24 أكتوبر 2009

سحر الكلمات


رسالة عبر الايميل الشخصى
تحمل كلمات ليست كالكلمات
ولان الكلمات اعجبتنى جدا
فاردت ان انشرها فى المدونة

˚ ◦˚ஐ الابتسامة ˚ஐ
أقدم وأسرع طريقة للمواصلات عرفها الإنسان واللغة الوحيدة التي تفهمها جميع الشعوب دون ترجمان
˚ ◦˚ஐ الشوق ˚ ◦˚ஐ
معدن نادر يتمدد بالحرارة وينكمش بالبرودة
˚ ◦˚ஐ الأمثال ˚ ◦˚ஐ
خلاصة تجربة قيدت ضد مجهول
˚ ◦˚ஐ الطلاق ˚ ◦˚ஐ
شركة أفلست بعد أن نفذ رصيدها من العواطف
˚ ◦˚ஐ الخجل ˚ ◦˚ஐ
فرصة نادرة تتيح للفتاة أن تبدو متوردة الوجه بدون استخدام المساحيق
˚ ◦˚ஐ الصدق ˚ ◦˚ஐ
قارة لم تكتشف بعد
˚ ◦˚ஐ الشائعة ˚ ◦˚ஐ
طائرة أسرع من الصوت
˚ ◦˚ஐ الأسرار ˚ ◦˚ஐ
معلومات تبوح بها للآخرين
ليقوموا باستغلالها ضدك عند اللزوم
˚ ◦˚ஐ الصمت ˚ ◦˚ஐ
أروع حديث بين ألأصدقاء
˚ ◦˚ஐ المنافق ˚ ◦˚ஐ
كائن يمدحك في ضجة ويخونك في صمت
˚ ◦˚ஐ الحرب الباردة˚ ◦˚ஐ
ابتسامة أمرآة لأمرآة أخرى
˚ ◦˚ஐ الإنسان ˚ ◦˚ஐ
كائن من التراب خرج وعلى التراب عاش ومع التراب تعامل وإلى التراب سيعود
˚ ◦˚ஐ الشرير ˚ ◦˚ஐ
شخص يدرس طبائع معظم الناس
˚ ◦˚ஐ القلم ˚ ◦˚ஐ
القوي الذي يتكلم وينطق نيابة عن لساننا الضعيف
˚ ◦˚ஐ الكلمة الطيبة ˚ ◦˚ஐ
الجسر الرقيق الذي يصل بين قلوب الناس فوق بحر الأنانية
˚ ◦˚ஐ الحياة ˚ ◦˚ஐ
عبارة عن سفينة شراعها الأمل ووقودها العمل
˚ ◦˚ஐ الغضب ˚ ◦˚ஐ
الريح التي تهب فجأة فتطفئ سراج العقل
˚ ◦˚ஐ الصداقة ˚ ◦˚ஐ
عبارة عن صفقة تجارية رابحة بين قلبين وروحين
˚ ◦˚ஐ الكتاب ˚ ◦˚ஐ
المعلم الذي لا يعلم حتى يحركه التلميذ
˚ ◦˚ஐ الكرم ˚ ◦˚ஐ
أحيانا يكون ضرورة دبلوماسية للتعامل بين الناس
˚ ◦˚ஐ الأمل ˚ ◦˚ஐ
الشمعة التي تضيء لك دروب مليئة بالهم والحزن والرجاء والخوف
˚ ◦˚ஐ المتفائل ˚ ◦˚ஐ
هي حديقة ورود بين أشجار الأشواك
˚ ◦˚ஐ المتشائم ˚ ◦˚ஐ
الشخص الذي مهما أقنعته بجمال الوردة لا يرى إلا الشوك
˚ ◦˚ஐ الشرف ˚ ◦˚ஐ
الشيء الوحيد الذي لا يجوز أن يفقده المرء أبدا ولو مرة واحدة
˚ ◦˚ஐ البلاغة ˚ ◦˚ஐ
تعني أن تجيب فلا تبطئ وتصيب فلا تخطئ
˚ ◦˚ஐ الحقد ˚ ◦˚ஐ
يعني شعور بالنقص تجاه الآخرين فيتحول إلى كراهية في القلب
˚ ◦˚ஐ العمر ˚ ◦˚ஐ
ذلك الشيء الذي كلما طال كلما قصر
˚ ◦˚ஐ الحب ˚ ◦˚ஐ
السحر الخفي لا يعرفه إلا المجربون وهو أجمل ما في الحياة
˚ ◦˚ஐ الحظ ˚ ◦˚ஐ
عكاز الفاشل وسلاح المنتصر
˚ ◦˚ஐ الصبر ˚ ◦˚ஐ
أسلوب مهذب من التحمل يمنع المظلوم أو المتضرر من الشكوى
˚ ◦˚ஐ القراءة ˚ ◦˚ஐ
مفتاح سحري يفتح لك خزائن الكنوز في كل مكان
˚ ◦˚ஐ الزمن ˚ ◦˚ஐ
قطار سريع من المستحيل توقفه
˚ ◦˚ஐ الاستسلام ˚ ◦˚ஐ
ضعف يؤدي إلى المذلة
˚ ◦˚ஐ الضمير ˚ ◦˚ஐ
إشارة حمراء توقف الإنسان أمام نفسه ليصدق معها ولو لحظات
˚ ◦˚ஐ الأم ˚ ◦˚ஐ
هي المخلوق الوحيد الذي نجده أمامنا في الحياة صادقة الابتسامة رقيقة الغضب
˚ ◦˚ஐ الساعة ˚ ◦˚ஐ
حكيم يصرخ بنا ويقفز أمامنا كل ثانية ونحن ننظر إليه بنفوس محملة بالنعاس
˚ ◦˚ஐ الوداع ˚ ◦˚ஐ
كلمة لا بد منها ولكن ما أسهل قولها وما أصعب سماعها



وفي ختام هذه المعاني أهديكم وقفات هامة في الأخيار من الناس

بين الناس هناك البعض حصى و البعض الآخر جواهر
~~~~~~~~~~~
تُعرف الشجرة من ثمرها
~~~~~~~~~~~
من جاور السعيد يسعد و من جاور الحداد ينحرق بناره
~~~~~~~~~~~
لا يكتم السر إلا كل ذي ثقة و السر عند خيار الناس مكتوم
~~~~~~~~~~~
سادات الناس في الدنيا الأسخياء و في الآخره الأتقياء
~~~~~~~~~~~
أفضل الناس من تواضع عن رفعة و عفا عن قدرة و أنصف عن قوة
~~~~~~~~~~~
من يعرف الناس يكون ذكيا و لكن من يعرف نفسه يكون أذكى


منقول من الميل 

16 أكتوبر 2009

عذرا ... يا أقصى



عذرا .... يا أقصى
يا أولى القبلتين وثالث الحرمين 
يا مسرى رسول الله وإمامته للانبياء
عذرا .... يا أقصى
فلن نملك لنصرتك الا الكلمات والصراخ 
عذرا .... يا أقصى
فقد ماتت بنا النخوة
عذرا .... يا أقصى
فقد اصابنا الوهن واصبحنا غثاء كغثاء السيل 
عذرا .... يا أقصى
فقد هنت وهانت علينا مقدساتنا 
عذرا .... يا أقصى
 فليس منا أو بيننا صلاح الدين 
عذرا .... يا أقصى
فحكامنا ليسوا الفاروق عمر 
عذرا .... يا أقصى
فقد حرمنا الصلاة فيك 
عذرا .... يا أقصى
فقد انشغلت شعوبنا 
عنك بالبحث عن كوب مياه نظيف 
او خوفا من وباء الخنازير 
وانت تئن من عربدة احفاد الخنازير
عذرا .... يا أقصى
فقد اثقلت كاهلنا مناحى الحياة 
 وفرطنا فيك وتركناك وحيدا  
عذرا .... يا أقصى
فقد حرمنا من الجهاد ومن نصرتك
عذرا .... يا أقصى
فقدأخذنا المحتل الغاشم بالاحضان والقبلات 
وتنأسينا دم الشهداء  
عذرا .... يا أقصى
 فقد دنسوك وانتهكوك 
واليوم يسعون لهدمك 
على مراىء ومسمع منا 
عذرا .... يا أقصى
فحكامنا لم تشتاق انفسهم لصلاة ركعتين فيك 
عذرا .... يا أقصى
فحكامنا لا يعرفون معنى الاتحاد قوة 
حتى لو كان اتحاد مثل خيط العنكبوت   
عذرا .... يا أقصى
فشباب المسلمين اصبح لا يفرق بينك وبين قبة الصخرة 



عذرا .... يا أقصى 
فالدم اصبح ماء 
والماء اصبح تيفود 
عذرا .... يا أقصى
لقد جئت أنعى اليك المسلمين 
وأقول لك 
لك الله يا أقصى 
عذرا .... يا أقصى 
فقد جئت اشكو لك ضعف قوتنا 
وقلة حيلتنا وتفرقنا
عذرا .... يا أقصى 
فقد كتب عليك أن تبكى وتستغيث 
ولا مجيب!!!


12 أكتوبر 2009

اسكندرية دائما

دائما تهفو القلوب الى بحر اسكندرية وجوها الخلاب

كما تعودنا دائما من اهل اسكندرية على الكرم وحسن الضياقة 
كان اللقاء الخيرى بالاسكندرية يتسم بالروعة فى التسابق على فعل الخيروانجاح اليوم وجعله يوم خيرى وترفيهى اكثر من رائع
اليوم بدا معنا من السادسة صباحا عندما تحرك بنا السوبر جيت من عبدالمنعم رياض متجها الى عروس البحر الابيض وبصحبتى احن ام واطيبهم على الاطلاق فى عالم التدوين المتالقة دائما فى المشاركات الخيرية فاتيما روح قلب ماما ام يوسف 
واللى بذلت مجهود خرافى فى رسم البسمة على شفاه الاطفال باعمالها الفنية وهداياها الجميلة واللى بيتضح من خلال الصور التالية
  
 
شرح مبدئى لما تقوم به من اعمال فنية 
 
مشاركة من الاطفال فى عمل لوحة نجوم الليل 

 

الاطفال اثناء لزق النجوم 

 

لوحة نجوم الليل واهم معالم اسكندرية والقلعة كمااااان
 
 

لحظة المشاركة فى عمل طراطير من الورق الملون 

 

كتابة الاسماء على الوردة ووضعها فى فازة 


الفازة وبها الاسماء        


الاطفال ولحظة من المرح والتمتع بالالعاب 
 
لحظة من الحيرة والتفكير فى اختيار اللعبة

طبعا دار الايتام  كان مكان جميل جدا ونظيف والعدد صغير جدا والمساحة كبيرة بصراحة وكان فى اهتمام من جانب الادارة فى استلام التبرعات العينية والنقدية واحترام فى التعامل 
طبعا عدد المدونين فى الدار كان معقول جدا وده جعلنا نقضى فترة كبيرة وسط الاطفال واللعب معهم والاستمتاع بشقاوتهم وعدوانيتهم احيانا وحسينا اننا رجعنا اطفال وبدانا نطير بالونات وناكل مصاصة ونجرى معاهم 
بعدها طبعا اليوم كان ترفيهى جدا روحنا نادى المهندسين وقعدنا على البحر وروحنا بحرى واكلنا على البحر وقضينا وقت جميل والحمد لله 
قابلت ناس بحبها وكان نفسى اشوفها من زمااااااان زى 
اسير الجراح وده تانى لقاء بينا 
مواطن مصرى نايم  ده اول مرة اشوفه مع انى اعرفه من زمان وطلع حدوتة مصرية جميلة 
بدراوى  شخصية محترمة وطيبة جدا وتسعد بمعرفته
احمد سعيد وعنبر العقلاء الحمد لله بلدنا لسه فيها ناس عاقلة 

هنودة  تحس انها اختك او قريبتك من زمن
مدام داليا سعدت بمعرفة حضرتك
حنان الشافعى  مجهود جبار فى استقبال المدونين والتصريح لهم بالدخول 
هبة نهر الحب  خفة الدم والشقاوة الاسكندرانية 
نبض اسكندرية هدوء والتزام
سالى حروف وصاحبتها حضور متاخر لكن ليه طعم اخر

القدر وانا فرصة سعيدة رغم الوقت القصير اللى نورتينا فيه
انجى المهم هات من الاخر وفعلا جابت من الاخر
لماضة واللى جت تسلم واللى مبسوط انها حضرت لو دقايق معدودة

حبايب قلبى طبعا واللى ما فيش وصف  يليق بيهم 
سووووو الخواجة اللى لم علينا الناس فى بحرى  واللى وجوده بيسعدنى  جدا لانه خطيب همس سابقا وشابى حاليا
عادل وخفة دم وارتياح نفسى بمجرد انك تشوفه
ضياء حالة من الادب والاخلاق تكاد ان تكون انقرضت من زمن
مسك الختام
عاشقة الرومانسية  وحنين القلب مجهود خرافى وجهد مميزلتنظيم اللقاء وشراء الهدايا ولعب الاطفال وجدعنة وشهامة وكرم ضيافة 
ربنا يجازيهم خيرا ويجعله فى ميزان حسناتهم 

اللى عايز  تفاصيل التفاصيل يروح هنا

9 أكتوبر 2009

شابى بين مؤيد ومعارض

بسم الله الرحمن الرحيم


لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاءُ يَهَبُ لِمَنْ يَشَاءُ إِنَاثًا وَيَهَبُ لِمَنْ يَشَاءُ الذُّكُورَ * أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَنْ يَشَاءُ عَقِيمًا إِنَّهُ عَلِيمٌ قَدِيرٌ} الشورى : 49 -50



اولا: بشكر كل المدونين والمدونات على تهنئتهم الرقيقة بمناسبة المولودة الجديدة وشكرخاص للعزيزة الغالية حنين القلب وشكر خاص ايضا للرائعة دائما حنين شقــ * آخر حاجة * ــــاوة
طبعا هناك اختلاف على اختيار اسم المولودة والاسماء المرشحة كانت شابى - شاهستا - شهد انا بصراحة كنت معجب باسم شاهستا ولكن شابى اسم جديد وعلشان كده تم اختيار شابى ومحدش يسأل معناه ايه هو عجبنى وخلاص وبعدين الاسماء لا تعرف يا جدعان وخليكم حلوين  وقولوا ان الاسم جميل وخلاص
لانه عجب ناس كتير وناس اعترضت على الاسم كتير واعتقد ان اهلى فى الصعيد أهدروا دمى بعد هذه التسمية لانهم طلعوا جدعان ساعة همس واعترضوا اعتراض لطيف اما المرة دى ربنا يستر


طبعا الست شابى شرفت فجر الاربعاء 7-10 -2009 ومن غرائب الموقف انها ولدت يوم الاربعاء زى همس والاغرب من كده فى تاريخ الميلاد همس ميلادها 10-7 وشابى 7-10 سبحان الله
طبعا بعد قدوم شابى الكل اعتقد ان وجودى فى  لقاء اسكندرية تلغى وانى مش هروح وطبعا انا رايح اسكندرية وهحضر اللقاء ان شاء الله وطبعا يا فرحة ما تمت يا ست حنين انتى ودودو كان نفسكم  ترتاحوا منى بس اعمل ايه حظكم كده انى جااااااااااى
وعلشان كده عايز كل مدونى اسكندرية والقاهرة والمدن المجاورة يشهدوا اعظم حدث فى العصر الحديث كيفية التخلص من ريا وسكينة2009
فى انتظاركم غدا فى مدينة الاسكندرية ان شاء الله

2 أكتوبر 2009

اعمل الخير ... وارميه البحر


بناء على دعوة كريمة من الاخ صاحب مدونة طهر فؤادك 
بخصوص المشاركة فى حملة اتبرع وانت فى بيتك  
ومدونتك هتنقذ طفلك 
مشاركة متاخرة نظرا لظروف خارجية 


لمزيد من التفاصيل هنا
======================

===================

بدعوة من الاختين الحلوين ريا وسكينة2009 ( عاشقة الرومانسية وحنين القلب سابقا 
سيتم عمل لقاء خيرى بالاسكندرية يوم السبت الموافق 10-10-  2009
ودى التفاصيل من عند عاشقة الرومانسية 

ان شاء الله التجمع هيكون امام الملجأ من الساعه 10 الى الساعه 10 ونص
والناس الموجوده هتدخل واللى يجى متاخر يتصل بينا نطلع ناخده
وده رقم تليفون التجمع 0193139198
اسم و عنوان الملجأ
دار الحنان طريق مطار النزهه بجوار الامن المركزى
بالنسبه للناس اللى هتيجى من محطه مصر بالقطار ممكن تاكسى او تركب ميكروباص الساعه وتنزل عند الملجأ
واللى هيجوا بالسوبر جيت من الموقف الجديد ممكن تاكسى برضه او يركبوا عوايد سريع وينزلوا فى السكه

هنقعد مع الاطفال فى الدار من الساعه 10 ونص الى الساعه 1
الساعه 1ونص هنتحرك على نادى المهندسين فى سابا باشا على البحر
واللى هيتاخر لاى سبب ممكن يجى لنا على هناك
اما عن طلبات الملجأ فهى كالاتى
اداوات نظافة

*********

*شامبو جونسون \ ديتول \شاور جونسون \صابون جونسون \زيت جونسون

لوشن جونسون \بودرة بيبى جونسون \ليف حمام \ليف عادى \بيرسول \صابون وجه \فنيك \ مناديل



مواد غذائية  
*********

* لبن نيدو \بسكويت \لحمه مفرومه \أرز \سمن حلوب \زيت \فراخ \بقسماط \زبادى \فاكهه \سكر \صلصه



أدوية
*****

* سرنجات 3سم \ اوجمنين شراب \ بارامول شراب \ ريكتوبلكسيل شراب \ ريكتو بلكسيل لبوس \ سيتافلون مطهر

\ساين أب \ ميجافين \ كيناكومب مرهم \ شاش \ قطن \ميكوفللين شراب \ سيتال مطهر \ فينادروبس نقط \

درمازين حروق \ أكوافيرا \ رينوستوب \ موتينورم شراب \ موتينورم لبوس
واللى مش عايز يشترى حاجه .. الملجأ بيقبل تبرعات نقديه وبيتم تسليم ايصال للمتبرع بالمبلغ وبالنسبه لاى حد عايز يشاركنا من القاهره ومش هيقدر يجى
فيقدر يسلم المبلغ اللى هيشترك معانا بيه لخالد همس الاحباب وده رقمه
0101345140
وطبعا ما حدش مصدق ان ريا وسكينة ممكن تعمل خير وعلشان كده احنا ممكن نعمل خير ونرميهم البحر وعلشان كده عايزين الكل يشارك فى المهمة النبيلة والجليلة للبشرية جمعاء 
ربنا يجعله فى ميزان حسناتكم ..
لمزيد من التفاصيل