23 مايو 2008

يوم مشهود


نعم انه يوم مشهود فى حياتى الخاصة والعامة انه يوم توقيع العدد الاول من مدونات مصرية للجيب ( مشروع وطن ) يوم الخميس 22-5-2008 يوم سيظل محفور فى الذاكرة لما شهده من احداث ولقاءات .
مع انى عارف ومتاكد ان الكثير من اخوانى واخواتى المدونين سوف يتحدثون عن ذلك اليوم بتفاصيل واسلوب شيق واكثر سلاسة وتعبيرا منى عما حدث فى ذلك اليوم ولكن فرحتى وسعادتى بذلك اليوم اجبرونى على الكتابة والحديث كى يظل عالق بذهنى ومدونتى .

بادىء ذى بدء اتقدم بخالص التهانى القلبية لكل من شارك فى اظهار هذا الكتيب وخروجه من رحم التدوين الى عالم النوروالى اصحاب الفكرة الرائعة .
كما اتقدم بخالص التهانى لاخوتى واحبابى فى الله الذين تم اختيار اعمال لهم لتكون من ضمن الطبعة الاولى فى العدد الاول من هذا الكتاب ،وطبعا هم من خيار المدونين واعمالهم متميزة بلا اشك واخص بالتهنئة احبابى واصدقائى المقربين :
ابى هانم بتنجانى ( بنبونية المدونين )
بيت خيخة واى كلام ( ام شريف لغائب الحاضر واللى كنت متاكد انها اتقوم بدور ام العروسة )
خالو احمد الصباغ ( كبير العائلة التدوينية )
دكتورة لماضة ( اخر طعامة )
دكتور محمد دكتور حر
استاذى العزيز / احمد على صاحب يوميات عيل مصرى
دكتورة ياسمين ( دكتورة اجدع بنوته )
وكل من شارك فى هذا العمل الرائع بالجهد او العمل او مجرد الحضور .
نرجع تانى للبداية وخروجى من الشغل مبكرا على غير العادة وذهابى الى مكتبة عمر بوك ستور فى شارع طلعت حرب
والمكان بالنسبة لى مش بعيد ومش غريب عليه وصلت هناك حوالى الساعة 6.40 مساء طلعت السلم على المكتبة لقيت زحمة وكانه مولد سيدى العريان المهم دخلت المكتبة ومن حسن حظى اتكعبلت فى اختى الغالية اللى باعتبرها قمر التدوين بروحها وخفة دمها ابى هانم ومعاها القمر الجديد اسلام خطيبها اللى سلمت عليه طبعا وباركتله واللى عايز اقوله عرفت تختار يا اسلام بجد وعايزين نفرح بيكم قريب ان شاء الله .
واتعرفت على مين بقى وكنت مش مصدق نفسى وانا باسلم عليها روح قلب ماما ام يوسف الغالية اللى قلبت كل تخيلاتى عنها وطلعت بنوته صغيرة وزى القمر وانا اللى فاكر انى اشوف ماما فاطمة وطلعت اصغر من يوسف كمان يعنى ممكن تبقى اخته الصغيرة .

وبعدين تعرفت على اجمل بنوته مصرية رودى ومعاها القمر الصغير نور بنتها اللى باحس انها تؤام همس فى الشقاوة وخفة الدم ربنا يحرسها ليها وتفرح بيها يارب.
وبعدين قابلت صاحبى وروح قلبى الواد العجوز قوى المبدع والرائع دائما سوووو اللى عنده زهايمر على طول ههههه
اه مش ممكن مع انى ما عرفتوش فى الاول بس شكله بيوحى انه هو طبعا السكر احمد باشا سكر اللى تشرفت بمعرفته طبعا وكنت سعيد انى عرفته لوحدى وبعدين قابلت مين اه انا فعلا محظوظ انى قابلته خلال اسبوع مرتين وده من حسن حظى طبعا هو الاستاذ / احمد على صاحب يوميات عيل مصرى وده شخصية جذابة وليها كريزما غريبة بجد .
وطبعا يجى الدور على خالو احمد الصباغ اللى باحس انه كبير العيلة التدوينية وكان قايم بدور ام العروسة هههههه
وطبعا قابلت اخرالعنقود سكر معقود الرقيقة امانى ومعاها ابو مالك صاحب المضيفة اللى كنت سعيد بمقابلتهم .
طال انتظارى لرؤياك وانت من انت هى من علمتنى التدوين واقحمتنى اقحاما فى هذا العالم العجيب انها ست الضاكتورة لماضة هانم اللى كنت سعيد برؤيتها ومن جوايا كنت منتظر هذا اللقاء بتوجس وخيفة لما تتمتع به من خفة دم منقطعة النظير واللى احلم انى اشوف همس دكتورة لمضة زيها كده .
انتهى الحفل بمفاجاة غير متوقعة بالنسبة لى مفاجاة سارة جدا جدا من العيار الثقيل واللى عشانه كتبت البوست ده مخصوص واللى كنت محظوظ ان يكون لى شرف مقابلته انه الاب الرائع بكل ما تحمل الكلمة من معانى انه والدى العزيز والاب الحنون نجم عالم التدوين ابو خالد الذى اشفقت عليه من طول المشوار وتعب السفر .
واللى كان لى عظيم الشرف بمرافقته من مقر المكتبة الى مقهى البورصة ذهابا وايابا بمفردنا وده شرف عظيم لى افتخر به واتفشخرعليكم وعارف انكم اتحسدونى عليه وبصراحة من حقكم لانى فعلا قضيت بصحبته سويعات من ارق واجمل لحظات الحياة،وصلنا ومعى والدى العزيز ابو خالد الى مقر البورصة وتقابلنا مع ابى وسكر وسوووووو وفاتيما وبدا توافد باقى افراد العائلة التدوينية الى البورصة .
وكانت المفاجاة السارة لنا جميعا هى اللفتة النبيلة من المبدعة والمتالقة دائما ابى والرائع بحق سووووووو وهو الاحتفال بالعيد الماسى للغالية على قلوبنا ام يوسف ( حلوة الماسى مش كده ) وده اللى بيثبت اننا اسرة واحدة بنحس بالام وافراح باقى افراد العائلة التدوينية .
تيجى المفاجاة الغير متوقعة على الاطلاق انى اقابل شخصيات باحترمها جدا ولكن لم اتوقع انى اراها بهذه السرعة
المبدعة دائما واميرة الالوان فى عالم التدوين والمشهورة بمدونتها رينبو او قوس قزح ودى مفاجاة سارة لى بصراحة
المفاجاة اللى اكثر من رائعة ان يتواجد امامى على بعد خطوات حماة همس واللى كلنا بنعشق حكايتها مع حماتها سوسو هانم صاحبة مدونة مفقوعة مرارتها من حماتها او حماتى ملاك ومش باين عليها فقعت المرارة بصراحة وكانت بتضحك علينا وانا عارف انى فيفى اتحطها جوه عينيها لانها فعلا انسانة طيبة ورقيقة وتتميز بخفة الظل .
يا احلامك يا رئيسة حزب الاحلام فعلا اسم مدونتك بيدل على شخصيتك انسانة هادية وتحس انها بتحلم وهى صاحية كمان بس احلامها مشروعة وديمقراطية والمفاجاة انها اخت مفقوعة مرارتها تخيلوا دى .
واللى كانت منعزلة عننا شوية او مستغربة الموقف الرقيقة والطيبة كلاكيت تانى وتانى واللى متعرفناش عليها كويس .
طبعا فيه ناس كنت اعرفها من البورصة وناس اول مرة اشوفها وسعيد بمعرفتها طبعا وناس كتير شفتها وما اسعدنيش الحظ انى اتعرف بيها لهم منى الكل الحب والتقدير .
طبعا كان معانا بصوتهم وروحهم صديقى العزيز محمود رئيس جمهورية نفسى والغالية قوى واللى عايشة فى دور انها مخطوبة وعروسة بقى وزة وانين الحزن اللى بقولها ربنا يسعدك ويوفقك دائما .
طبعا كان نفسى يكون معانا قوى وكنت ابقى طاير من الفرح وممكن اضرب صواريخ واطير بالونات وابقى ارهابى وسط البلد توم وجيرى عالم التدوين حبايب قلبى فرنسا هانم ربنا يشفيها وعبده باشا الرايق .
وكنت اتمنى انى احظى بشرف مقابلتها والاستفادة من خبراتها اختى الكبيرة مجداوية والاخت العزيزة موناليزا واستاذى العزيز الربان ، وكل من زرته فى مدونته او شرفنى بالزيارة له منى كل تقدير واحترام .
نعم كان يوم مشهود وزاخر باجمل المشاعر الانسانية الشفافة والرقيقة وما زاد اليوم بهجة لنفسى هو صحبتى للاب الحنون ابو خالد الذى احسست انه يعشق كل صغير وكبير فى عالم التدوين من يعرفه ولا يعرفه حتى ظننت اننا اثناء سيرنا فى الشارع كاد ان يوقف المارة وعابرى السبيل ليسئلهم انتم مدونون لكى يصافحهم ويتعرف باسرته فى العائلة التدوينية ومن شدة سعادتى بوجوده معى تمنيت ان الوقت يتوقف سويعات وسويعات ورغم التزاماتى ورنين التليفون الذى جعلته صامتا لكى لا ارد على اى مكالمة تشغلنى ولو لحظات عن الاستفادة من حديثه وصحبته .
حقا انه يوم مشهود واتمنى من الله عز وجل ان يتكرر هذا اليوم كثيرا فى حياتى .
لكم منى كل حب واحترام وتقدير ..
اخوكم خالد

هناك 64 تعليقًا:

د/اجدع بنوته يقول...

انى احقد احقد احقد

بق بق بق بق بق بق

حسوا بمشاعرى ياناس .. راعونى

محدش يتكلم عن اليوم ده

هاجى افجركم واحد واحد

كنتو قاعدين بتتعرفوا وتنبسطوا

وانا قاعده بشر بيبسى

مسافره م الزقازيق للقاهره

علشان اشرب بيبسى

اااااااااااااااااااااه

لا بجد يابختكم ربنا وفقكم وكانت ظروفكم مناسبه

والحمدلله ملحوقه المره الجايه بأمر الله اكون معاكم

ان شاء الله ان شاء الله

وانا كمان هتجنن واشوف نزلى ايه ف الكتاب

وشكل الكتاب ايه

ممكن تصورلى الصحفتين اللى فيهم كلامى

وتبعتهملى بالبريد هههههههههههه

ربنا يوفقكم جميعا يارب ودايما متجمعين

ويارب تشوف همس .. دكتوره لمضه وجدعه

اتنين ف واحد .. بس مش اجدع منى طبعا

بوسلى همس كتييييييييييير

Unknown يقول...

الله يكرمك يا ابو همس
وانت بتدعي على همس ولا اييه
لما تدعيلها تبقى زيي يبقى بتدعي عليها حرام عليك
ربنا يخليهالك يارب ويباركلك فيها حقيقي كان نفسي اشوفها

Abo 7anf يقول...

السلام عليكم
شكله اكن يوم جميل قوى
ياريت الواحد كان موجود
بس الجامعه وظروفها
المهم الحمد لله على كل شئ

رئـــــيسـة حزب الأحلام يقول...

ههههههههههههههههههههه
اية الكلام الجميل دة حضرتك وصفت الاحتفال بطريقة جميلة اوى
ورايك فى جميل اوى اشكرك جدا علية
تحياتى لك

كاميليا بهاء الدين يقول...

خالد

صوت فرحتك وسعادتك بالتجمع الجميل ده

واصل لحد هنا

ربنا يسعدكم جميعا يارب

ويجمعكم دايما فى الخير

والمناسبات الجميلة

ودايما تحتفلوا ببعضكم البعض وبابداعاتكم يارب

دمت اخ عزيز للكل يارب

محمود الدوح يقول...

ابو همس

نسيت ان انا كنت موجود

بجد كان يوم جميل جدا جدا

واحــ الفكر و القلم ــة يقول...

ما شاء الله
ربنا يديم الفرح
ويجمعكوا دايما فى الخير

دمت بخير أخى
سالى

أبو خالد يقول...

أبنى الحبيب الغالى /خالد
كانت أجمل لحظات عمرى تلك التى قضيتها
معك و هذه العائلة الجميله
و شرف لى أن أكون معك فأنت إنسان أصيل رقيق الحاشية عشرى مؤدب و مش
قادر أوصفلك فرحى بك و بالناس الجميلة الذى جمعهم هذا اللقاء
دمت إنسان جميل

امل يقول...

السلام عليكم
شكله كان يوم جميل قوي ما شاء الله
كنت اتمنى اني اكون موجوده
بس مفيش نصيب
تحياتي لك

غير معرف يقول...

بجد اليوم ده كان حلو قويييييييييي
انا كنت موجوده من الساعه 6 واضطريت امشي الساعه 7 ونص عشان كان عندى حفله فى التاون هاوس
بس شفت مصر التدوينيه كلها هناك
اجمل مفى الموضوع انك تسلم على ناس ماتعرفكش وبمجرد ما تقول اسمك تلاقى نفسك بالأحضان يابلدنا يا حلوه
كنت هاروح البورصه امبارح بس كان معايا ناس تتوه بلد
اثرت السلامه واتكل على الله روحت بيتنا
خساره

hamssah يقول...

مش ممكن انا كنت زعلانه جدا جدا لاني مقدرتش اجي بس دلوقتي لا لاني حسيت من وصفك لكل الموجودين اني كنت معاكم فعلا
بجد ميرسي على عدسه الفنان اللي وصفت كل شيء بالتفصيل الغير ممل
همسه

فاتيما يقول...

بنوتة صغيرة و زى القمر !!!!
خالد
أنت آخر مرة كشفت نظر كان من اد إيه بالظبط ؟؟!!!
يا راجل حرام عليك
دنت مجامل قوى قوى ...
ربنا يخليك يا رب
بس أنا سعيدة إنى مطلعتش أقل من توقعاتكو ودا فى حد ذاته خير
و بعدين يا سيدى الشعور متبادل أنا كمان لما شوفتك كنت احسن من توقعاتى و عارف شكلك كدا لما هتكبر شوية
هتبقى عامل زى أبو خالد الراجل الطيب اللى يا بختك قعدت معاه فترة أطول مننا كلنا
ان شاء الله نتجمع تانى الجمع الحلو دا و تكون خيخة موجودة بقى عشان لما تشوفها موش هتقول كلام حلو عنها ...
لاااا
دنت هتقول شعر
و ربنا يخليك يا خالد يا أخى العزيز و أبو همس الجميلة

فاتيما يقول...

آه
نسيت كمان
إيه بقى حكاية العيد الماسى دى ؟؟؟
يعنى دخلت على ال75 و لا إيه ؟
أومال بس بنوتة ...
و أصغر من يوسف ...
و فى الآخر مطلعنى معاش من خمستاشر عام و يزيد ؟؟
ماااااشى يا خالود
مردودلك يا ابو همس فى عيد ميدانك
تحياتى يا أخى العزيز

المـــفـــــــقــــــــوعـــــة مــرارتـهــا يقول...

ربنا يسعد أيامك .. انا اللي سعيدة بمعرفتكم وكنت اتمني اعرف ناس تانية كتير اكتشفت من مدوناتهم انهم كانوا هناك ولم تتاح لنا الفرصة لملاقاتهم بفعل الزحام الشديد

رئيس جمهوريه نفسى يقول...

عاااااااااااااااااااااااااااااااااا
ووااااااااااااااااااااااااااااااااا
يا بختكطم يارب يتم عليكم جمعكم ولا يشتت شملكم وتتجمعوا على الخير دائما يارب

قوس قزح يقول...

عارف لما شوفتك حسيت انى اعرفك من قبل كده
و ضحكت اوى لما اتجننت من نور بنت رودى و من شقاوتها
و بحسدك على التمشية مع ابو خالد

بس انا بقى مسافرة بورسعيد و هبقى ازوره و اتمشى معه على المينا كمان ههههههههههههههه


سعيدة انى اتعرفت بك جدا مع ان الوقت كان قليل

Empress appy يقول...

خالود يا ابو احلى همس فعلا ده كان يوم المفاجاعات العالمى وبجد بقيت حسه انى قلبى هيقف من الفرحه مع انى مقدرتش اقعد مع الناس كلها
بس كنت مزاططه ومتازحه اخر حاجه ههههههههه
وبوجدكم والا بابا ابو خالد بجد حاجه تشرف قوى وجميل وكلهم كلهم يا خالد ما عاد الناس الوهشين هههههههههههههه
بس متستعبطش والمرة الجايه تجيب همس بقى

tamer.sala7 يقول...

يا ريتني كنت معاكم

والله كان نفسي اكون موجود بس للاسف كان عندي شغل في اسكندرية ومكنش فيه اي حد يمسك الشيفت مكاني

الف مبروك علي الكتاب ومعاكم في توقيعات الطبعة الثانية انشاء الله

همس الاحباب يقول...

د/ اجدع بنوته
ههههههه
معلش يا دكتورة ملحوقة المرة الجاية
وكويس انك شربتى بيبسى فى القاهرة ده حدث عالمى طب ما اتصليتش بحدمن معارفك ليه علشان يجى ياخدك او يوصفلك المكان صح عامة يا ستى انت نزلك موضوعين جامدين قوى من مدونة ادم وحواء ف علاقات لامحدودة بوست لو مكنتش انت تدلعنى.. مين يدلعنى وبوست ايه يعنى لما اغسله رجله بميه وملح .
والبوستين اجمل من بعض بصراحة
وميرسى ليكى وربنا يوفقنا جميعا
ومزيد من الاعمال المتميزة فى الطبعات القادمة
تحياتى وتقديرى

همس الاحباب يقول...

دكتورة / لماضة
اجدع دكتورة فى الدنيا عندنا وانا بقول المدونة ريحتها مسك وعنبر ونفتالين وبنج ليه ههههههههه
بجد انا سعيد جدا انى قابلتك وتشرفت بمعرفتك يا دكتورة
لا متخافيش مش ادعى على همس بس تطلع نصك يا دكتورة وانا ابوس ايدى شعر ودقن
منورة وربنا يوفقك
تحياتى وتقديرى
خالد

همس الاحباب يقول...

اخى العزيز ابو حنف
منورنى يا باشا وربنا يكرمك فى الامتحانات وان شاءالله نشوفك فى المرات القادمة
تحياتى

همس الاحباب يقول...

رئيسة حزب الاحلام
اختى العزيزة ميرسى لكلماتك الرقيقة بس فعلا ده شعورى وفرحتى بالناس اللى كانت موجودة ومنورة معانا
وده اقل من حقك انتى انسانة طيبة وهادية و..
ونتمنى نراكى دائما على خير
وتحققنا الاحلام كلها مع حزب الاحلام
تحياتى وتقديرى

همس الاحباب يقول...

العزيزة كاميليا
بصراحة انا كنت سعيد ومبسوط بجد
وكان نفسنا تكونى معانا وتشوفى الجمال على طبيعته
وانشاء نشوفك فى اللقاءات القادمة
وتنورينا دائما
لانك انسانة رقيقة المشاعر وجديدر بكل احترام
تحياتى وتقديرى

همس الاحباب يقول...

محمود الدوح
حبيب قلبى انا عمرى ما انساك
انا فاكرك طبعا وعارف انى سلمت عليك
بس انت عارف الزهايمر بقى وحكم السن يا حوده
بس انت اكتر واحد انا شوفته من المدونين لحد دلوقتى بعد سووو وابى
وهو فعلا كان يوم جميل بسم الله ماشاء الله
تحياتى يا باشا

دعاء مواجهات يقول...

يااااااااااة

يااااااااااااة

كل ما ادخل مدونة عزيزة عليا مثلك والاقيهم بيتكلموا عن اليوم دة اتمنى اوى اوى اوى انى كنت ابقى معاكو

انا اصلا بحب المشاعر الدافئة واللقاءات والحاجات دى كلها

بتمنى اوى انى اكون معاكو فى الجزء التاى او حتى اقابلكو

بحبكوا اوى اوى

وبحقد عليك علششان شوفت كل الناس الجميلة دى

هههههههههههههههههههههه

بهزر طبعا

سلاامى لهموسة...

همس الاحباب يقول...

ام دودو
منورة دائما
وسعيد بزيارة حضرتك
وشكرا لكلماتك ودعوات حضرتك
تحياتى وتقديرى

همس الاحباب يقول...

والدى العزيز / ابو خالد
كلماتك وسام على صدرى وتاج على راسى
واتمنى انى اكون عند حسن ظنك بى دائما
ولكن انت انسان جدير بكل حب واحترام وتقدير ووجودك زاد من بهجة الاحتفال وزاده نورا وجمالا
والسويعات التى قضيتها معك كانت من اسعد لحظات حياتى
دمت بخير والدى العزيز والى مزيد من اللقاءات باذن الله
تحياتى وتقديرى
ابنك خالد

همس الاحباب يقول...

امل
وعليكم السلام ورحمة الله وبركاته
الحمد لله كان فعلا يوم رائع وجميل ويحمل مشاعر دافئة بين المدونين
وربنا يوفقك وتكونى معنا فى اللقاءات القادمة باذن الله
تحياتى

همس الاحباب يقول...

وينكى
منورة مدونتى المتواضعة
اه شفتى الجمال قد ايه
والاجمل لو كنتى موجودة معانا فى البورصة
كان يوم جميل بحق وسعدنا بمعرفة اشخاص محترمة جدا والكل بياخد بعض بالاحضان كانه يعرفه من سنوات
تحياتى وتقديرى

همس الاحباب يقول...

اختى العزيزة / همسة
الله يكرمك وميرسى لذوقك وكلماتك الرقيقة
ويا ريت تكونى موجودة فى اللقاءات القادمة انسعد بوجودك جدا
وتحياتى لحضرتك

همس الاحباب يقول...

اختى الغالية ام يوسف
ههههههههه
لا بجد والله انتى انسانة طيبة ورقيقة المشاعر وكلنا اتجمعنا علشان خاطرك
فبكل المقاييس انتى جديدة بحبنا وتقديرنا
انتى عارفة الحاجة الوحيدة السليمة فيه نظرى والحمد لله هو كان 6/6 بس حاليا مش عارف اااه يا عينى
ههههه ابو خالد مرة واحدة لا كتير قوى قوى
طب اطلع ربعه او حتى نص الربع ههههه
وان شاء الله انتقابل فى لقاءت جميلة قادمة باذن الله
بت خيخة اه كان نفسى تيجى بس على فكرة انا شوفتها قبل كده فى البورصة
بس شافتنى ومشيت على طول عملت بمثل اذا حضرت الملائكة ههههههههههه
اوعى توقليلها احسن دى ايدها طرشة
تحياتى وتقديرى

همس الاحباب يقول...

ام يوسف
كلاكيت تانى مرة
لا يا اختى انا خايف عليكى من الحسد مش اكتر وعلشان كده حطيت فى التورتة قدامك 6 شمعات بس كل شمعة بعشر سنين
يعنى 60 سنة بس ههههههههههههه
ربنا يديم عليكى الصحة والسعادة وتفرحى بيوسف وباحفاده ان شاء الله
هههههههههه لا انا عيد ميدانى الجاى ابقى عندى 105 سنة يعنى مش اتعرفى تحطى شمع خالص
تحياتى وتقديرى لاجمل ام يوسف فى الدنيا

همس الاحباب يقول...

مفقوعة مرارتها
سوسو هانم انا اللى سعيد انى قابت حماة همس
وفعلا كان يوم جميل وشوفنا ناس محترمة قوى وناس كتير كنا نتمنى نشوفها
بس ان شاء الله الجاى احسن
تحياتى وتقديرى
خالد

همس الاحباب يقول...

رئيس جمهورية نفسى
محمود باشا منورنى يا باشا
وكنا بجد نفسنا تكون موجود معانا وتنورنا
ويارب دايما مجتمعين على خير وحب
تحياتى وليك وحشة والله
خالد

همس الاحباب يقول...

قوس قزح
هههههههه
تصدقى بالله لا اله الا الله قولى
انه نفس الشعور اللى حسيت بيه والله
وعلشان كده بحسبك ساكنة فى الهرم لانى بقول الشكل مش غريب وقابلنى قبل كده
هههه نور دى زى العسل انا عندى همس كانت زيها واصعب كمان وانا بطبيعتى بحب الاطفال الصغيرة وبالى طويل معاها
ان شاء الله تتعوض فى المرات القادمة وبلاش ترددى فى الحضور
وانا موافق انك تحسدينى بصراحة لانى انا بحسد نفسى اصلا
ويا بختك يا ستى على الميناء مرة واحدة
طب خدنى معاك هههه
انا اللى اسعد طبعا وسعيد بمعرفة حضرتك
تحياتى وسلامى للاولاد
خالد

همس الاحباب يقول...

اختى العزيزةالغالية على قلبى / ابى هانم
هههه
طبعاكنتى منورة الحفل انتى والقمر اللى معاكى وكلنا كنا فرحانين طبعا وانتى دايما متالقة ومبدعة
وان شاء الله اجيبها يا ستى حاضر واتحملوا شقاوتها بس
تحياتى وتقديرى
خالد

همس الاحباب يقول...

تامر صلاح
معلش بقى ان شاء الله تنورنا فى المرات الجاية وتبقى نجم الاعداد القادمة
تحياتى وسعيد بزيارة حضرتك
خالد

همس الاحباب يقول...

اختى العزيزة / دعاء مواجهات
حمدلله على السلامة
وانا كمان نفسى تنورينا فى المرات القادمة ونسعد بلقاء حضرتك
معانا ومعلش مافيش نصيب المرة دى نشوفك
تحياتى وفى انتظارك فى القريب العاجل
خالد

موناليزا يقول...

ربنا يجعل ايامك كلها سعادة
ويارب تتجمعوا تانى على خير واكون معاكم حتى اتعرف على اخواتى فى الله وعائلتى التدوينية الجميلة

عبده الرايق يقول...

من كتر ما قريت عن اليوم ده
اتندمت قوى
كان فيه سبوبه حلوه
كنا جبنا كام ازازه كازوزه وشويه لب وترمس
وعملنا مصلحه
يلا
حصل خير
على فكره يا خالود انا شفت صورتك انت وابو خالد
واحشنى جدا
وسلامى لهمس

تامر حسين يقول...

مع الاسف اني محضرتش اليوم ده بس ان شاء الله يتعوض
تحياتي واتمني زياره مدونتي وابداء الراي فيها

همس الاحباب يقول...

العزيزة / موناليزا
ميرسى لكلماتك وذوق حضرتك
انشاء الله دائما نجتمع على خير وتنورينا دائما
تحياتى
خالد

همس الاحباب يقول...

عبده باشا الرايق
حليب قلبى من جوه
وحشتنى من هنا لهناك ذهاب واياب
بجد كان نفسى تكون معانا وتنورنا
شفت الصورة عند الصباغ طبعا
ايه رايك طيب شوفت لون عيونى يجننوا مش كده هههههههههه
تحياتى وتقديرى
خالد

همس الاحباب يقول...

تامر حسين
منورنى يا باشا
وربنا يوفقك فى المرات القادمة ونشوفك
اوك زورتها ومدونة رقيقة
تمنياتى لك بالتقدم والرقى
تحياتى

Hossam Nasr يقول...

موعدنا غداً لنتحد ولو لدقيقة
الساعة الرابعة عصراً نرسل رسالتنا الأخيرة
http://kawlansadida.blogspot.com/2008/05/blog-post_24.html

26.05.2008

Tamer Nabil Moussa يقول...

السلام عليكم

ازيك ياخالد

انا سعيد انى شوفتك

وان شاء الله المرة الجاية اشوفك ونتعرف اكتر

ربنا يكرمك

تحياتى

أم أحمد المصرية يقول...

انا مش بحقد عليك انا بحسدك بس :)
ربنا يسعد قلبك دايما و يسعدني معكم المرة القادمة بس في اسكندرية ان شاء الله

Unknown يقول...

فعلا كان يوم جميل بجد والاجمل هو تجمع عدد كبير اوى كدة من المدونين

يااااارب عقبال الاعداد القادمة
:)


تحياتى

الـسـيـدة نـون يقول...

انا مش شايفة يعنى انى اسمى مذكور ضمن الناس اللى انت افتقدت وجودهم

ولا خلاص بقى وجودى زى عدمه

اهئ اهئ اهئ اهئ

وبعدين مش كدة يعنى
انتوا متفقين عليا كلكم
كل ما ادخل عند حد الاقيه كاتب عن اليوم ده
راعوا مشاعر الناس الخيخة اللى زى حالاتى

سلام
يا خالد
اختك خيخة

(احمد سكر ) يقول...

وانا بجد ياخالد

كنت سعيد جدا بمعرفتك

اخ بمعنى الكلمه

تحياتى اخى الفاضل

آخر العنقود يقول...

ربنا يرمك يااستاذ خالد
بجد انا اللى كنت سعيدة جدا انى شوفتكوا واتعرفت على احلى ناس
ربنا يديم تجمعنا دايما فى الخير يارب

وبصراحة يعنى بجد انا عرفتك من قبل ماحد يقول اسمك
هههههههههههه
بجد مش عارفة ليه اول ماشوفتك قولت هوه ده همس الاحباب
وطلع تخمينى صح
الحمدلله
تحياتى ليك

همس الاحباب يقول...

قولا سديدا
شكرا اخى على تذكيرك وتم الاسال
تحياتى

همس الاحباب يقول...

تامر نبيل
منور يا باشا
وانا اللى سعيد انى شوفتك
وانشاء الله المرة الجاية نتعرف اكتر واكتر
تحياتى اخى العزيز

همس الاحباب يقول...

ام احمد المصرية
منورة المدونة وسعيد بزيارتك
طالما حسد انا موافق ومن حقك
ربنا يكرمك وان شاء الله المرة الجايوة تشرفينا وتنورينا
تحياتى
خالد

همس الاحباب يقول...

انسانة
الحمد لله وان شاء الله الجاى احسن
وسعيد بزيارتك واتمنى التواصل
تحياتى

همس الاحباب يقول...

بت خيخة واى كلام
الغالية قوى ام شريف
يا ستى انتى كنتى الغائب الحاضر بروحك واعماللك وعلى فكرة انا سالت عليكى اول ما رحت فعرفت انه عندك ظروف
لانى عارفك عمرك ما تتاخرى على حاجة زى كده
تحياتى وتقديرى

همس الاحباب يقول...

سكر
احمد باشا اللى منورنى دائما
يا باشا انا اللى سعيد انى قابلتك وتعرفت على انسان زى السكر
واتمنى انتقابل تانى وتالت ان شاء الله
تحياتى وتقديرى

همس الاحباب يقول...

اخر العنقود
ههههههه
طب الحمد لله انه تخمينك طلع صح
وانا اللى سعيد بمعرفتكم جميعا
وربنا يديم المحبة والود بينا كاسرة واحدة
ونلتقى على خير دائما
تحياتى وتقديرى

Tamer Nabil Moussa يقول...

ازيك ياخالد

اخبارك اية

فى انتظار جديدك

تحياتى

غير معرف يقول...

الجميل
صاحب مدونه همس الاحباب

خالد باشا

اشكرك

واعلمك بان الموعد 7 يوم السبت بمسرح

المركز الثقافي الفرنسي



انا رامز عباس

غير معرف يقول...

الجميل
صاحب مدونه همس الاحباب

خالد باشا

اشكرك

واعلمك بان الموعد 7 يوم السبت بمسرح

المركز الثقافي الفرنسي



انا رامز عباس

رحاله يقول...

السلام عليكم
ربنا يجعل ايامك كلها فرح وسعادة وكل حاجه حلوة
تحياتى
جيلان

همس الاحباب يقول...

تامر نبيل
منورنى يا باشا دائما
ان شاء الله بس ظروف الشغل ماثرة شويى
تحياتى وتقديرى
========
رامز عباس
منورنى وسعيد بزيارتك
وان شاء الله سوف اكون متواجد
بس عنوان المركز الثقافى الفرنسى فين
تحياتى وتقديرى
=========
رحالة
عزيزتى جيلان
شكرا لكلماتك الرقيقة
وسعيد بتواصلك الدائم
تحياتى
خالد

نور الدين (محمد الجيزاوى) يقول...

سيدى الفاضل
اشاركك سعادتك بهذا اللقاء الرائع
رغم انى لم اتشرف بالتواجد فيه ولكن احساسك وكل من قام به وصل لنا جميعا
ربما كما قال المثل العربى ( كل غريب للغريب قريب)
ونحن فى عالم التدوين كغرباء فى اوطانهم يصنعون وطنا يحلمون به
لك كل تقدير وارجو الله ان ياتى يوم نلتقى فيه تحت وجه الشمس لا عبر الصفحات الالكترونية فقط
......
نور الدين محمود