وسهلا اخى العزيز
وشكرا على كلماتك الطيبة
وربنا يتقبل منا جميعا
ونجتمع دائما على خير
كل سنة وانت بخير
وعيد سعيد عليك وعلينا

همس الاحباب يقول...

فشكول
هههه
لا شكرا خلى الصرة معاك
ما انت جبت من الاخر الواد وابوه
ونسيت الاربعين حرامى ولا ايه
لا يا عم انا مش لاعب اللعبة دى
كل سنة وحضرتك طيب
وعيد سعيد عليك وعلى اسرتك

همس الاحباب يقول...

رندا
العزيزة الغالية ام خالد
ربنا يبارك فى حضرتك
وعيد سعيد عليكى وعلى كل اسرتك
وكل سنة وانتى بصحة وسعادة

همس الاحباب يقول...

وومن
ازيك يا ميرا
ايه الاخبار
ربنا يطمنا عليكى
وكل سنة وانتى طيبة وبصحة وسعادة
انا وانتى والمسلمين جميعا
اليوم كان جميل بجد
وكان ناقصك بصراحة
يلا ربنا يكرمك
والف مبروك يا ستى

رئـــــيسـة حزب الأحلام يقول...

كل سنه وحضرتك طيب
ويارب دايما فرح انشاء الله
تحياتى لحضرتك

WhItE HeArT يقول...

جزاككم الله كل خير

وكل سنة وحضرتك طيب وبخير

وعيد سعيد

تحياتي

بنت مصريه يقول...

جزاك الله خيرا يا ااستاذ خالد والله كان نفسى اكون معاكوا بس ظروفى اليومين دول مكعبله شويه
جزاك الله الف خير وكل سنه وانت طيب

اتمنى تنورنى