15 سبتمبر، 2008

فخور بانى ..

لست فخورا بانى مدون فقط ....
ولكن فخور لاننى كنت وسط كوكبة من المدونين الذين تجمعوا على قلب رجل واحد لاداء عمل خيرى ابتغاء مرضاة الله عز وجل ليس لفرقعة اعلامية ولا لمصلحة شخصية ولا لهوى نفسى زائل.

لذلك فخور بكم اخوانى واخواتى المدونين وفخور جدا بانكم استطعتم فى فترة وجيزة جدا ان تصلوا لمكانة سوف يحسدكم عليها الكثير والكثير .

كان لقاء رائع جدا ويوم جميل بما يحمل من معانى الحب والاخاء كان تجمع المدونين لزيارة مستشفى ابو الريش الجامعى يوم السبت 13-9 2008 يوم من الايام الجميلة فى حياة الكثير ممن حضر اللقاء .

بدا اللقاء بتجمع للمدونين امام المستشفى بدعوة كريمة من الاخت العزيزة قوى قوى داليا قوس قزح والرائعة جدا ابى هانم واللى بصراحة بذلوا مجهود جبار ومش ينفع انى اشكرهم عليه لان جزاءه عند الله سبحانه وتعالى وهو اكرم واعظم شكر وجزاء ، طبعا انا جيت ودخلت المستشفى وفوجئت بعدد هائل بسم الله ماشاء الله من المدونين وغير المدونين عدد فاق كل التوقعات والمفاجاة السارة جدا كثرة الوجوه الجديدة والمشاركة لاول مرة فى تجمعات المدونين وده شىء اسعدنا كثيرا واثلج صدورنا ان تغطية اللقاءات السابقة واظهار ايجابياتها شجعت الكثير من المشاركة والتفاعل الايجابى من قبل المدونين الجدد .

ومما اسعدنا كثيرا حضور عدد كبير جدا من محافظات كفر الشيخ وطنطا والشرقية وبورسعيد

تم توزيعنا مجموعات لزيارة بعض الاقسام والحالات الحرجة وتقديم المساعدات للاطفال ورسم بسمة على شفاهم
نعم الحالات صعبة والمناظر تدمى القلوب قبل العيون ولكن مجرد ان تشارك وتشعر الطفل بانك معه بدون سابق معرفة فهذا فى حد ذاته شىء نبيل وربما تنزع من نفوسهم المرارة والام المرض بابتسامتك والاطمئنان على صحته .
اليوم كان رائع فى تنظيمه ورائع فى الاقبال لدرجة ابهر المسئولين عن المستشفى والمرضى انفسهم وبادرنى احد المرافقين لنا من الادارة انا نفسى هاخد ايميلاتكم كلكم واشكركم واتواصل معكم بس بسم الله ما شاء الله العدد كبير جدا .
فابتسمت واجبته لا ولسه فى ناس جاية كتير شد حيلك انت بس .
الحمد لله الذى بنعمته تتم الصالحات انتهى التجمع داخل المستشفى وعادته دائما قام الصباغ باخد الصور التذكارية للمدونين والمدونات امام المستشفى .
وبعدها انتقلنا الى مكان الافطار الجماعى بوسط البلد عند حاتى ابو خالد .
وطبعا العدد كان غير متوقع على الاطلاق حيث فاق ال35 شخص وكان المكان رائع بصراحة والجو العام بين المدونين جميل جدا وبعدها انتقلنا الى كوفى فى وسط البلد صحيح احنا مشينا كتير وهضمنا الاكل بسرعة بس كانت تمشية جميلة فى شوارع المحروسة وكان لقاء اكثر من رائع مع كوكبة جميلة جدا جدا من المدونين واللى اذكر جانب من الحضور لو اسعفتنى الذاكرة ولو نسيت احد فله منى الاعتذار والحب والتقدير .
نبدا بام العروسة وخالتها داليا قوس قزح وابى هانم بجد فخور بكم
- مجموعة بور سعيد الرائعة والتى الفناها دائما فى كل لقاء للخير
بابا ابو خالد - ايناس نهر الحب واختها نسمه - دكتورة جنة ربنا يطمن عليكى وتروحى وترجعى بالسلامة .
وجوه الفت لقائها دائما : احمد الصباغ - احمد سوووو - احمد سكر - محمد مدحت - عسقول - احمد الباحث عن الحقيقة - رودى بنوته مصرية - ميرا امراة بعقل رجل - محمد فاروق قلب مصرى - احمد كمال رحايا العمر - دعاء مواجهات - مفقوعة مرراتها سوسو واخواتها سلوى وسالى وسماح - سومه مجنونه فى بلد عاقل - سارة وبلاعة الحكومة - محمد حسام - عبدالرحمن فارس - محمد الشاعر -محمد محمود يوسف -الاستاذ شريف - الرقيقة شيماء سمير - ايما ام البنين
وجوه جديدة سعدت بمعرفتها وبمقابلتها جدا :
محمد وقلب ابيض اللى سعدت بمقابلته جدا وشكرا على التوصيلة يا باشا .
نونا ومدونة المهاجر سعيد جدا بمعرفة حضرتك بجد نورتينا واسعدنا تواجدك معنا
همس : مصرية متغاظة اند مفروسة مش عارف متغاظة من ايه ومفروسة من ايه مع انك تفرسى بلد بس بجد نورتى القاهرة وكفر الشيخ برجوعك .
عبدالرحمن مواطن صيدلى مطحون اللى جه من الشرقية مخصوص ربنا يكرمه
صباح الصباح لسه فيه تعارف
احمد شاهين احنا اتصورنا مع بعض
طارق كوارث : ربنا يستر من كوارثه بس شخصية جميلة قوى
طبعا فيه ناس كتير مش ذكرتها لانه لم يسعدنى الحظ بالتعرف عليهم والزهايمر اشتغل وتاثير الصيام طبعا بس برده لسه الفرصة قائمة للتعارف .
الغائب الحاضر فى قلوبنا دائما فاتيما روح قلب ماما بقولها على لسان بعض المدونين احنا بنفرح لفرحك ونزعل لزعلك وانا اضيف كمان بصراحة بوجودك بتدى طعم ولون لينا وبتملى الجو بهجة وحنان ربنا يطمنا عليكى ويقرب البعيد .
حنين القلب اللى كانت معانا بقلبها وبصوتها عبر الاثير قصدى عبر التليفون .
بت خيخة كنا مفتقدينك بصراحة .
كل سنة وانتم طيبين
وفى الخير مجتمعين
تغطيات اخرى للقاء :
زرنا المستشفى لاحمد الصباغ
واجب شكر ابى هانم
حزب بلامقر ايناس نهر الحب

هناك 30 تعليقًا:

(احمد سكر ) يقول...

برافو عليك والله ياخالد

انك تذكرت كل الناس الجميله دى

انا كتبت الناس بتوع المحافظات

اما الناس اللى هنا

صراحه من كثرتهم خفت لأنسى حد

بجد انا لدلوقتى عايش نشوه غريبه

ياريتها تدوم يارب

لغاية ااقرب تجمع تانى

ثانكيو خالودا ع اليوم الجميل

دمت بكل الود

احمد

حنين القلب يقول...

هييييييييييييييييييييييييه
اول تعليق طبعا ما سكر مش يتحسب علشان كده كده هو كان هناك انما انا مش روحت يبقى انا اولى بالاول ولا ايه؟

تسلم ايدك يا خالود
والله كان نفسى اوى اكون معاكم ربنا يجعل اليوم ده فى ميزان حسناتك ويتقبله منك تقبل حسن
سلام يا ابو همس

حنين القلب يقول...

يا سلالالالالالالالالالالالالالام يا جدعان
ايه الهنا ده
انا اهه
ربنا يخليك يا ابو همس
وتفتكرنا دايما
وتعمل يوم زى ده فى اسكندريه عندنا مستشفيات برضه
ولا احنا بنتعالج عند حلاق الصحه

فاتيما يقول...

خالد يا غالى
أزيك و إزاى همس الجميلة
وحشتونى بجد و كان نفسى اكون معاكم
مش عارفة أشكرك إزاى لأنك إفتكرتنى
أنا كمان معاكم بقلبى و عقلى
ربنا يستجيب لدعوتك و يقرب كل بعيد
ربنا يقدركم دايما على الخير
و إحنا كمان كلنا فخورين بأنك مننا
و من هذا العالم الجميل ...
تحياتى يا خالود
من قلب قلبى

فاتيما يقول...
أزال المؤلف هذا التعليق.
عايش ولكن يقول...

لك الحق ان تكون فخورا
ربنا يجعله فى ميزان حسناتكوا
دمت موفق
علاء

MaGn0liA... يقول...

الله

يا ريتنى كنت معاكم

ما شاء الله

ربنا يكرمك

عاشقة القمر يقول...

ازيك ربنا يجعل في ميزان حسانتكم

عاشقة القمر يقول...

ازيك ربنا يجعل في ميزان حسانتكم

appy يقول...

ربنا يخليك يا خالد النبى انت ليك الجنه بسببى بكل كل اللى بعمله فيه وبتشكرنى بس اوعي هديتك موجوده طقم دكتور قد الدنيا بلاستيك وارد الموسكي ايه مقولش لك علشان تنافس الدكاتره هههههههههههه
ربنا يكرمك يا رب ويكتبه فى حسناتك يا رب

انى احبكم فى الله يقول...

المدونه بجد جميله اشكرك عليها واشكرك على المواضيع اللى انت دايما بتقدمهانا والى الامام دوما ورمضان كريم وتحيات ليك وتقبل مرورى

اسكندراني اوي يقول...

لك الحق ان تفخر بانك تحمل ذلك القلب الكبير
ولكم جميعا تشعرو بالفخر فما فعلتموه يدل على ان الانسان اللي داخل كل واحد فيكم لسه موجود وصاحي وبيتفاعل مع الواقع

احييك وجميع من شارك

افهم من كده ان الاكل كان حلو يعني
طب مشكنت صورتلنا السفره يا ابو همس

تحياتي

زُمُرده يقول...

ااااااااه ليك الحق كله
افخر ووافتخر بيهم
وانا ادعي ربنا يجمعكوا في الجنه
بس افتكروني وقتها

جميل ان الموضوع اتنظم صح وناس كتيييييييير جت من كل مكان

ربنا يجعله في ميزان حسناتكم

ويجعل في فرصه تانيه لكل اللي مقدرش يجي
ياااااااااارب

أحمد كمال يقول...

أظن كلنا بنشاركك شعورك ده يا خالد ، و ربنا يجمعنا دايما على الخير ، و يتقبل من الجميع .

تحياتي لك يا أخي الحبيب

maha zein يقول...

ما شاء الله
يا بختكم
اعذروني بقه لاني مكنتش اقدر اجي
بس الجيات اكتر
وانا نوية ارشق علطول
تحياتي ليك يا ابو همس
يلي مينفعش اتخيل اي حركة جدعنه بدونك ابدا

عاشــــــ النقاب ـقــــة"نونو" يقول...

السلام عليكم
ربنا يجعله في ميزان حسناتكم جميعا يارب
للاسف حظي وحش حتى التليفون اللي عملته لنهر الحب ما سمعتهوش علشان ترد علي واكلمكم كلكم
قدر الله وما شاء فعل
بس بقلبي ودعواتي باعتبر نفسي كنت معاكم
ربنا يجعله في ميزانكم يارب وفي الخير متجمعين
ورمضان كريم

قوس قزح يقول...

انا كمان فخورة بك يا خالد و بكل الناس
و كل مرة رد فعلكم بيفوق كل توقعاتى

كان فعلا يوم من احلى ايام العمر اللى الواحد يفتخر بها و يحكى عنها لاولاده

جزاك الله خير

قلب مصرى يقول...

بسم الله ما شاء الله
كان تجمع هايل جداً يا خالد وإن شاء الله كل مرة عددنا يزيد أكتر وأكتر

أحسن تـستاهـل يقول...

وحشتوني بجد

نلتقي بعد رمضان

لو في العمر بقية

كل سنة وانتو طيبين

مها ميهوووو

WhItE HeArT يقول...

بجد حضرتك انسان محترم فوق الوصف بصراحه وسعدت جدا اني اتعرفت على حضرتك


تحياتي

nona يقول...

بامانة ابو همس كان دليل اى حد تاية يتصل بية و هو يروح يجيبة و انا طبعا كنت اول الناس التايهين
اليوم كان جميل و الاجمل ان كل الناس الحلوة اتجمعت فى فعل الخير
يا رب ديما متجمعين فى الخير
سعدت انى اتعرفت عليك يا ابو همس
سلامى لهمس و مامت همس

Abo 7anf يقول...

السلام عليكم
ازيك يخالد باشا
كل سنه وانت طيب
ربنا يجعل الاعمال زى من حسناتك
معلش بقى على غيابى كانت امتحانات

تلميحاتى - يوسف الشافعى يقول...

السلام عليكم ورحمة الله وبركاته
اولا شكرا لمرورك
ثانيا كنت اتمنى ان اكون معكم لرسم ابتسامه فى عيون طفل مريض
ثالثا انا هاسيب الاميل بتاعى عشان لو حد من الاخوه الاحباب المدونين عنده نشاط جميل زى ده يراسلنى وانا مش هتأخر ابدا
talmehaty@yahoo.com

تلميحاتى - يوسف الشافعى يقول...

اسمحى لى بأن اضع رابط مونتك لدى

نهر الحب يقول...

يارب متجمعين على طول فى الخير وللخير
بجد جزاك الله خيرا
ياخالد رغم انك كنت مسافر لكن اصرارك على الحضور شئ جميل
بارك الله فيك
وربنا يقدرنا دايما على فعل الخير لاهلنا

رمضان كريم واوعى تنسى 000

دعاء مواجهات يقول...

فعلا كان يوم اكتر من رائع

اتمنى يتكرر

تحياتى

همس يقول...

ازيك يا ابو همس


لا ما تقلقش انا صحيت من النوم يوم لقتنى كدا مفروسة ومتغاظة

هيكون ليه يعنى

ايه الاساله اللى تفرس دى؟؟؟؟

على العموم انا سعدت جدا بمعرفتك

ونتلاقى ان شاء الله على خير ديما

نهر الحب يقول...

مالك يابو همس
زعلان من همس لية ؟؟؟

بقى همس هانم اسم على غير مسمى؟؟
اللهى تعرف

ربنا يحفظها لك يارب العالمين

elsha3er يقول...

ربنا يكرمكم ويجعل دة فى ميزان حسناتكم

احمد الشاعر

وومن يقول...

خالد

بجد تغطية هايلة جدا جدا

وافكرك بقي بشوية ناس من اللي انت نسيتهم

وليد من العريش

الشاعر من المنصورة

وبجد كان يوم تحفة

عقبال كل تجماعتنا يارب